Woord vd dag 2020
31 december 2020
scheutig keken = raar opkijken
ge zoe mo scheutig keken o de politie ier almekjee an de deure stoat
30 december 2020
nen ertefretter = een zeurkous
't zoe nen ertefretter weirden van heelteed binnen te zitten
29 december 2020
te kwiste gaan = verloren gaan
d' er goat ier nie veel eten te kwiste
28 december 2020
revillie = wekker
osse klapt is 't lék 'n revillie die ofloopt
27 december 2020
gildig = erg
't begunt gildig te regenen en te waaien
26 december 2020
getrek = gevaarte
ze kosten doar niet deure mee ulder getrek
24 december 2020
averre = bijna; ongeveer
't weird averre teed damme voortgoan
23 december 2020
schaverdenen = schaatsen
'k peize nie damme te kestag goan keunen schaverdenen
22 december 2020
nen ode sessa = een oude man
ie begunt zere nen ode sessa te weirden
21 december 2020
de kannebank = het aanrecht
zet die spoelkommen moar ip de kannebank
20 december 2020
van 'k go euj goan èn = ongepast; naast de kwestie; niet ter zake doende
't is azo were ne moatregel van 'k go euj goan èn
19 december 2020
zén handje kussen = van geluk spreken
ze mag eur handje kussen dad eure vint zo nen braven djoost is
18 december 2020
'n reuveke = een puistje
z' eed an da reuveke geskart en 't bloedt neuj
17 december 2020
gaan zanten zén = weg zijn
tegen damme doar zén z' al gaan zanten
16 december 2020
z' ee 't van geen oenden gedeeld = de appel valt niet ver van de boom
15 december 2020
ow! = stop!
ow, zovele niet, 'k zoe droenke weirden
14 december 2020
ne moosser = een verkwister
't is gene moosser, z' eed al ne skone spaarboek
13 december 2020
't gaapt leek nen oven = het is zo duidelijk als wat
12 december 2020
fleuwin = kussenovertrek
'k go ne kjee moeten 't fleuwin vervessen
11 december 2020
klabetteren = lawaai maken; rammelen
dad angt doar te klabetteren deur de wind
10 december 2020
eutsleujeren = uitstellen; op de lange baan schuiven
ge moet da nie heelteed eutsleujeren van noar den dokteur te goan
9 december 2020
nen teut = een eindje; een stuk
petatten mee rookole, nen teut wost en goe sause, niet da beter is
8 december 2020
ne scheven kregen = een uitbrander/verwijten krijgen
ie kraag ne scheven omdat ie 't eutgelangd oat
7 december 2020
da bestaat in goesten = smaken verschillen
den enen is zot van klaaispeirden den andere niet, da bestaat in goesten
3 december 2020
't ipperste = de zolder
kweetzoender omme vandejoare de slee van 't ipperste goan moeten halen
2 december 2020
de pieste in = er vandoor
tegen dat de politie arriveerdige woaren die gasten al lange de pieste in
1 december 2020
rinneweren = ruïneren; te gronde richten
me goan oens nog rinneweren an die kaffiekapseulen
30 november 2020
bekwame = rijp
die peiren zén nog nie bekwame
29 november 2020
swille van... = omwille van.../tegen...
doe mo zere de kasse toe swille van de motten
28 november 2020
te dom om hooi t' eten = zeer dom
'j eed em were loaten vangen, 'j is ook te dom om hooi t' eten
27 november 2020
in de wèrdije van... = in de tijd(sduur) van...
in de wèrdije van 'n kart woas heel de stroate gekeust
26 november 2020
nen tèrik = een regenworm
'j is were tèrikken goan vangen veur te goan vissen
25 november 2020
staande = fit; vitaal; in conditie
'j is nog vree staande veur zén ode
24 november 2020
'n oaperinge = een ladder in een nylonkous
't sloat al tegen, kee neuj nog 'n oaperinge in mén koesse
23 november 2020
bareren = doorstrepen
ge meugt da neuj bareren ip euj leestje
22 november 2020
't is kul en zén broere = het gelijkt nergens op; onzin
21 november 2020
bij de werke hangen = los hangen
de rechterspiegel van den oto hangt bij de werke
20 november 2020
zentje = bidprentje; gedachtenisprentje
mèn den doobrief tegoare mee 'n zentje gekregen
19 november 2020
gabbe = open wonde; snede
'j o 'n grote gabbe ip zén voorhoofd
18 november 2020
'n trekske = een lichte hersenbloeding/hartaanval
ie moet ipletten, 'j eed al ne kjee 'n trekske hèt
17 november 2020
ofstreien = ontkennen
ie probeerdege nog of te streien dat ie 't gedoan oat mo 'k oat gezien
16 november 2020
ruttelen = mopperen / rammelen
ge moe nie heelteed lopen te ruttelen, me keunen der ook nie an doen dat die persjinnen angen te ruttelen, 't is van de wind
15 november 2020
de beuter goat dieren = gezegd over iemand die aan z'n gat krabt
14 november 2020
achter Tjaantjes liggen = dood en begraven zijn
tegen toen liggen me al lange achter Tjaantjes
13 november 2020
reke oden = in de rij staan
'k zoe wa gezien èn van do reke te stoan oden an den Action
12 november 2020
rekkerke = elastiekje
me goan doar 'n rekkerke roen doen dat 't nie openvalt
11 november 2020
kariot = gammel voertuig
't is mo 'n ood kariot van nen oto da z' èt
10 november 2020
navond Toone = nu nog mooier!; goeiendag!
