Novae

Novas da romanización de Galicia en Scoop-it

Novas

  • Odisea 2014, a peli!
    Unha vez rematada a Fase Estatal da edición 2014 do concurso, onde a Panda de Plauto, do IES Mariano Quintanilla de Segovia, acadou o primeiro posto, Capricornio, do IES Vila de Cruces, o segundo, e Aresto Momentum, do INS Gallecs de Mollet del Vallès, o terceiro, dende Dives Gallaecia queremos recordar todos eses momentos de emoción vividos neste pequeno vídeo, que recolle as mellores escenas do día do preguntón no MGB.
    Publicado a las 20/2/2014 4:32 por Álvaro Pérez Vilariño
  • O latín e a publicidade na Estrada
    Os alumnos e alumnas de 4º de ESO do MGB levan varias semanas investigando e descubrindo que o latín segue hoxe, hic et nunc, máis vivo que nunca no mundo da publicidade.

    Dende aquel famoso cartel publicitario da firma Michelín, Nunc est bibendum ("agora é tempo de beber"), son moitas as marcas e empresas que buscan destacar o seu produto ou o seu negocio con ese plus de prestixio e calidade que lle confire un nome latino ou relacionado coa Antigüidade Clásica.

    Tamén na nosa vila, na Estrada, temos varios establecementos que seguen esta máxima. Existe un restaurante chamado Velis Nolis, unha cafetería chamada Orpheus e outra Invictus, e unha axencia inmobiliaria que atende ao nome de Arcadia.

     Cafetería Invictus Axencia inmobiliaria
    Arcadia
     Cafetería Orpheus 
     
    Restaurante Velis Nolis

    Pero é que, ademais, sempre poderemos desfrutar coa bebida Rubicon Exotic, darnos unha volta nun Volkswagen Phaeton, comprar algún xoguete en Imaginarium, algún trapiño que nos guste en Uterqüe ou facer as tarefas de latín nunha libreta Papyrus.


    Publicado a las 18/2/2014 4:27 por Álvaro Pérez Vilariño
  • Museo de Pontevedra
    Logo dos vídeos dedicados ao museo de Santo Antón na Coruña, o museo Arqueolóxico de Ourense e o do Museo Provincial de Lugo hoxe é o turno de presentar o realizado no Museo de Pontevedra, concretamente do Sexto Edificio, que alberga as salas S3 (Prehistoria recente, Protohistoria, Romanización) e S4 (Galaico-romano). 

    Na S3 poderemos admirar, entre outras pezas, as figuras de bronce do Castro de Altamira (bóvido, calceus, etc.), un pequeno tesouro composto por arracadas, moedas e torques de ouro ou un prezado cinto.
    Na S4 atoparemos diferentes aras consagradas ás divindades (galaicas, como Coso, ou propiamente romanas, como Diana ou as Ninfas), a pía de culto de Silius Eorinus, abundantes estelas funerarias e un fermoso selo de ouro adicado a Venus Victrix, así coma varios aneis e pendentes de outro. Todas estas pezas e algunha máis forman este álbum nosa galería de imaxes en Flickr.

    Queremos agraceder nesta liñas a activa colaboración de José Carlos Valle Pérez, Director do Museo, tanto nas facilidades que nos prestou para realizar a filmación nas súas dependencias como na axuda posterior para identificar e titular varias das pezas fotografadas.

    Museo de Pontevedra from Dives Gallaecia on Vimeo.

    A romanización de Galicia no museo de Pontevedra. Ourivería, aras ás divindades, epigrafía funeraria.

    Publicado a las 14/11/2013 2:44 por Álvaro Pérez Vilariño
  • Vídeo do Museo Provincial de Lugo
    Despois dos vídeos dedicados ao museo de Santo Antón na Coruña e o museo Arqueolóxico de Ourense, presentamos hoxe o do Museo Provincial de Lugo, do que destacamos o Claustro, as aras funerarias, o mosaico de Dédalo e Pasífae, a colección de lucernae, a estela de Crecente, a sala de ourivería co Torques de Burela, a sección de numismática (áureo de Nerón), o cadeado de Truco e a Tabula de hospitalidade do Courel.

    Museo Provincial de Lugo. Romanización de Galicia. from Dives Gallaecia on Vimeo.


    Publicado a las 2/5/2013 9:23 por Álvaro Pérez Vilariño
  • Cásina no festival grecolatino de Lugo
    Presentamos hoxe este novo vídeo gravado o martes 5 de marzo no marco da XIII edición do festival de teatro grecolatino de Lugo.
    Corresponde á representación de "Cásina", de Plauto, a cargo do grupo Noite Bohemia, da Coruña.

    Casina (Plauto) Lugo 2013 from Dives Gallaecia on Vimeo.


    Publicado a las 25/3/2013 8:46 por Álvaro Pérez Vilariño
Mostrando entradas 1 - 5 de 33. Ver más »
Dives Gallaecia 2012 é un proxecto dun grupo de profesores e alumnos do I.E.S. Manuel García Barros da Estrada.

Un traballo de documentación sobre a romanización da Gallaecia.
Unha recompilación de material audiovisual.
Un xeito de colaboración coa Galipedia e wikimedia Commons.
Hic et nunc. En que medida somos aínda romanos hoxe.
Os xacementos arqueolóxicos e museos máis importantes da Gallaecia.
A conquista militar, a explotación dos recursos, a organización administrativa, as vías de comunicación.
DivesGallaecia 2012 en Flickr












Comments