Woord vd dag 2016
Voor het woord van de dag in 2020 klik hier: Woord van de dag
31 december 2016
effen streke = bijgewerkt
'k ben indlik effen streke gerocht mee die papieren
30 december 2016
lisse = leiband
ge moet eujen oend an de lisse oden
29 december 2016
kerdjas geven = er hard tegenaan gaan; van katoen geven
allee voreut, geef mo kerdjas!
28 december 2016
klakken = in de handen klappen; applaudisseren
ge meug nie klakken tussen de neumers
27 december 2016
de krikke = de ideale oplossing
dadis de krikke, zo ne keukenrobot
24 december 2016
streuveln = lichtjes krullen (van haar)
eur oar begunt 'n bitje te streuveln
23 december 2016
sneukeln = snoepen
't is van al da sneukeln dasse zo dik is
22 december 2016
untwoassen = ergens
ze weunen untwoassen in 't Gentse
21 december 2016
tefrente = verschillende; meerdere
j' eed al tefrente boeten hèt veur te zere te rijen
19 december 2016
ne skribbel = een kras
d' er woas ne grote skribbel ip oenzen oto
16 december 2016
allooize = horloge; uurwerk
keektekjee ip d' allooize oe loate dat is
15 december 2016
moej nen dop èn? = nu is het genoeg geweest!
14 december 2016
ip zenen/euren effenen zén = alles op orde hebben
achter de vreus ben ik indlik 'n bitje ip menen effenen
13 december 2016
ne roare postenoakel = een zonderlinge kerel
12 december 2016
in friet = in de prak
j' ee were zenen oto in friet gereen
11 december 2016
'n ansambel = een rok met bijpassende bloes
ze staot doar skone mee, mee da ansambelke
10 december 2016
tjewelen = eten met lange tanden
oan 't spreuten zén zit ie moar 'n bitje te tjewelen
9 december 2016
't zal tegen ulder oorlappen zén = denk maar niet dat dit zal doorgaan
8 december 2016
klappinge = aanspraak; gesprek
ze zaten nevens mekoar mo zoender veel klappinge
5 december 2016
rekkewéd open = wagenwijd open
de poorte stoend rekkewéd open
3 december 2016
ofgang = buikloop
'k krag almekjeer den ofgang
30 november 2016
gepateeld = toegetakeld; opgezadeld
ie zit nog nie lelik gepateeld mee dad affaire
29 november 2016
bessannen = hinderen
zoe 't nie bessannen ok menen oto veur euj deure zette?
28 november 2016
'n flakke = een schijf; een snede
geef mij doar ne kjee 'n flakke oafvlees
26 november 2016
bij 't hoar getrokken = gekunsteld; niet passend
da vinnek neuj toch 'n bitje bij 't hoar getrokken
25 november 2016
kalissieklutser = (scheldwoord voor) een wispelturige, onbetrouwbare persoon
24 november 2016
nievers = nergens
ge keund ier nievers eujen oto parkeren
22 november 2016
meedoen = zwanger zijn
ze doe were mee
21 november 2016
nunnebillen = zachte, sponsachtige snoep (wit en roze kleur)
20 november 2016
brooseuker = klontjessuiker
bringe ne kjee 'n doze brooseuker mee
19 november 2016
etje! = foei!; wat vies!
vette derms? etje!
18 november 2016
letter = weinig
d' er zén mo letter brieven vandoage
17 november 2016
girten = opzij gaan
ze wildegen nie girten hé veur nen ode mins lék ik
16 november 2016
't ipperste = de zolder
't ipperste sto vul mee brol
15 november 2016
keunen korten = iets (een zaak) kunnen afhandelen
'k ee noar den bank gewist mo 'k ee nie keunen korten
14 november 2016
peutekoot = zeer koud
't eten is peutekoot
11 november 2016
rekkerke = elastiekje
'k goa doar 'n rekkerke roend doen
10 november 2016
mén zinke = waarachtig; tot mijn verbazing; warempel
dienen tiep ee mén zinke nog gewonnen
9 november 2016
smieer = tenger
't is moar 'n smieer meiske
8 november 2016
eutmeten = uitrichten
'k weetzonder wat dattie doar an 't eutmeten is
7 november 2016
zo plat of ne sens = zeer plat
z' is zo plat of ne sens (van voren)
6 november 2016
skroaveln = schuren
'k éte da nie gèren, da skroavelt 'n bitje in euje mond
5 november 2016
verteureluten = (geld)verspillen; verbrassen
ge moe neuj euj geld nie goan verteureluten ip de kermesse
4 november 2016
tebinst = terwijl
nie in de gezette lezen tebinst dam eten
3 november 2016
achterkommer = jongste, wat later geboren kind
2 november 2016
mén ziele = warempel
ie goa mén ziele neuj nog oversteken
1 november 2016
veur wiensten illegen? = waarvoor?; met welk doel?