9 november 2020
onbermertig = heel erg
't begoste doar onbermertig te stinken
8 november 2020
peutestokskes = heel dunne benen
z' is anders nie lelik mo 't is jammer van eur peutestokskes
7 november 2020
'n piesooge = een ontstoken ooglid
'k kannekik mee die piesooge toch nie beuten kommen?
6 november 2020
zwarte skole oden = (zwarte school houden)/ dubbelzinnige, seksueel getinte praat uitslaan
z' ield geiren zwarte skole
5 november 2020
er nie ip schaffen = er geen acht op slaan
'k ee der nie ip geschaft o tie zén masker ip oot of niet
4 november 2020
ne maneskeeter = een bromvlieg
't zit neuj gadikke ne maneskeeter in eus
3 november 2020
ne fenissegaard = iemand die met precisie te werk gaat
ie kost em dieen telefoeng vermoaken ee, 't is zo ne fenissegaard
2 november 2020
sneukelen = snoepen
me goan were moeten begunnen sneukelen van miserie
1 november 2020
steeg = stroef; moeilijk
'k ben leek 'n brokke steeg van ofgang
31 oktober 2020
gekuld zitten = opgezadeld, verlegen zijn
'k zitte doar neuj mee gekuld da 'k nie alle weke noar de coiffeuse kan goan
30 oktober 2020
peutannozel = helemaal gek
ge zoet er peutannozel van weirden van al die seefers
29 oktober 2020
tap = zetpil / haakje om kleren aan op te hangen
angt euje palto moar an den tap
28 oktober 2020
d' hand over 't herte leggen = toegeven
z' ee eindelik d' hand over 't herte geleid en der kommen bijzitten veur de foto
27 oktober 2020
dommesteek = knecht
'j ee nog dommesteek gewist bij den baron
26 oktober 2020
't is mo flauwe zunne = het is slecht weer
25 oktober 2020
't is leek dakket hèt ee = neen, dank je wel
24 oktober 2020
ipgoan lék 'n dagsterre = plots kwaad worden
't is anders geen contrare mo ze kan ipgoan lék 'n dagsterre
23 oktober 2020
kiefkief = (ongeveer) gelijk
nog 1 zo'n spelleke en me stoan kiefkief
22 oktober 2020
'n poeleke geven = een handje geven
(tegen een kind) geef ne kjee 'n skoon poeleke an die madam
21 oktober 2020
altemets = soms
ge nèt altemets geen maskerke ten iptelle?
20 oktober 2020
spakken = hinken; mank lopen
ie spakt 'n bitje van 't voetballen
19 oktober 2020
almenekjee = opeens; plots
ie woas almenekjee weg lék 'n vliege ip 'n planke
18 oktober 2020
koppekei hard = zeer hard
die cake is koppekeihard, niet te vreten
17 oktober 2020
van de skippe lopen = overdreven zijn
ze zitten hele doagen tope, 't loopt van de skippe
16 oktober 2020
er vet mee zén = er niets mee zijn; er niets aan hebben
me meugen ne kjee deur de veister keken, me zén do vet mee
15 oktober 2020
kerdjas geven = er tegenaan gaan; van katoen geven
die bouwvakkers begunnen al van 's nuchtens tielik kerdjas te geven
14 oktober 2020
en si en la en't geunte = enzovoort
13 oktober 2020
piepling = tenger manspersoon
da piepling zat neuj in De Slimste Mens
12 oktober 2020
iemand ne striep trekken = iemand bedriegen; een hak zetten
'j eed em do lelik ne striep loaten trekken
11 oktober 2020
't is welbestid = het is verdiend
ie kraag 'n boete veur te zere te rijen, 't is welbestid
10 oktober 2020
z' is goe bedeeld van poten en oren = ze heeft een goed figuur
9 oktober 2020
ie skart achtereut lék d' innen = zijn gezondheid gaat erg achteruit
8 oktober 2020
palto = mantel (van vrouw)
't goat agauwe were zén om oenze palto eut t' oalen
7 oktober 2020
lokketisse = hagedis
omme klene woaren goengen me dikkopkes en lokketissen vangen in de beke
6 oktober 2020
'n remeestringe = een raar, ondefinieerbaar geluid
'k oordige doar lék 'n remeestringe ip stroate
5 oktober 2020
'n trutje = een kleine hoeveelheid
de flasse is abij leeg, 't is mo 'n trutje meer in
4 oktober 2020
swatelen = onduidelijk spreken
ie stoend doar wat te swatelen da me nie verstoenden
3 oktober 2020
't is 'n flauw bezet = het staat er slecht voor
2 oktober 2020
vroet van den honger = zeer grote honger
ze zén altéd vroet van den honger on ze theuskommen van schole
1 oktober 2020
talloreterter = man met speciale maniertjes
'k ben blije dat dienen talloreterter der nie bij is
30 september 2020
eisselen = aarzelen
ie stoend doar eerst t' eisselen mo ie dege 't toch
29 september 2020
van achter de vieren = onkundig; slecht; onbekwaam
't is ne chauffeur van achter de vieren
25 september 2020
reuten van... = spreken over...
