Woord vd dag 2018

nes = sappig

die keek is nog skone nes vanbinnen

20 augustus 2018

ip zén goed leven = rentenieren

't woas nen beestemarsjang mo ie leef neuj ip zén goed in Brugge

18 augustus 2018

pinkers = richtingaanwijzers (van een auto)

ze woas gebeust in 't rijexamen omdasse ne kjee eur pinkers nie oa eutgestoken

17 augustus 2018

'j is tielik ip zén stikken = hij is al vroeg in de ochtend aan het werk/op de been

16 augustus 2018

ipskarrelen = toevallig ontmoeten; opdoen; oprapen

wafoor een eetie doar neuj ipgeskarreld?

15 augustus 2018

vandeessie = openbare verkoop

'k è da schilderijke gekocht ip 'n vandeessie

14 augustus 2018

more en mereekel = vuile, modderige troep

vanot 't geregend èt is 't ier al more en mereekel

13 augustus 2018

'n sponssie = een hoeveelheid voldoende voor één maaltijd

'k go ne kjee 'n sponssie bonen goan trekken zè

12 augustus 2018

schurdig = ruw; bruut; hardhandig

niet te schurdig, of 't go nog breken!

11 augustus 2018

vroete lelik = zeer lelijk

zo 'n vroete lelike skilderije zoek in mén eus nie willen

10 augustus 2018

'n bjeele = een verloving die vlak voor het huwelijk afbreekt

ze zén getrouwd mo 't woas tewege 'n bjeele

 9 augustus 2018

zich spenéren = minder eten

'j is vele verzwoard, ie zoe em beter 'n bitje spenéren

8 augustus 2018

den dapperen = diarree

'k zitte mee den dapperen

7 augustus 2018

de menèttjes = het geld

ie zoet da wel willen kopen mo 'j èt de menèttjes niet

6 augustus 2018

brakke = kot; bouwkeet; schuilhut

't stoat doar nog 'n brakke achter 't eus

4 augustus 2018

nievers in kramen = zich niets tekort doen

ze kramen zulder nievers in, z' èn zulder zeker de lotto gewoenen

3 augustus 2018

nen achttienmaander = een fysiek fitte persoon

den enen dag zit z' in ne rolstoel en den anderen dag stapt ze lék nen achttienmaander

2 augustus 2018

in 'n schoffelscheute = haastig; snel

z' èn da in 'n schoffelscheute were tope gestoken

1 augustus 2018

gildig = erg veel

't zoe beter ne kjee gildig reegnen

31 juli 2018

bronsselen = prutsen

z' èn ier moar 'n bitje zitten bronsselen

30 juli 2018

nunnebillen = wit-roze gekleurde, zachte, sponsachtige snoep

bij de kaffie kragen me nunnebillen

29 juli 2018

'j is weg lék 'n vliege ip 'n planke = hij is plots weg zonder iets te zeggen

28 juli 2018

skjeebier = laatste biertje voor het weggaan

gauw, drink nog 'n skjeebier

27 juli 2018

altemets = soms

g' èd altemets genen briekè bij euj?