veur wiensten illegen zoe kik mij skone kleen?
31 oktober 2016
eutsleujeren = uitstellen
ge moet da nie heeltéd eutsleujeren
30 oktober 2016
klojspèrden = koekebroodje in de vorm van een paard
klojspèrden mee sekla-melk, niet da beter is
29 oktober 2016
'n flutse = een mislukking
z' èn da willen organiseren moar 't is 'n flutse
28 oktober 2016
d' hand over 't herte leggen = uiteindelijk toegeven
om gjeen reuze t' èn in de familie moet er toch iemand d' hand over 't herte leggen
27 oktober 2016
anstrebanssies = verwikkelingen
kè nie vele keunen werken, mee al die anstrebanssies
26 oktober 2016
gabbe = open wonde; snede
j' o 'n grote gabbe ip zén voorhoofd
25 oktober 2016
ofstreien = ontkennen
ge moet het nie ofstreien, 'k èt gezien
23 oktober 2016
't is van lek mén lippe = het is lekker
22 oktober 2016
'n kerjeusneuze = iemand die nieuwsgierig is
21 oktober 2016
kernel = klokhuis; pit
ge moet 't kernel eut d' appels snijen
20 oktober 2016
geen prenssie van = geen sprake van; in de verste verte niet
geen prenssie van damme veur diene vint zoen stemmen
19 oktober 2016
ketje mij ketje gij = poets wederom poets
18 oktober 2016
schoassie = schaarste; tekort
der is geen schoassie an eten
15 oktober 2016
in euj meutte gij! = zwijg! moei je er niet mee!
14 oktober 2016
triepeln = dribbelen
ie verliest toch veel ballen mee al zén triepeln
13 oktober 2016
ketjedeuk = verstoppertje
ze doen nie liever dan ketjedeuk spelen
12 oktober 2016
betoalen mee peteelstikken = geen geld hebben om te betalen
mee wa goj da betoalen? mee peteelstikken zeker?
11 oktober 2016
ielen = leegmaken
ge zoe beter ne kjee heel da schof ielen
10 oktober 2016
zenen/euren illegen intrekken = op z'n/haar besluit terugkomen
ot an zenen toer woas trok tie zere zenen illegen in
9 oktober 2016
gerre = spleet; kier
de deure stoa mee 'n gerre
8 oktober 2016
't fénste is zén oar = hij is niet van de slimste
7 oktober 2016
eutskjeen = ophouden
ie bleef mo babbelen, ie wiste van geen eutskjeen
4 oktober 2016
nen eutoalder = iemand die vindingrijk is
eure vint èt da zelve gemoakt, 't is zo nen eutoalder
3 oktober 2016
ie djeelt het van geen honden = de appel valt niet ver van de boom
2 oktober 2016
'n bescheten commissie = een onaangename opdracht
ge keunt 't noaste kjeer euj bescheten commissie zelve doen
1 oktober 2016
bès = zoen; kus
geef ne kjee ne groten bès an euj pepé
30 september 2016
in zén futje schieten = plots kwaad worden
't ziet er nen broaven eut moar ie kan vree in zén futje schieten
29 september 2016
poelen = handen
bleuf mee euj veule poelen van mén skone bloeze
28 september 2016
negge = scherpe kant van een voorwerp
'k ee mij do zeer gedoan an de negge van die kasse
27 september 2016
de kode kuts kregen van iets = het op de zenuwen krijgen van iets
lék dat den dienen werkt, 'k krege doar de kode kuts van
25 september 2016
slag no val = toevallig; onvoorspelbaar
ottie goendag zegt of niet, 't is al slag no val
24 september 2016
de latste man de zak ip oden = tot de laatste blijven plakken
kom, me zén noar eus, me goan ier niet de latste man de zak ip oden
23 september 2016
de kannebank = het aanrecht
zet die talloren moar ip de kannebank
22 september 2016
ipgoan lék 'n dagsterre = plots kwaad worden
ottie oordege van vreuzen goeng tie ip lék 'n dagsterre
21 september 2016
pianewés = langzamerhand; geleidelijk aan
z' is pianewés van gedacht an 't veranderen
20 september 2016
'k late varen = laat staan dat ik....