dat ie nog kort gezeten èt doar reut ie nooit van
24 september 2020
ode tjeuken = voedingswaren die oud en taai zijn
die ode tjeuken van steuten go kik nie meer ip eten
22 september 2020
figgelen = prutsen
ie kraag zene frak nie open ie zat doar an de tirette te figgelen
21 september 2020
pesseene = urinoir
an de kerke stoend er 'n pesseene, de vrouwen moesten moar ulder plan trekken
20 september 2020
't loopt van de schippe = het is overdreven
19 september 2020
in den onkost kommen = aanschaffen; geld uitgeven
'k go nog moeten in den onkost kommen van 'n nieuw meulenmeske
18 september 2020
ne netebuk = 'n venijnig persoon
ze koste 't nie laten van 't antwoorden, 't is zo ne netebuk
17 september 2020
kattepierig = bleekjes; ongezond
ze zag ter mo kattepierig eut, ze zal toch alzeleven geen corona kregen?
16 september 2020
halfnèze = half afgewerkt
ze loaten 't al halfnèze en ze zén goan spelen
15 september 2020
groten dij = complete onzin
't is groten dij wat dat dienen tiep ier komt vertellen
14 september 2020
fassen = bakkebaard
't is geen mode meer van fassen
13 september 2020
nie lange letten = niet lang blijven
me meugen nie zitten want me goan nie lange letten
12 september 2020
teut in d' draai = tot ziens
11 september 2020
kontekeer-ofs = omgekeerd; achterstevoren
ze droeg eur oedje kontekeer-ofs
10 september 2020
omvremde = overhoop; door elkaar; in de war; omver
ge moe nie keken 't ligt ier al omvremde
9 september 2020
riflement = berisping; uitbrander
ie kraag 'n riflement omdat ie zén masker nie an oat
8 september 2020
teure mo deure = ga maar door
4 september 2020
badding = (houten)balk
me goan ier nen badding steken en 't is ipgelost
3 september 2020
mensies doen = gebaren; teken doen
ze deeg mensies damme mochten deure goan
2 september 2020
nen droeve stiel = een lastig beroep
't is nen droeve stiel coureur zén
1 september 2020
gereeschepe maken = zich klaarmaken
z' is gereeschepe an 't maken veur no skole te goan
31 augustus 2020
iemand bestreien = iemand berispen
ie wierd bestreen omdat ie geen masker an oat
30 augustus 2020
kappen en kleunen = met veel lawaai opbreken
't is al van 's nuchtends da ze begunnen kappen en kleunen
29 augustus 2020
bekken = smaken
ie kan goe eten o 't em bekt
28 augustus 2020
'n poenke geld = veel geld; een hoop geld
da proces èd em 'n poenke geld gekost
27 augustus 2020
versleuzen = verstopt geraken
ge meugt da doar nie ingieten den ofloop zoe heel versleuzen
26 augustus 2020
genadelik = tegen een gunstige prijs
zèn dad eus van ulder tante nog genadelik keunen kopen
19 augustus 2020
tegen dat 't spel 'n ende èt = uiteindelijk; te langen leste
tegen dat 't spel 'n ende èt èt er niemand nog 'n masker an
18 augustus 2020
nen eutaalder = een creatieve man
jeet da droogrekske zelve gemoakt, 't is zo nen eutaalder, mén vintje
17 augustus 2020
weten van... = lijden aan...
ze weet 'n bitje van de zenuwen
16 augustus 2020
er genen duts ip zén = er geen compassie mee hebben; er goed van langs geven
de politie woas ter genen duts ip, ip die keirels
15 augustus 2020
ketje mij ketje gij = poets wederom poets
14 augustus 2020
't is zo nen blink = voilà, daar heb je het!