26 juli 2018

pertig = fijn; slank; mooi

z' ee 'n pertig neuzeke

25 juli 2018

nen diltekoater = (scheldwoord voor) een norse man

mee zo nen diltekoater zoek nie gèren getrouwd zén

24 juli 2018

kontekjeerofs = omgekeerd; achterstevoren

jee zén zwembroek kontekjeerofs an

23 juli 2018

'k zitte 'n bitje gepénd = ik heb momenteel wat geldgebrek

20 juli 2018

okte snokte = bot; kortaf; onvriendelijk

ze dient er nie voren veur in de winkel, z' is veel te okte snokte

19 juli 2018

brokke verschjeen = helemaal uit elkaar gevallen

ie goa mee dienen oto rijen teut dat ie brokke verschjeen valt

18 juli 2018

toartekloaai = onbezonnen persoon; onnozelaar; kieken

dienen toartekloaai kwam ier ammenekjeer tussengekropen

16 juli 2018

't is ier 't euzeke van Oostenrék = er wordt hier rijkelijk geleefd

15 juli 2018

remeesteren = over de grond rollen

ammekjee remeesterdeg ie achter de grond

14 juli 2018

iemand bij 't veertienste zetten= iemand bedriegen

z' èn oens doar lelik bij 't veertienste gezet

13 juli 2018

't is geen kriepe = hij/zij is niet kleinzerig

12 juli 2018

zich spenéren = zich beperken

'k wirre te dikke, 'k go mij 'n bitje spenéren in 't sneukelen

11 juli 2018

froefroe  = op het voorhoofd hangende haarlok

eure froefroe angt veur eur ogen

6 juli 2018

speuje = speeksel

doe ter 'n bitje speuje an

5 juli 2018

verdimmeléren = beschadigen; kapot maken

die gasten zoen dad ier al verdimmeléren

4 juli 2018

dat is geen bezet = het is niet gepast

achter de voetbal 'n gat in den nacht theuskommen, dad is geen bezet

3 juli 2018

't is 'n roar bezet = het is iets vreemd

2 juli 2018

goeds = spullen; uitrusting

is euj goeds al gereed veur ip kamp te goan?

 1 juli 2018

steumeren = lichtjes stotteren

eur nieuw lief is ne skone joengen mo ie steumert 'n bitje

30 juni 2018

menssies doen = gebaren; teken doen

ie stoend doar menssies te doen mo me verstoenden niet wat dattie wildege zeggen

29 juni 2018

roodsel = mercurochroom

ze djegen der 'n bitje roodsel an en ie sproeng weer ip zene velo

28 juni 2018

't is ne fenen in groeve werken = hij werkt niet nauwkeurig genoeg

27 juni 2018

penantie = doelschop; penalty

ot da gjeen penantie is toen weetek et nie mjeer

26 juni 2018

ketjedeuk = verstoppertje

ze doen nie liever dan ketjedeuk spelen mee uldre pepee

25 juni 2018

meumeln = bijna onverstaanbaar spreken

dedie van 't Nieuwsblad zit doar moar wat te meumeln

24 juni 2018

zén teumen kregen = zotte kuren krijgen

't is anders nen broave joengen, mo gardevoe ottie zén teumen kreegt

23 juni 2018

skeutig kéken = raar (verbaasd) kijken

ie kjeek mo skeutig o 'k zeie dattie beter ip zén spel zoe letten inteplekke van no de voetbal te zitten goapen

22 juni 2018

mee 'n berrelen oanzichte = met een uitgestreken gezicht

ie zoe nog mee 'n berrelen oanzichte durven zeggen dattie van nie wiste

21 juni 2018

angetoorteld = slordig gekleed

ge moe neuj kéken, oe dasse neuj angetoorteld is

20 juni 2018

smeuken = motregenen

't regent niet , 't is mo 'n bitje smeuken

19 juni 2018

in de volee = de aankomende bal terugtrappen vooraleer hij de grond heeft geraakt

Dries Mertens miek 'n skoon gool in de volee

18 juni 2018

blagoj = opschepper; snoever

ge meug ter nie vele van geloven, 't is ne groten blagoj

15 juni 2018

spoelkom = grote ronde kop om koffie of soep uit te drinken

's nuchtens kragen me 'n steute mee ne spoelkom kaffie

14 juni 2018

ne talloreterter = een lange slungel (met fijne maniertjes)

eur nieuw lief is lék 'n brokke van ne talloreterter

 13 juni 2018

foel = overtreding (in het voetbalspel)

't woas beschjeeglik foel, mo den arbiter skeufelde niet

12 juni 2018

van ageunste kanten = van die streek

'j is van Ieper of van ageunste kanten

11 juni 2018

ie zoet er zén klakke nie ipleggen = het is een vrouwenversierder

10 juni 2018

gekleed lék ne rauwen andjoen = (onnodig) dik gekleed

't is zo'n skoon were en ie loopt nog gekleed lék ne rauwen andjoen

9 juni 2018

ip dril zén = op stap zijn; uitgaan

z' antwoordt niet , ze zal weer ip dril zén

8 juni 2018

te dom om ooi t' eten = zeer dom

't is 'n snelle, mo z' is te dom om ooi t' eten

7 juni 2018

oot euj an 't ges = hou je kranig; hou je haaks;