'k è nooit veu die partije gestemd, 'k late varen da 'k lidkoarte zoe èn
19 september 2016
skreujeln = schreeuwen
ie begoste te skreujelen lék 'n gekeeld zwén
18 september 2016
ommetoer = omweg
me goan ageunter nie goan 't is nen ommetoer
17 september 2016
de frontieren = de (lands)grens
ze zoen beter de frontieren were sleutn
16 september 2016
pèrloare = dronken
't is den eerste kjeer nie dat ie pèrloare theuskomt
15 september 2016
ip en tenden = totaal afgemat
'k woas ip en tenden van te wandlen in da warm were
14 september 2016
verdistreweren = kapot maken
z' èn heel mén voorteuntje verdistreweerd
13 september 2016
tjaffelen = moeilijk stappen
j' is nog goe bij geest moar ie tjaffelt 'n bitje
12 september 2016
sorteren = schikken; passen
'k goeng in Rome paus Frans bezoeken moar 't sorteerdige niet
7 september 2016
de ballen meugen kjeren = de schuld krijgen van iets; op z'n kop krijgen
ie zal de ballen meugen kjeren ottie theus komt
6 september 2016
melkezelen = janken; schreeuwen
ie stoa neuj nog iederen dag te melkezelen ottie no skole moet
5 september 2016
't zit noar = het is dringend
'k moe zere no den bachten, 't zit noar
2 september 2016
ne kloater = een inktvlek
ge moe zien daj gjene kloater moakt in euje nieuwe kajee
1 september 2016
spoassiepapier = kaftpapier
'k moe vandoage nog achter spoassiepapier veur ulder boeken te spoassiën
31 augustus 2016
tenden alle stroaten = ten einde raad; uitgeput
tenden alle stroaten ging tie were noar eus
30 augustus 2016
letten = blijven
'k springe zjeuste e kjee binnen mo 'k go nie lange letten
29 augustus 2016
nes = sappig; zacht; vochtig
da mag niet deurbakken zén, 't moe nog 'n bitje nes zén vanbinnen
28 augustus 2016
gildig = struis; kloek gebouwd
zij is 'n gildig vrommins en hij is zo nen moageren tetting
27 augustus 2016
roare gespen trekken = vreemd, verbaasd opkijken
ie zal nogal roare gespen trekken ottie da ziet
26 augustus 2016
er zenen/euren deun in èn = leedvermaak hebben in
z' èn doar uldren deun in ot er iemand verkeerd rijdt
25 augustus 2016
peutonnozel = onnozel; helemaal zot
ge zoet doar peutonnozel van wèrden van die sans unieks
24 augustus 2016
'n olkateel = citernvormige mestkar
'k koste nie verbijsteken 'k zat achter 'n olkateel
23 augustus 2016
achter 't gat eten = eten als iedereen al gedaan heeft
oj nie ip téd theus zét goj achter 't gat moen eten
22 augustus 2016
ne sjansseslag = een toevalstreffer
't is ne sjansseslag da 'k jeust in da gat eutkomme
21 augustus 2016
kloasteren = klimmen; klauteren
ie kloastert al ellene in en eut zén bedde
20 augustus 2016
djakken = krachtig uitgieten
'k goa ne kjee nen oaker water achter em djakken
19 augustus 2016
ne vieze perleut = een humeurige/norse man
eure vint is mo ne vieze perleut
18 augustus 2016