mèn 't nog gezeid dat 't ging binnenregenen en 't is zo nen blink
13 augustus 2020
ne slag = onverharde weg die naar een boerderij leidt
ze weunen achter de Dentergemstroate en doar ne slag innewoars noar 't hof
12 augustus 2020
piestongs = klappertjes voor een speelgoedpistool
omdat ie froy gewist oat kraag tie 'n rolleke piestongs veur zén geweire
11 augustus 2020
ne raren draaier = een zonderling; vreemd figuur
't zag ter leek mo ne raren draaier eut
10 augustus 2020
meugen terten = ontslagen worden; weggestuurd worden
van o zén geld ip woas èt ie meugen terten
9 augustus 2020
pressjoeng = drukknop om een kledingsstuk dicht te knopen
ze kraag de pressjoeng van eur bloeze nie meer toe
8 augustus 2020
teut binnen 'n letje = tot straks
5 augustus 2020
om ter sjeetst = om het snelst; om het eerst
ze liepen om ter sjeetst noar den tring
4 augustus 2020
onverwist = per ongeluk; ongewild
z' ee onverwist al eur gegevens gedieliet
3 augustus 2020
veur 't leutjes = niet meetellend voor de punten
de match Leuven tegen den Beirschot woas moar veur 't leutjes
2 augustus 2020
groeze = (aardappel)loof
't is vije groeze mo letter petatten
1 augustus 2020
kort gesteukt = klein en breed van gestalte
die Peruviaantjes zén al zo'n kort gesteukte
31 juli 2020
ten onverlette = op een vrij moment; zonder tijdverlies
ge moe moar ne kjee kommen ten onverlette
30 juli 2020
kortweunste = kleine landelijke woning
ie woas van 'n kortweunste entwo an Schobbejaks hoogte
29 juli 2020
ne savel = een doortastende, onverschrokken vrouw
ze doste nie binnengoan, 't is pertank ne savel
28 juli 2020
klappen lék 'n gebrokene spoa = heel veel praten
ie zeg anders nooit iet en neuj klapte gie lék 'n gebrokene spoa
27 juli 2020
veesneuzen = mokken; pruilen; kniezen
ze zit doar neuj te veesneuzen omdasse noar da feestje nie mag
26 juli 2020
kweetzonder = ik vraag me af
kweetzonder oan z' ulder masker goan an èn
25 juli 2020
'n séke kregen = een oorveeg krijgen; (fig) een uitbrander krijgen
ie kraag doar azo 'n séke woar dat ie nie goe van woas
10 juli 2020
van nie hoge vallen = niet duur zijn
'k ee 'n bloezeke gekocht mo 't valt van nie hoge, 't woas in de solden
9 juli 2020
de panen broek verdienen = een jongen en een meisje bij elkaar brengen zodat er een trouw van komt
8 juli 2020
toesteuken = (onverwacht) arriveren
me goan doar nie ip 't oenverwachtse toesteuken
7 juli 2020
streuvelhaar = haar dat lichtjes krult
't kiendje ee skoon streuvelhaar
6 juli 2020
verhazaarden = op de kop tikken; een koopje doen
jee da keunen verhazaarden ip ne rommelmarkt
5 juli 2020
't is welbestid = het is verdiend
't is welbestid, ie moe mo beter ip zén spel letten
4 juli 2020
mén ziele gods = waarempel; zowaar
jee mén ziele gods zén korte broek angedoan
3 juli 2020
elk ovrans = beurtelings
't is ier elk ovrans parkeren
2 juli 2020
mee zén gat vul schulden = met zeer veel schulden
ip ne koelen uchtend istie mee zén gat vul schulden noar de Canada vertrokken
1 juli 2020
ten is genen droad an gebroken = het kan geen kwaad; er is niets aan de hand
21 juni 2020
tallongs = hoge hakken
ze kost abij nie goan ip die kesseien mee eur tallongs
20 juni 2020
z' èn ulder neuze veur an te trekken = ze kunnen het vergeten
ze peisdegen van veunieten binnen te meugen mo z' èn ulder neuze veur an te trekken
19 juni 2020
meuken = boos, verongelijkt kijken
ie kan lange zitten meuken ottie zén gedacht nie kreegt
18 juni 2020
't is bot om passen = het is moeilijk om goed te doen
gene regen, teveel regen, 't is bot om passen
17 juni 2020
ne steuk = een duw; stoot
'k ee ne steuk hèt in meen zije
16 juni 2020
't zén zén eigen leuzen die beten = hij is zelf schuldig
15 juni 2020
in 'n korte robbelinge = snel; in korte tijd; zonder omhaal
'j is in 'n korte robbelinge de weirelt gepasseerd
14 juni 2020
an den hals kommen = verloren gaan
't komt ier moar winnig eten an den hals
13 juni 2020
klewiesteren = klauteren; stommelen
ie kwamt doar de trappen ip geklewiesterd