6 juni 2018

kweetzoender o... = ik vraag me af of...

kweetzoender o Kompany go keunen meespelen

5 juni 2018

dij = onzin; prietpraat; larie

't is genen dij da 'k vertelle

4 juni 2018

't valt van nie hoge = het is relatief goedkoop

't is 'n skoon kleedje en 't valt van nie hoge

3 juni 2018

triepelen = dribbelen (voetbal)

't is 'n showmanneke, ie wil tevele triepelen en ie verliest toen den bal

2 juni 2018

geen prenssie van... = geen sprake van; in de verste verte niet

geen prenssie van da 'k doar mén geld zoe insteken

1 juni 2018

steffoassie = materie ; stof

ge moet doar 'n bitje van die steffoassie an smoten

31 mei 2018

ne pielelucht = een zaklantaarn

't is ier èrdedoenker, best da 'k ne pielelucht mee è

29 mei 2018

beze = regenbui

't zoe beter ne kjee 'n goe beze doen

28 mei 2018

vei = weelderig

de zeraniums stoan al vei

20 mei 2018

fiekfakkerije = prullen; snuisterijen; rommel

z' ield 'n winkelke van fiekfakkerijen

19 mei 2018

veur nen doe niet = om niets; voor weinig

ze moakt eur dul veur nen doe niet

18 mei 2018

'n féste = een wind (scheet); een veest

't èd ier vezekers entwie 'n féste geloaten

17 mei 2018

ellestekedoenker = pikdonker

steekt e kjee de lucht an, 't is ier ellestekedoenker

16 mei 2018

djakken = krachtig uitgieten van een vloeistof

ge moet doar nen emer woater achter djakken

15 mei 2018

verloan = druk bezig

'j is neuj vree verloan in zene lochting

14 mei 2018

comminezoeng = onderhemd voor vrouwen

eure comminezoeng angt eut

13 mei 2018

nen bokkee blommen = een boeket; tuil bloemen

10 mei 2018

't oaderspat = spataderen

z' è last van 't oaderspat

9 mei 2018

'j is goan zanten = hij is weg; hij is verdwenen

8 mei 2018

de woatersteen = het aanrecht

zet die talloren moar ip de woatersteen

7 mei 2018

teewelen = eten met lange tanden; in zijn bord roeren

ie en eet em niet éé, ie zit doar moar 'n bitje te teewelen

6 mei 2018

vantlangsten = in de lengte

ge moet da eerst vantlangsten leggen om dran te keunen

5 mei 2018

te vierklauwe = snel; haastig

ie woas te vierklauwe were weg

4 mei 2018

tetutten = tegenstribbelen; protesteren

niet te tetutten, ge go meegoan

3 mei 2018

g' èt doar gjeen tantlefèrens mee = dat zijn uw zaken niet

2 mei 2018

er deure skarten = genezen

jeed al 'n poar kjeren  kartomdood gewist moar ie skart er iedre kjee deure

1 mei 2018

de reijoengs = de spaken van een (fiets)wiel

zén velozakken grochten tussen de reijoengs

30 april 2018

er pap ip leggen = stoppen met werken

't is viere, me goan der pap ip leggen

29 april 2018

nen oazoard = een koopje

drie euro veur ne kilo aspergen: 't is nen oazoard

28 april 2018

nievers nie in kroamen = alles hebben wat nodig is; op geen cent moeten kijken

ze verdienen skoon geld, ze kroamen zulder nievers in

27 april 2018

't manneke van beuten zén = niet meer meetellen; de klos zijn

't ee nie lange gedeurd of ie woas 't manneke van beuten

26 april 2018

zo dik of nippen = buikje rond gegeten; voldaan

'k ben zo dik of nippen achter zes woafels

25 april 2018

in zén lèze spelen = opeten

ie speelt gemaklik 'n beufstik van nen alve kilo in zén lèze

24 april 2018

ketje mij ketje gij = poets wederom poets