vei = weelderig; sterk groeiend
dank zij de vette stoat de pret neuj zo vei
17 augustus 2016
binnen 'n letje = binnenkort; weldra
binnen 'n letje is tie doar were
16 augustus 2016
okte snokte = bot; korzelig; onbeschoft
z' antwoordige azo 'n bitje okte snokte
15 augustus 2016
brokke verskjeen = uit elkaar
dienen boek valt brokke verskeen
14 augustus 2016
alle stappe = om de haverklap; dikwijls
'k moe alle stappe no de WC
13 augustus 2016
zén/eur wegen korten = opstappen; weggaan
ja, 't is békans noene, 'k goa ne kjee mén wegen korten
12 augustus 2016
ge moet euj wa meer speneeren = ge moet wat minder eten
11 augustus 2016
ofstreien = ontkennen
ge moet et nie ofstreien, 'k èt gezien
10 augustus 2016
verpasse = juist gepast
eet zere, de soepe is mo jeuste verpasse
9 augustus 2016
omvremde = overhoop; in wanorde
't eus lig heel omvremde
8 augustus 2016
'n kalut = een gammel voertuig
ie rijdt doa mee azo 'n ood kalut van ne Mercedes
5 augustus 2016
rinketten = vernielen
dienen hond zoe 't ier al rinketten
4 augustus 2016
'n zeurmete = iemand die vals speelt
ge moe troef volgen hé, zeurmete
3 augustus 2016
zo plat of ne sens = zeer plat
'k tortege ip menen bril en ie woas zo plat of ne sens
2 augustus 2016
'n domme nelle = een niet al te slimme vrouw
1 augustus 2016
stefastig = voortdurend
ge moet da stefastig in de goaten oden die gasten
31 juli 2016
'n kortweunste = een kleine landelijke woning, destijds bewoond door landarbeiders
30 juli 2016
noes = schuin
ge moet die planke 'n bitje noes ofzoagen
29 juli 2016
'n woaje = een losbol
eure joengste zeune is moar 'n woaje.
28 juli 2016
verneukeld = verschrompeld
't woaren mo klene verneukelde mossels
27 juli 2016
ellestekedoenker = pikdonker
't is ier ellestekedoenker
25 juli 2016
't is nen dieren = hij is roodharig
24 juli 2016
gereeschepe moaken = aanstalten maken; zich klaarmaken
ze zén gereeschepe an 't moaken veur noar de messe te goan
23 juli 2016
nen droeve stiel = een zwaar beroep
oj ze doar zie vallen in de roende van Vrankrik, koereur zén is toch nen droeve stiel
22 juli 2016
peutestokskes = heel magere benen
dedie mee eur peutestokskes zoe beter gene short droagen
21 juli 2016
complitje = mantelpak
de keuneginne o 'n complitje an
20 juli 2016
'n kloeke bakte = een struise vrouw
18 juli 2016
nen akkepoot = iemand die erg onhandig is
moej da neuj loaten vallen, akkepoot?
17 juli 2016
'n Blankenbergse reekninge = een hoog opgelopen (gepeperde) rekening
mee al ulder poussecafés 't zal ier Blankenbergse reekninge zén
16 juli 2016
in 't korte = binnenkort
'k goa in 't korte ne kjee binnenspringen
15 juli 2016
smeus = oorsmeer
't zit smeus in euj oren
13 juli 2016
ne geblauwden = een kind van voor het huwelijk
Z' ee drie joengens. Den odsten is ne geblauwden.