12 juni 2020
bedjeefeld = besmeurd
ottie were keert van de cross istie heel bedjeefeld
11 juni 2020
kodenanssie = gesprek; babbel
'k zag eur an de kerke in kodenanssie mee de paster
10 juni 2020
vente = overlast; toeloop
't is alteed zij die de vente èt
9 juni 2020
iemand in 't gat steken = iemand iets laten doen wat je zelf liever niet doet
'j ee ter 'n handje van weg om iemand anders in 't gat te steken
8 juni 2020
zeen/eur lenen achter leggen = z'n best doen; zich inspannen
ie goat er meer zeen lenen moeten achter leggen ottie der wilt deure zeen
6 juni 2020
sjenssie = zin; goesting; lust
'k o gjeen sjenssie meer om nog den ofwas te doen
5 juni 2020
slameur = lastig werk; grote moeite
't is 'n heel slameur om die zetel noar boven te kregen
4 juni 2020
sleussie = vulcaniseermiddel (Dissolutine) om een rubberen band te stoppen met een rustineke (Rustine)
3 juni 2020
't ligt em/eur 't ipperst = het zit hem/haar hoog
2 juni 2020
kernel = (vruchten)pit; kern; klokhuis
ge meugt 't kernel nie ip eten
1 juni 2020
't is zo ne flink = het is van dat
z' oan 't nog gezeid dat er teveel volk gink zén en 't is zo ne flink
31 mei 2020
den oj en den droj = het doen en laten
z' is 't ier gewend, ze kent ier den oj en den droj
30 mei 2020
over en 't were = heen en terug
mèn ne kjee zere over en 't were noar de zee gewist
29 mei 2020
weegoarde = gelijke; zelfde sociale klasse
ie zoe beter 'n meiske zoeken van zén weegoarde
27 mei 2020
Da ‘s de krikke = dat is een goed systeem
betoalen mee euj koarte tegen da bakske t’ oden, da ‘s de krikke
26 mei 2020
groat wiens oofd dat er toen zjeer doet
wie weet hoe we er dan voor staan
25 mei 2020
‘n beeze = een regenvlaag
‘t zoe beter ne kjee ‘n goe beeze doen
24 mei 2020
gereedsel = (auto)verkeer
der is nie veel gereedsel ip zo ne zundagnuchtend
22 mei 2020
t' enden alle stroaten = uitgeput; ten einde raad
achter die kure woas ze t' enden alle stroaten
21 mei 2020
kort steken = in de gevangenis steken
ze zoen die gasten beter van den eerste kjee kort steken
20 mei 2020
de weuven, de deuven en den drank zén de vinten uldren oendergank
19 mei 2020
'n kloeke bakte = een struise vrouw
zo'n kloeke bakte en hij is mo 'n smeer vintje
18 mei 2020
ne klene jukkebubbel = iemand die klein van gestalte is
ie kan nog zere lopen veur zok ne klene jukkebubbel
17 mei 2020
putten in d' èrde klagen = erg klagen
de boeren klagen putten in d' èrde omdat 't nie regent
16 mei 2020
verfoazelen = verleiden
'j eed em toch were loaten verfoazelen zeker?
15 mei 2020
den buf van 't spel = de zondebok
Wie goat er ier were den buf van 't spel zén? De klene man.
14 mei 2020
de grote poef goat of = de grote gebeurtenis vindt plaats
't is moandag dat de grote poef of goat
13 mei 2020
gestoffeerd lék nen oend mee vlooien = voorzien zijn van de perfecte uitrusting
12 mei 2020
kitzak = ronde draagtas die bovenaan met een touw wordt dichtgeknoopt
ze stoan ip de foto mee uldre kitzak
11 mei 2020
toartekloj = onnozelaar; kieken
dienen toartekloj kwam zoender masker in mén oanzichte klappen
10 mei 2020
beesterije = (vliegende) insecten
doe zere de zjaloezie toe dat er geen beesterije binnenkomt
9 mei 2020
dievlinge weg = stiekem; in 't geniep; geruisloos
die lelijke stinker woas dievlinge weg toch noar de stroate gelopen
8 mei 2020
'n schone vernettinge = grote verbetering; mooi opgeruimd
't is 'n schone vernettinge dan die gasten ier gevreusd zén
7 mei 2020
weister = bewegingsruimte
go ne kjee eut mene weister
6 mei 2020
't nie keunen gebokken = niet kunnen verdragen/volhouden
'j is an d' opleidinge begunnen mo 'j èt nie keunen gebokken
5 mei 2020
rol et euj moar eut! = ga weg!
4 mei 2020
morelen = luid schreeuwen
moej doavoren azo morelen, veur zok 'n kleen sneetje in euje vinger?
3 mei 2020
anrekken = weggaan
on ze zagen oe winnig dat ie koste mocht ie 't agauwe anrekken
2 mei 2020
ne knuf = een lichte, korte hoest
'k ee lék 'n brokke van ne knuf, 'k go toch vanalzeleven 't corona nie kregen zeker?