23 april 2018

zjamoelinge = wirwar van mensen

in de zjamoelinge woas z' eure portemonnee gepakt

20 april 2018

mén zinke = waarachtig; inderdaad

'jee mén zinke nog zene pardessu an

19 april 2018

bescheeglik = blijkbaar; klaarblijkelijk

't is bescheeglik were boel in Antwerpen

18 april 2018

ippermeester = hoofdonderwijzer

Adolf Vanneste woas ippermeester in de gemeenteschole ip de Lakenmarkt

17 april 2018

schoassie = tekort: schaarste; gebrek

mee zo'n positie eetie  gjeen schoassie an vriendinnen

16 april 2018

't is al familie en oendejoenk tope = ze zijn allemaal familie van elkaar

15 april 2018

verkoarelen = verleiden; gewonnen zijn voor...

ottie dat eus zag woas tie direct verkoareld

14 april 2018

weister = bewegingsruimte

g' èd ier nie veel weister in da keukentje

12 april 2018

achter 't gat eten = eten als alle anderen al gedaan hebben

me goan nie wachten, oj nie antedens zét moej moar achter 't gat eten

11 april 2018

stappenalf = met stevige tred

achter dad eur sigrette eut is goa ze stappenalf were noar euren beuro

10 april 2018

smootzochte = zeer mals

't keneen is smootzochte

9 april 2018

iemand 't gat van den temmerman togen = iemand aan de deur zetten

't ee nie lange gedeurd of z' ee em 't gat van den temmerman getoogd

8 april 2018

't fénst is zén oar = hij is niet van de slimste

7 april 2018

emelste = erg; enorm

't woas nen emelste droenkoard

6 april 2018

vernesteld = verward

ie loopt vree vernesteld vandoage

5 april 2018

dessen = dorsen; snel stappen

ie dest ier deur de gang

4 april 2018

kalleping = notitieboekje

vergeet da nie in te skreven in euje kalleping

3 april 2018

ne gassreerden buzzesnijer = een doortastend, onbevreesd persoon

'j is van niets skeuj, 't is zo ne gassreerden buzzesnijer

2 april 2018

affesseren = vooruitgaan

't affesseert ier nie zere

1 april 2018

bentekik = ik ben het

31 maart 2018

ne zeemplaaster = een vleier; slijmerd; kruiper

zuk ne zeemplaaster kannek nie goe verdroagen

30 maart 2018

weiger = zorgvuldig; zorgzaam

j' is vree weiger ip zén kleren

29 maart 2018

't is nie veel vank an = het is niet plezierig

zo lange beuten in de kode stoan, 't is nie veel vank an

28 maart 2018

eutmeten = verrichten; iets uitsteken

wad istie doar neuj were an 't eutmeten?

27 maart 2018

tnoestepetoe = overhoop; door elkaar

't ligt ier al tnoestepetoe

26 maart 2018

't ras smeet ip = zijn afkomst (ware aard) komt boven

25 maart 2018

lachen lék 'n paptoarte = gul lachen

zij viel en hij stoend doar te lachen lék 'n paptoarte

24 maart 2018

reize = op gelijke hoogte; effen (vlak)

da meurke is reize mee de veister

23 maart 2018

pélebot rechte = kaarsrecht

de boane no Dinze is pélebot rechte

22 maart 2018

't zoe nen oden oend verleen = iedereen zou er z'n geduld bij verliezen

21 maart 2018

ne ram = een inzinking; flauwte

'k krage doar almenekjee ne ram

20 maart 2018

nen ode se-sa = een oude man

wek'n gedacht, trouwen mee zo nen ode se-sa

19 maart 2018

pupalaam = product van slechte kwaliteit

die kroane is were kapot, 't is mo pupalaam

16 maart 2018

navend Toone = goeiedag!; nu nog mooier!

ze goan ier were de stroate openbreken. Navend Toone!