11 juli 2016
zén/eur skippe ofkeussen = ophouden met werken
't is congé, 'k keusse mén skippe of
10 juli 2016
steumeren = stotteren
't is ne skone joengen womee da ze vrijt moa ie steumert 'n bitje
9 juli 2016
lacht mee euj leuzen = hou jezelf voor de gek; lacht met jezelf maar niet mij
8 juli 2016
vij = sterk gegroeid; weelderig
euje pret stoa vij
7 juli 2016
fonte = gietijzer
d' hulle van 't goorputje is in fonte
6 juli 2016
flauwe zunne = slecht weer
't is mo flauwe zunne vandoage
4 juli 2016
van tiene negen = hoogstwaarschijnlijk; negen kansen op tien
van tiene negen goat er gene post zén vandoage
1 juli 2016
pertig = elegant; slank
't is nog 'n pertig meiske wo dat ie mee vrijt
30 juni 2016
ne weerbustel = een pluk haar die weerbarstig rechtop blijft staan
de coiffeur kreegt die weerbustel mo nie weg
29 juni 2016
't èt al zén snapsan = alles vraagt een specifieke eigen aanpak
28 juni 2016
onderzopt = onder water
achter die regenvloage stoend de garage gjeel onderzopt
27 juni 2016
figgelen = prutsen; frutselen
ge moet doar nie zitten figgelen, geef dat hier
26 juni 2016
doppen = soppen
ie dopt de kostjes in zene kaffie
25 juni 2016
terrepapier = bitumineuze afdeklaag
oens dak is nog mee terrepapier
24 juni 2016
alflinge = enigszins; halvelings; een beetje
'k woas lék alflinge in sloape gevallen
23 juni 2016
in de volee = zonder dat de bal de grond raakt (voetbalspel)
ie schoot em in de volee binnen
22 juni 2016
drow = gelijkspel
bij nen drow èn z' elk 'n punt
21 juni 2016
foel = overtreding (in het voetbalspel)
ie moaktege ne foel in den bakkarree en 't woas penantie
20 juni 2016
mezelen = motregenen
't regent nie vele, 't is allene mo 'n bitje mezelen
19 juni 2016
penantie = doelschop
den arbieter gaf geen penantie
(mijn jaarlijkse etappe richting Santiago de Compostela (nog 430 km te gaan)
4 juni 2016
de woatersteen = het aanrecht
zet die kom moar ip de woatersteen
3 juni 2016
'n ode tjeuke = iets dat oud en versleten is
ie rij mee 'n ode tjeuke van nen oto
2 juni 2016
parlaffe = (grote) oppervlakte
j' èt 'n eus mee 'n parlaffe groend der bij
1 juni 2016
spellewerken = kantklossen
in Brugge zaten d' ode weuvekes te spellewerken veur ulder deure
31 mei 2016
solementen = funderingen; grondvesten
ze zén bezig met de solementen te gieten
30 mei 2016
lék de meuzen in 't meel = roerloos
'k ielde mij stille lék de meuzen in 't meel
28 mei 2016
'n brokke: 'n beetje; 'n kleine...; het begin van...
'k ee lék 'n brokke van 'n vallinge
27 mei 2016
zjalouzie = muggenhor
in de zommer sloapen me mee de veister open en de zjalouzie in
26 mei 2016
de schole blauwen = spijbelen
24 mei 2016
eutkeujelen = failliet gaan
ottie azo voort doet goat ie nog eutkeujelen
23 mei 2016
stieeg van ofgang = geconstipeerd
22 mei 2016
eut mene weister! = uit de weg!; opzij!
21 mei 2016
weister = (bewegings-)ruimte
m' oan abij gene weister veur oens valiezen te zetten
20 mei 2016
d' er is genen droad an gebroken = het geeft niet; het kan geen kwaad
g' èt vergeten te bellen, mo d' er is genen droad an gebroken
19 mei 2016
top over konten = overhoop; wanordelijk
't ligt al top over konten in eur kamer
18 mei 2016
utsekluts = hebben en houden; bezttingen
ie vloog mee heel zenen utsekluts an de deure
17 mei 2016
van de skippe lopen = overlopen (fig); overdreven zijn
ze zitten hele dagen tope, 't go nie bleuven deuren, 't loopt van de skippe
16 mei 2016
oetjedom = zeer dom
do moeij toch oetjedom veu zén
15 mei 2016
kietzak = schoudertas (gemaakt uit ruwe linnen stof)
ie trok alle doagen mee zéne kietzak noar de travoos
14 mei 2016
ze zun ulder moeten lege leggen = ze zullen hard hun best moeten doen
13 mei 2016
streuvelhoar = krulhaar
z'is do skone mee, mee eur streuvelhoar
12 mei 2016
meugen terten = weggestuurd worden; ontslagen worden
in platse van ipslag te kregen ètie meugen terten
10 mei 2016
rigleren = regelen; organiseren
ze kan vree goe rigleren, mo zelve iets doen...