1 mei 2020
geen prenssie van = geen sprake van
geen prenssie van dak ik in zo'n were eut mén kot go kommen
30 april 2020
iemand bij 't veertienste zetten = iemand bedriegen
z' èn ulder doar lelik bij 't veertienste loaten zetten
29 april 2020
vernesteld = in de war
ie liep heel vernesteld omdat ie zénen bril nie voend
28 april 2020
zeeslessen = (rubberen) watersandalen
euj voeten sopten van 't zweet in die zeeslessen
27 april 2020
zénen illigen intrekken = op zijn belofte terugkomen
otie dad oordege trok tie zere zenen illigen in
26 april 2020
reskierlik = riskant; risicovol
't is reskierlik van neuj no de winkel te goan
25 april 2020
noar de koer goan = de grote (of kleine) boodschap doen
'k ben lék 'n brokke steeg van ofgang, 'k ee al in drie doagen nie noar de koer gewist
24 april 2020
vanalzeleven = nooit; zeker
't go toch vanalzeleven geen woar zén dan d' ode nie meer eut ulder kot meugen kommen?
23 april 2020
ge keunt er mee geen stokken deure sloan = het is een grote warboel
22 april 2020
onbermertig stinken = zeer slecht ruiken
die mosselskulpen begosten onbermertig te stinken
21 april 2020
velne frak = bontmantel
mo goan oenze velne frak moar in 'n plastiek steken zeker?
20 april 2020
meutte = vogelkooi
mèn de meutte mee de preussen ne kjee beuten gezet
19 april 2020
stefastig = voortdurend; herhaaldelijk
me kregen stefastig dienen tiep mee zén peloverke te zien
18 april 2020
sékkeplat = volledig leeggelopen (van een band)
mene velo stoeng sékkeplat achter al die doagen
17 april 2020
't is kwoawillewerk = met opzet; moedwillig
z' èn oens were overgeslegen, 't is kwoawillewerk
16 april 2020
ge zoet er de kode kuts van kregen = je zou het er van op de heupen krijgen
15 april 2020
ne stoas = een norse, zwijgzame man
't is mo ne stoas van ne vint da z' ee
14 april 2020
smootzochte = helemaal gaar
't keneen is smootzochte
13 april 2020
teeuwelen = eten met lange tanden
'k ziet, 'j een genoeg, ie begunt te teeuwelen in zén tallore
12 april 2020
pretgroene = onrijp
die pèren zén nog pretgroene
11 april 2020
vanessentens = over de hele lengte
't is vanessentens ne skribbel ip oenzen oto
10 april 2020
gassreerd = zelfverzekerd; onverschrokken
da's ne gassreerden buzzesnijer die doar ofkomt
9 april 2020
't manneke van beuten = de pineut; de klos; de overbodige
vannoo zén geld ip woas, woas tie 't manneke van beuten
8 april 2020
kloasteren = klimmen; klauteren
ie kwam doar de Poelberg ip gekloasterd
7 april 2020
pinten = versieren
heel eur koamer woas gepint veur eure verjoardag
6 april 2020
oneirlik = over het algemeen; gewoonlijk
dad in euj kot bleuven weir nog oneirlik goed ipgevolgd
5 april 2020
't is 't verste van mén gedacht = ik denk er niet aan
't is 't verste van mén gedacht van neuj noar de zee te goan
4 april 2020
verbreunen = verslechteren
da goad ier zere verbreunen otter niemand meer eut zén kot komt
3 april 2020
zén/eur teumen kregen = zotte kuren krijgen; nukken vertonen
ottie zén teumen kraag woas ter geen eus mee t' oden
2 april 2020
ze n' oort moar alf euren beuk vul = ze is hardhorig
1 april 2020
weiger = zorgzaam; zindelijk
'j is vree weiger ip zén goeds
31 maart 2020
mén zinke = waarempel; waarachtig
z' èn ier mén zinke weer ip de meur getoaterd
30 maart 2020
no kerke of no kleuze goan = absoluut onkerkelijk zijn
ze goan nooi no kerke of no kleuze en ze zitten azo te memmen over d' eerste communie
29 maart 2020
ip zén novvenante = verhoudingsgewijs
de koereurs verdienen ip zén novvenante minder dan voetbalders
28 maart 2020
in vulle galoo = in volle vaart
ie kwaamt doar in vulle galoo ofgereen
27 maart 2020
anders geen spanders? = zijn er verder nog problemen?