15 maart 2018

magrei = dringend

ze moeste magrei noar den bachten

14 maart 2018

spelen veur 't leutjes = spelen zonder dat het meetelt voor de puntenscore

kom, me goan eerst eentje spelen veur 't leutjes

13 maart 2018

an de kap liggen = ruzie hebben; kibbelen

ie ligt alle veuf voeten an de kap mee zén zuster, mo ze keunen mekoar nie missen

12 maart 2018

te kwiste goan = verloren gaan

me goan ier dad eten toch nie te kwiste loaten goan zeker?

11 maart 2018

ge keunt er mee geen stokken deure sloan = het is een grote warboel/kakafonie

10 maart 2018

't is nie wel = de ouders vinden de (sociale) afkomst van het lief van hun zoon/dochter te min

9 maart 2018

veur wienst 'n illigen? = voor wie dan wel?

zèn gjeen joengens, veur wienst 'n illigen zoen ze moeten spoaren?

8 maart 2018

ne reke smoter = een persoon die rijk is

ge zoe 't em nie toegeven oj em ziet, mo 't is ne reke smoter

7 maart 2018

iedre kjee lakiet = telkens weer

iedre kjee lakiet is 't van dadde

6 maart 2018

kattepierig = bleekjes; ongezond uitziend

ze ziet er mo kattepierig eut vandoage

5 maart 2018

ne jukkebubbel = iemand die klein van gestalte is

eur lief is moar ne jukkebubbel

4 maart 2018

steeg van ofgang = geconstipeerd

'k ben lék 'n brokke steeg van ofgang

3 maart 2018

indlik = enorm; heel erg

't is nen indlikke lelikoard

2 maart 2018

zo slap of 'n djakke = zeer lenig; slap

da meiske kan nog 'n bitje turnen ee, z' is zo slap of 'n djakke

1 maart 2018

tussen (h)alf en (h)ebbelik (h)angen = tussen leven en dood zweven; ergens tussenin zitten

j' èd azo 'n poar doagen tussen alf en ebbelik gangen

28 februari 2018

in vulle galloo = in volle vaart

ie kwam in vulle galloo die stroate eutgereen en te kloefe ip...

27 februari 2018

fassen = bakkebaarden

't woas toen mode van lange fassen

26 februari 2018

eutkeujelen  = failliet gaan

ottie azo voort doet , goattie nog eutkeujelen

25 februari 2018

djièfel = troep

wafoar ne veuln djièfel is dad ier?

24 februari 2018

't ciatiek = reuma

eur vingers stoan krom van 't ciatiek

23 februari 2018

den bachten = het toilet

ze kan nie an den telefoeng kommen, z' is noar den bachten

22 februari 2018

achterdésselen = achterop slenteren

omme goan wandeln komt ie altéd achtergedésselt

21 februari 2018

de latste man de zak ipgeven = blijven tot de laatste

kom, schat, me goan ier niet de latste man de zak ipgeven, me goan noar eus

20 februari 2018

'n woaje = een losbol

dien odste zeune is ne serieuzen, de joengsten is moar 'n woaje

19 februari 2018

zo doof of nen erpel = potdoof

ge moet alles twee keren zeggen, 'j is zo doof of nen erpel

18 februari 2018

van achter de vieren = onkundig; waardeloos

't is mo ne coiffeur van achter de vieren

17 februari 2018

zo stéf lék 'n urde = stram; verstijfd

'k ben zo stéf lék 'n urde van ier zo lange te zitten

16 februari 2018

ne savel = een doortastende (eerder bazige) vrouw

ze skjoot eur direct no binnen, 't is zo ne savel, zén vrouwe

15 februari 2018

niet te tetutten èn = niets te zeggen hebben; geen bevoegdheid hebben

jee do jeuste niet te tetutten in die fabreke

14 februari 2018

rinketten = vernielen; kapot maken

dien oend zoe 't ier al rinketten

13 februari 2018

palto = mantel (van vrouw)

z' ee euren astrakan ne palto an

 12 februari 2018

ode tjeuken = oud en taai voedsel

't woaren ode tjeuken van 'n kenén

11 februari 2018

de negge = de scherpe kant van iets

'k ee mij zjeer gedoan an de negge van die planke

10 februari 2018

meetwefelen = meelokken; overtuigen van mee te gaan

achter 'n bitje koste 'k ze meetwefelen noar binnen

9 februari 2018

zén leen'n achter leggen = zijn best doen

jee drie beuzen, ie legt er nie genoeg zén leen'n achter ée

8 februari 2018

kalissieklutser = (scheldwoord voor een) wispelturige, onbetrouwbare persoon

go doar mee noar den oorloge, mee zo ne kalissieklutser

7 februari 2018

nie zjeuste = gek; zot

azo beuten lopen in euj imdeke o 't vriest, ge zé zeker nie zjeuste?