9 mei 2016
ne piespoater = man zonder humor; nurkse man
zij is vree joviaal, moar ij is mo ne piespoater
5 mei 2016
ka-ieten = janken van de pijn
ge zoe nog 'n bitje ka-ieten oj doar ne klop van kreegt
4 mei 2016
an den hals kommen = verloren gaan
al de restjes weirden ipgebreukt, d' er komt ier nie veel an den hals
3 mei 2016
nievers in kramen = geld genoeg hebben om zich alles te kunnen permitteren
nen dieren oto, 'n skoon eus, ip reize goan, ze kramen zulder nievers in
2 mei 2016
mildeg = vrijgevig
de kok ee nogal mildeg gewist mee 't zoot
30 april 2016
ne jukkebubbel = iemand die klein van gestalte is
zij is 'n grote moar hij is mo ne kliène jukkebubbel
29 april 2016
'n kèremelle = 'n snoepje; 'n caramel
al de kientjes kragen 'n kèremelle
28 april 2016
't zal hoogmesse zén = 't zal nipt zijn; het is weinig waarschijnlijk
Ie zal nie veel stemmen oalen, ottie der 100 oalt zal 't hoogmesse zén
27 april 2016
ne gassreerden buzzesnijer = een vastberaden, onbevreesd persoon
26 april 2016
snel = mooi
't is 'n vree snel meiske womee dat ie vrijt
25 april 2016
dievlinge weg = stiekem; in 't geniep
ie woas 't er dievlinge weg vanoender gemeusd
24 april 2016
komminezoeng = onderhemd voor vrouwen
eure komminezoeng ing eut (kwam onder haar kleed uit)
23 april 2016
't is zo nen blink = daar heb je het; wat te verwachten was is gebeurd
22 april 2016
kézzig = vies; vuil
die visofval is mo 'n kézzig spel
21 april 2016
mensies maken = gebaren
ie miek mensies damme mochten kommen
19 april 2016
onbermertig stinken = heel erg stinken
achter 'n weke begoste die veulzak onbermertig te stinken
18 april 2016
more en merièkel = een vuile, modderige boel
15 april 2016
afseit = buitenspel
de gole wierd ofgekeurd want Company stoend afseit
14 april 2016
trutselen = lanterfanten
ge moet doar nie stoan trutselen, kom moar mee
13 april 2016
boos = slim; vernuftig
die machiene zit boos in mekoar
12 april 2016
me/ze kragen = we/ze kregen
me kragen doar mo winnig t' eten
11 april 2016
z' is zo plat lik 'n voorbroek = ze heeft heel kleine borsten
7 april 2016
'n pèrdooge = een spiegelei
ne croque madame is ne croque monsieur mee 'n pèrdoge ip
5 april 2016
't reumatés = reuma
eur vingers stoan krom van 't reumatés
4 april 2016
't spel is espe = 't is geregeld; 't is in orde
velà, neuj nog 'n ulle d'rip en 't spel is espe
3 april 2016
branzjeletten = handboeien
ie wierd weggevoerd mee de branzjeletten an
2 april 2016
nog nie vervrozen = bij de pinken; alert; niet van gisteren
hij is nog nie vervrozen, diene minister Geens
1 april 2016
vangen = zot zijn
ge vangt zeker?
31 maart 2016
lampetten = stevig drinken
in zene studententéd kostig ie nogal lampetten
30 maart 2016
nen ode se sa = een oude(re) man
dienen ode se sa is neuj nog mee 'n joenge bie getrouwd
29 maart 2016
girte! = uit de weg!