26 maart 2020
'n stoppelweewe = een ongehuwde moeder
't is 'n dag van vandoage geen schande meer van 'n stoppelweewe te zén
25 maart 2020
gjeen spierke zunne = helemaal geen zonlicht
z' èn doar van helen dag gjeen spierke zunne in dad appartement
24 maart 2020
magrei = dringend
'k moeste magrei noar den bachten
23 maart 2020
't is 'n misse die nie zjeuste is = het is een vergissing
22 maart 2020
d' hand over 't herte leggen = (als eerste) toegeven
't moe entwie d' hand over 't herte leggen, anders is 't reuze veurzeleven
21 maart 2020
't is ier 't euzeke van Oostenreek = er wordt hier rijkelijk geleefd
20 maart 2020
moar alf eujen beuk vul zien = slecht zien omdat het te donker is
't is ier gene lucht, me zien ier moar alf oenzen beuk vul
19 maart 2020
kortresse = tekort; gebrek
't is al kortresse an WC-papier, blomme en agauwe an seuker
18 maart 2020
't is de krikke = het is ideaal
't is de krikke, zo nen elektrieke velo
17 maart 2020
an 't ges oden = zich kranig houden; voor zichzelf zorgen
oot euj an 't ges!
16 maart 2020
bek-neel = mond
'k ee mén bek-neel verbrand an die soepe
15 maart 2020
brokke verscheen = helemaal uit elkaar gevallen
da vleesbroodje viel brokke verscheen bij 't snijen
14 maart 2020
'n teer pietje = iemand die tegen weinig bestand is
't eed al heelzeleven 'n teer pietje gewist
13 maart 2020
in e goapen en e gieten = snel; in één keer
ge moe nie peizen dat da in e goapen en e gieten verbij go zén
12 maart 2020
nen halven draaier = iemand met een bizar karakter
't eed al heelzeleven nen halven draaier gewist
11 maart 2020
handhoave = handvat
't is d' handhoave die niet deugt
10 maart 2020
geen skoassie an = geen gebrek aan
neuj is ter geen skoassie meer an woater
9 maart 2020
poerdroge = helemaal droog
de waste is poerdroge
8 maart 2020
remeestren = over de grond rollen
da plakkoat is ofgewojd en remeestert achter de stroate
7 maart 2020
ip ne vesse kerf = opnieuw; met een schone lei
ie kant doar ip ne vesse kerf begunnen
6 maart 2020
commienezoeng = onderjurk
ge moe ne kjee keken, eure commienezoeng angt eut
5 maart 2020
ofnoezen = inkorten; een kortere weg nemen
me goan da neuj ofnoezen zè en me zeen der
4 maart 2020
getieketakt = ongeduldig; gehaast; ongedurig; geneigd
'j is getieketakt om noar de stroate te lopen
3 maart 2020
de dikzessen = een aanval van epilepsie
ie kraag de dikzessen te mirrelt van de stroate
2 maart 2020
keppe = lieveling
z' is de keppe van eur memee wè
1 maart 2020
de joaren kommen nie alleene = ouder worden brengt zijn ongemakken mee
29 februari 2020
gildig = kloek;ferm; potig; struis;
da kleen meiske is 'n gildig vrommins geweirden
28 februari 2020
nievers nie in kroamen = alles hebben wat nodig is; niet zuinig hoeven te zijn
z' èn tope 'n skoon pensioen en ze kroamen zulder nievers nie in
27 februari 2020
ten eerste werke = eerst en vooral
'k go neuj ten eerste werke noar den appeteker
26 februari 2020
te vierklauwe = haastig; snel
'j ee te vierklauwe no de winkel gewist achter 'n skippe
25 februari 2020
more en mereekel = vuile, modderige troep
't is nog al more en mereekel roend ulder nieuw eus
24 februari 2020
verteeklen = verhuizen; van plaats veranderen
me goan ip 't ende nog verteeklen noa 't odemaneus
23 februari 2020
ne post pakken = zwaar ten val komen
gadomme, Kris, gèt doar nogal ne post gepakt
22 februari 2020
stefoassie = spul; materie; substantie
'k wete nie o 'k doar die stefoassie go ansmeren
21 februari 2020
skribbel = schram; krabbel
z' o ne skribbel ip eur koake van de katte
20 februari 2020
lisse = leiband
ie moe zeen oend an de lisse oden
19 februari 2020
gespogen = sterk op elkaar gelijkend
't is zén voader gespogen
18 februari 2020
zo steef of 'n urde = met heel stramme spieren
'k ben zo steef of 'n urde achter die turnlessen
17 februari 2020
't is nie veel vank an = het is niet plezierig
't is nie veel vank an om neuj in den bouw te werken
16 februari 2020
veur wiensten illigen? = voor wie dan wel?