6 februari 2018

inteplekke = in plaats van

inteplekke van voareut, ie ree achtereut

5 februari 2018

zénen illigen intrekken = op z'n belofte terugkomen; afhaken

ottie dad oordege trok tie zere zénen illigen in

4 februari 2018

klappen lék 'n gebrokene spoa = zeer veel babbelen

ze zegt anders nooit iet en neuj klaptege ze lék 'n gebrokene spoa

3 februari 2018

ne fenessegoard = iemand die van precisie houdt

'j èt da keunen vermoaken, 't is zo ne fenessegoard, eure vint

2 februari 2018

elk ovrans = beurtelings

ze goengen elk ovrans noar den bachten

1 februari 2018

djièfel = troep

wafoar ne veulen djièfel is dad ier?

31 januari 2018

center = evenwicht; welbevinden; bewustzijn

'k ben nie ip mene center

30 januari 2018

't is zo nen blink = daar heb je het

'k èt nog gezeid dat ie der tegen zoe rijen en voilà 't is zo nen blink

29 januari 2018

achtereut skarten lék d' innen = snel verslechteren van de fysieke conditie

ie skart achtereut lék d' innen, ie goat nie lange mjee trekken

26 januari 2018

goedsnen = gemaakt van stof

't is ne goedsnen overtrek over de zoate

25 januari 2018

'n kèze = een slag; een klop; een oorveeg

ie krag doar azo 'n kèze tegen zén oren

24 januari 2018

ge meugt euj handje kussen = je mag van geluk spreken

ge meugt euj handje kussen daj zo ne reke skoonvoader èt

23 januari 2018

de beuter bèren = de boter prakken met een vork tot ze smeerbaar is

22 januari 2018

rottekotten = lelijk huishouden

z' èn ier zitten rottekotten dat nie skone meer is

21 januari 2018

van de skippe lopen = overdreven zijn; niet blijven duren

ze zitten hele doagen toape, 't go van de skippe lopen

20 januari 2018

klabetteren = lawaai maken

die plaffeteuren angen  doar te klabetteren

19 januari 2018

nen opendoender = een blikopener

g' èt doavoren nen opendoender nodig

18 januari 2018

kloeke stampers = (dikke) gespierde benen

z' ee nogal kloeke stampers

16 januari 2018

'n fwiete = een lek

't woas 'n fwiete in de gazzebeuzen

15 januari 2018

ge vangt zekre? = ben je gek?

da kik ier go binnengoan? Ge vangt zekre?

14 januari 2018

pret = prei

'k go pretsoepe moaken vandoage

13 januari 2018

ne jukkebubbel = klein ventje

eure vrijer is moar ne jukkebubbel

12 januari 2018

fukske tegen d' èrde = klein van gestalte

't weuveke is mo fukske tegen d' èrde

11 januari 2018

te pèrde zén = klaar om te werken

j' is altéd te pèrde ot er iets te doen is veur de prochie

10 januari 2018

ielde van hoofd = lichte hoofdpijn

'k ben lék 'n brokke ielde van hoofd

9 januari 2018

kappelen = schiften

de sause is gekappeld

8 januari 2018

kappelen = kaarten dooreenschudden

ge moe ze goe kappelen

5 januari 2018

keppe = lieveling

die klenen is de keppe van zén meter

4 januari 2018

sneudoek = gebreide, wijde sjaal (cape)

'k ee mij ne sneudoek gekocht in de solden

1 januari 2018

mee 'n berrelen oanzichte = met een uitgestreken gezicht

ie stoend doar mee 'n berrelen oanzichte, achter dat ie in eur billen o genepen