28 maart 2016
ne veulen djiefel = een vuile troep
achter dat er al da volk gewist èt is 't ier ne veulen djiefel
26 maart 2016
palto = mantel
't is Poasen emme meugen neuj oenze palto ofloaten
25 maart 2016
'n toeflinge = een pak slaag
ie krag toar azo 'n toeflinge wo dattie nie goe van woas
24 maart 2016
'k ore euj al ofkommen ip euj slessen = ik meen al te weten wat je gaat zeggen
23 maart 2016
ip en tenden = totaal afgemat
achter zo nen dag is z' ip en tenden
22 maart 2016
er nie ip schaffen = er geen acht op slaan
'k é der nie ip geschaft ottie zenen oed an oat of niet
21 maart 2016
plukkevort = door en door rot
die roamen zén plukkevort
20 maart 2016
ip zén noavenante = verhoudingsgewijs; relatief gezien
de boeren èn ip zén noavenante nog vele te zeggen in de partije
19 maart 2016
er zén/eur lenen achter leggen = zijn/haar best doen
ze legt er nie genoeg eur lenen achter in de skole
18 maart 2016
remulte = tumult; lawaai
'k oordige do lék remulte an de voordeure
17 maart 2016
tantlefèrens = complimenten; zorg
ie maoktege doar nie veel tantlefèrens an
15 maart 2016
no kerke noch no kleuze goan = absoluut niet kerkelijk zijn
ie weird in de kerke begroaven al is 't dattie noois no kerke noch no kleuze goeng
13 maart 2016
kattepierig = bleekjes; ongezond
ze zag 't er mo kattepierig eut
12 maart 2016
ten eerste werke = eerst en vooral
omme theuskommen gok ten eerste werke de chauffage anleggen
11 maart 2016
reussebeusse = kordate, doortastende vrouw
hij is nen broaven tjoeten mo zij is nogal 'n reussebeusse
10 maart 2016
pootink = pudding
van noene is 't pootink veu desseir
9 maart 2016
van ageunste kanten = uit die streek
j' is van Veurne of van ageunste kanten
8 maart 2016
bentekik = ik ben het
bleuf mo zitten, bentekik
7 maart 2016
en si en la en 't geunte = enzovoort
ze koste nie kommen deur 't were, deur 't verkeer, deur panne an euren oto en si en la en 't geunte
4 maart 2016
skampavie = verdwenen; weg
ie woas ammenkjee skampavie zoender entwa te zeggen
3 maart 2016
annekesnest = aanhang; familie
j' is mee heel zenen annekesnest noar 't zeuden van Vrankrik gevreusd
2 maart 2016
veur de toogplooje = voor de schijn; voor de façade
ze zaten nog tope van voren in de kerke, veur de toogplooje, moar ze weunen apart
1 maart 2016
rottekotten = lelijk huishouden; wanorde scheppen
ge moet da ne kjee bezien, z' èn ier were zitten rottekotten
29 februari 2016
zo dik of nippen = voldaan; buikje vol
'k moe gjenen desseir èn, 'k ben zo dik of nippen
28 februari 2016
penantie = doelschop
27 februari 2016
poerdroge = kurkdroog
die blommen moen magrei water èn, ze stoan poerdroge
26 februari 2016
moanesketer = bromvlieg
oei 't zit ier neuj ne monaskeeter, woar komt dad eut?