veur wiensten illigen zoen ze moeten spoaren, z' èn gjeen joengens
15 februari 2020
schurdig = onvoorzichtig; onstuimig; ruw
'k zit er nie geiren bij, ie rijdt veel te schurdig
14 februari 2020
koeketiene = minnares
ie zat doar t' eten mee zén koeketiene
13 februari 2020
't al van enen angel moaken = alles met elkaar vermengen
pak mo diene gebreukten anttoek, ge zoe 't ier al van enen angel moaken gij
12 februari 2020
nes = sappig; mals; smeuïg
da vlees is nog skone nes vanbinnen
11 februari 2020
akkelgaten = verwikkelingen; problemen
on der mo gjeen akkelgaten van kommen
10 februari 2020
verstellen = z'n bord niet kunnen leeg eten
't is vree goed mo tink mij da 'k go verstellen
9 februari 2020
't eed al zén snapsan = het vereist een specifieke aanpak
8 februari 2020
de veule geweunte = de hebbelijkheid; de gril
'j ee de veule geweunte van 'n kliksken in te loaten
7 februari 2020
'j ee zeen joengen ipgeten = gezegd van een man met een weelderige baard
6 februari 2020
tinkmij = het dunkt me; het staat me voor
tinkmij dat go regenen
5 februari 2020
't ligt in pozen = het is wisselvallig
't doe nie heel den téd zjeer, 't ligt in pozen
4 februari 2020
ie zoet er zén klakke nie ip leggen = (eufemisme voor) een vrouwenversierder
3 februari 2020
inkel geld = muntstukken
'k o gjeen inkel geld bij mij veur in de skoale te leggen
2 februari 2020
't bessan niet = het geeft niet
't bessan niet danze de zundag nie kommen
1 februari 2020
't zoe nen oden oend verleen = iedereen zou er zijn geduld bij verliezen
28 januari 2020
skreujelen = luid roepen; schreeuwen
ie skreujelde van 't zeer
27 januari 2020
nen droeven = stouterik; kwajongen
't is zo nen droeven, oenzen Arthur, mo ie kan lief zén ook
26 januari 2020
't spel is espe = het is voor mekaar; de zaak is geregeld
neuj nog enen toer en 't spel is espe
25 januari 2020
'n reussebeusse = een kordate, doortastende vrouw
ze skoot eur doar direct binnen, 't is zo'n reussebeusse hé
24 januari 2020
weg lék 'n vliege ip 'n planke = plots vertrokken (zonder iets te zeggen)
ie woas almenekjee weg lék 'n vlieg ip 'n planke
23 januari 2020
verskoeperen = lichtjes verbranden
'j ee zén oar verskoeperd an die keisse
22 januari 2020
lachen lék 'n paptoarte = gul lachen
't woas eigenlik veur te blèten mo ie stoent doar te lachen lék 'n paptoarte
21 januari 2020
't zal hoogmesse zén = 't zal nipt zijn; het is weinig waarschijnlijk
otie mee Vandepoel ip 't podium kan stoan zal 't hoogmesse zén
20 januari 2020
stoazen = sokken
'j ee were zeen witte stoazen an
19 januari 2020
da 's andersen dij ee = daar sta je van te kijken hé
18 januari 2020
't is menen tand niet = ik lust het niet
z' èd abij al eur eten ingeloaten, 't is euren tand niet
17 januari 2020
zo doof of nen erpel = stokdoof; erg doof
de merendeel van die gasten die do zitten zén zo doof of nen erpel
16 januari 2020
skjeen leek nen oend van zene stroent = er zomaar mee ophouden
15 januari 2020
ne veze perleut = een humeurige man
't is mo ne veze perleut van ne vint da z' èt
14 januari 2020
seunlichtzepe = zeep van het merk Sunlight
ie wast em al heelzeleven mee seunlichtzepe
13 januari 2020
pootink = pudding
niet da beter is of pootink mee spekloaskoekskes
12 januari 2020
goeds = spullen; gerief; materiaal
zén goeds stoat ip 't ipperste
11 januari 2020
remeesteringe = rumoer; lawaai; gedruis
'k oordige doar leek 'n remeesteringe achter mij
10 januari 2020
smeus = oorsmeer
't zit zeker smeus in zén oren
9 januari 2020
angetoorteld = slordig gekleed
ge moe ne kjee keeken oe da ze neuj angetoorteld is
8 januari 2020
keujspeuj = ingewikkelde toestand
't is ier ne veule keujspeuj
7 januari 2020
teut binnen 'n bitje = tot straks
allee me zeen der mee weg, teut binnen 'n bitje njee
6 januari 2020
oe skjeet dad ier? = hoe zit het?
oe skjeet dad ier, gomme neuj goan of niet?
5 januari 2020
peteelstikken = ingebeeld geld
mee wa goj da betoalen? Mee peteelstikken zeker?
4 januari 2020
da 't is da 't wilt = hoe dan ook; wat er ook gebeuren mag
da 't is da 't wilt, 'k go vandoage noar den boeremart
3 januari 2020
nen trot = een tocht; een rit
't is ne serieuzen trot van ier noar Tirol
2 januari 2020
't valt van nie hoge = het is relatief goedkoop
'k een em 'n kadootje gegeven, mo 't valt van nie hoge
1 januari 2020
DE WINS VAN ‘T JOAR
daj mo gezoend zét
daj mo content zét
dat mo goed is
dat mo geestig is
ot euj toj
ot euj ant ges
in 2020
HET 11e JAAR VAN TIELTS WOORDENBOEK IS BEGONNEN