25 februari 2016
'n lakske = kleefband; pleister
da papier woas ip de reute geplakt mee 'n lakske
22 februari 2016
kalut = gammel voertuig
ie rijdt mee azo 'n ood kalut van nen oto
20 februari 2016
tegen de jukte = om zich bezig te houden
ze moet 't niet doen veur 't geld want ze zén reke genoeg, mo zij ot 'n winkelke, tegen de jukte
19 februari 2016
ijsselen = aarzelen
ie stoend doa 'n bitje t' ijsselen en toen woas 't te loate
18 februari 2016
euj handje meugen kussen = van geluk mogen spreken
ge meugt euj handje kussen daj zo ne goe vint èt
17 februari 2016
gabimeerd = beschadigd
die kasse woas al gabimeerd oanze ze brochten
16 februari 2016
meissetrutte = (scheldwoord) meisje met meisjesmanieren
15 februari 2016
'n knechtebrakke = een kwajongen
12 februari 2016
fersjette = vork
ze moen al van joengsof leren mee mes en fersjette eten
11 februari 2016
nen effenlegger = 'n pietje precies
't is ne moeilikke mins veu mee tope te werken, 't is zo nen effenlegger
10 februari 2016
meumeln = murmelen; spreken zonder te articuleren
ie zit doar wa te meumeln en ge verstoat er niets van
9 februari 2016
dèrlik = slapjes; bleekjes
ie zier moa dèrlik eut
8 februari 2016
den bakkarree = het strafschopgebied
ie moaktege ne foel in den bakkarree
7 februari 2016
dood doen = uitschakelen; uitzetten
doet den televisie mo dood, me goan goan sloapen
6 februari 2016
begoest ip = belust op
'k ben begoest ip da kleedje zè, mo 't is teveel geld
5 februari 2016
affesseren = vooruitgaan
ge goa nie zere affesseren mee die oge tallongs
4 februari 2016
lék 'n zentje = braaf; onschuldig
ie weet were van niet, keek em doar zitten, lék 'n zentje
3 februari 2016
vanessentens = over de volle lengte
d' er woas vanessentens 'n skreve ip oenzen oto
2 februari 2016
stéf lék 'n urde = stram; verstijfd
ok 's nuchtens ipsto ben ik zo stéf lék 'n urde
1 februari 2016
toarteklaai = (scheldwoord) onnozelaar; kieken; onbezonnen persoon
dienen toarteklaai begoste toen nog over de politiek te klappen
29 januari 2016
ofnoezen = een kortere weg nemen
me goan dad ier ofnoezen zè, veur d' affessoassie.
28 januari 2016
te were en te winde = blootgesteld aan regen en wind
da ligt doar gele doagen beuten te were en te winde
26 januari 2016
te kloefe = regelrecht
ie reed te kloefe ip ne camion
25 januari 2016
tjul = goedzakkige, volgzame man
eure vint is 'n brokke van nen tjul
24 januari 2016
't vertrek = het toilet
'k leze de gezette altéd ip 't vertrek
23 januari 2016
ip goe reskier = op goed geluk
'k ee mén stote skoenen angetrokken en 'k ben ip goe reskier eutstel goan vragen
22 januari 2016
't zoe nen oden hond verlièn = iedereen zou er zijn geduld bij verliezen
21 januari 2016
goedsnen = gemaakt van stof
in 'n goedsnen valieze kan 't er meer in
19 januari 2016
nen bedorvne keutel = een verwend kind
't is gene gemakkelikken om in eus t' èn, 't is zo nen bedorvne keutel
18 januari 2016
vereuveren = promoveren
j' is vereuverd teut chef van de stoatie
17 januari 2016
tnoestepetoe = door elkaar; wanordelijk
keust eujen boel moar ip, 't ligt ier al tnoestepetoe
15 januari 2016
neuten = mokken; tegenstribbelen
ge goa mee noar de messe, en nie neuten hé
14 januari 2016
stekkedozeke = luciferdoosje
13 januari 2016
'n pimpelmezeke = een tenger meisje
osse trouwde woas ze nog lék pimpelmezeke en ge moesse neuj ne kjee bezien
12 januari 2016
nen bleke sketer = iemand met een erg bleek gezicht
den dienen ziet er nie vree gezoend eut, 't is zo nen bleke sketer
11 januari 2016
da 's strave piero = die drank is sterk
9 januari 2016
kodde = paardestaart
z' is skoonder mee eur haar in 'n kodde
8 januari 2016
't is zén voader gespogen = hij gelijkt heel erg op zijn vader
7 januari 2016
alménekjee = opeens
ie skoot alménekjee eut zén krammen
5 januari 2016
waskeirn = wasmachine
'k goa nog ne waskeirn doen droaien
4 januari 2016
koodnantie = gesprek
ie woas in koodnantie mee zene gebeur
3 januari 2016
poerdroge = kurkdroog
g' èt de planten geen woater gegeven, ze stoan poerdroge
2 januari 2016
iele van hoofd = lichte hoofdpijn
'k ben lék 'n brokke iele van hoofd, achter al die feesten
1 januari 2016
de wins van 't joar
en nog ne skep bovenip:
WENSEN
deze twee
wensen
dat er iemand
teder broos en echt
je woordeloos nabij is
een jaar een plek
om nu en ooit
bemind te zijn
die twee