Embedded Files
voor het woord van de dag 2020, klik hier :Woord van de dag
31 december 2019
reuze doen = moeite doen; er werk van maken
ge moe nie veel reuze doen, 't is kwestie van tope te zeen
30 december 2019
'n stresse = een haarvlecht; haarlok
die stresse angt 'n brokke in de weg osse ip eure velo zit
29 december 2019
der is genen draad an gebroken = niets aan de hand; het kan geen kwaad
28 december 2019
mee zén gat vul schulden = met zeer veel schulden
'j is van Tielt vertrokken mee zén gat vul schulden
27 december 2019
om ter footst = om het verst
me slierdegen om ter footst ip de snee
26 december 2019
ellestekedoenker = pikdonker
lucht e kjee mee euj piele, 't is ier ellestekedoenker
24 december 2019
deizeke = streling op de wang
geef memee ne kjee 'n skoon deizeke
20 december 2019
't is al familie en oendejoenk tope = ze zijn allen op een of andere manier familie van elkaar
19 december 2019
'j ee babbalwoater in = hij heeft een glaasje op
18 december 2019
't ligt in pozen = het is wisselvallig
't doe nie alteed even zjeer, 't ligt in pozen
17 december 2019
nen braven djoost = een zachtaardige, volgzame man
best dat eure vint nen braven djoost is
16 december 2019
tjoeten = sul; simpele ziel
't is zuk ne broave tjoeten dat ie nie durft riklameren
15 december 2019
steeg van ofgang = geconstipeerd
'k ben leek 'n brokke steeg van ofgang
14 december 2019
akkelgaten = verwikkelingen; obstakels
onder moar niet te veel akkelgaten van kommen
13 december 2019
zienlinge = met open ogen; flagrant
diene velorijer ree zienlinge tegen oenzen oto
12 december 2019
doavanswege = wat dat betreft
doavanswege keume nie kloagen
11 december 2019
de woatersteen = het aanrecht
zet die talloren moar ip de woatersteen
10 december 2019
iemand bij 't veertienste zetten = iemand bedotten
't is ne slimmen, ie goat em nie bij 't veertienste loaten zetten
9 december 2019
utsekluts = hebben en houden; bezittingen
ie vloog mee heel zenen utseklus ip stroate
8 december 2019
is ter gjeen belet? = stoor ik niet?
7 december 2019
de tramen = de twee dissels van een paardenkoets of -kar
ie stoat alwere tussen de tramen (= hij is weer aan het werk)
6 december 2019
scheuflink = fluitje
den arbiter verskliktegem tewege in zén scheuflink
4 december 2019
reuveke = puistje
't zit ier leek 'n reuveke in menen ekke
3 december 2019
binnen 'n bitje = weldra
binnen 'n bitje goan ze nog zeggen da 't mén schuld is
2 december 2019
binnen nen dag en 'n stik = binnen afzienbare tijd
binnen nen dag en 'n stik keunen me gene weg mjeer
30 november 2019
't manneke van beuten = de verliezende partij
't is toch nie woar zeker da kik ier were 't manneke van beuten go zeen
29 november 2019
biechtewoar = echt waar
'k ee doar nog nooit van hoord , biechtewoar
28 november 2019
koorde geven = geleidelijk meer vrijheid gunnen aan een puber
ze meugen nie alles, mo ge moet ze wa koorde geven
27 november 2019
slachten van... = zich gedragen als...
't is nen emelse koppegoard, ie slacht zjeuste van zén voader
26 november 2019
'n diere lolle = een dure zaak
da goat ier 'n diere lolle weirden omme nie ippassen
25 november 2019
plaffeteuren = vensterluiken
ze zén nog nie ip, de plaffeteuren zén nog toe
24 november 2019
tefrente keren = meerdere keren; dikwijls
'k ee tefrente keren an euj deure gewist mo ge woar nie teus
23 november 2019
stefastig = voortdurend; de hele tijd
ie moe nie peizen dat ie mij stefastig go meugen lastig vallen
22 november 2019
kammelot = rommel; van slechte kwaliteit
veel van da speelgoed is mo kammelot
21 november 2019
jukkebubbel = iemand die klein van gestalte is
de dochter is 'n grote moar hij is mo ne jukkebubbel
19 november 2019
ielde van hoofd = hoofdpijn
'k ben leek 'n brokke ielde van hoofd
18 november 2019
z' èt van gjeen oenden gedeeld = die karaktertrek heeft ze van haar ouders
15 november 2019
mee 'n lank gat = met tegenzin
mee 'n lank gat ist ie em goan verexcuseren
14 november 2019
firmament = genitaliën
ie stoa mee heel zén firmament bloot
13 november 2019
gewarig = alert; waakzaam; oplettend
't is ne vree gewarigen oend
12 november 2019
ellekediere = ik ben je te slim af; slip-slip
ik ben den eesten éé, ellekediere
11 november 2019
veur wienst 'n illigen? = voor wie eigenlijk?
veur wienst 'n illigen zoen ze moeten spoaren, zèn gjeen joengens?
10 november 2019
in den deuk = in het geniep
o korten drank verboden woas, schoenken ze dreupels in den deuk
9 november 2019
kalleping = notitieboekje; agenda
'k ee al were mene kalleping veu 't noaste joare
8 november 2019
z' is wel besteld = ze heeft een weelderige boezem
7 november 2019
in 'n achte sloan = (figuurlijk) flauw vallen; schrikken
ottie da goat oren ie goat in 'n achte sloan
5 november 2019
doeninge = manier van doen; houding (ook: eigendom; huis)
'j ee were wa mispekkeld 'k ziet an zén doeninge
4 november 2019
zo zere of tellen = onmiddellijk; prompt
ie kraag zo zere of tellen ne klop ip zén and
3 november 2019
sietekarre = zijspan van een motor
'k zoe doar nie durven inzitten in zo'n sietekarre
2 november 2019
winde = verband
ge zoet doar beter 'n winde roend doen
1 november 2019
vrijen dad eur imde wikkelt = serieus verkering hebben
dad is nog mo ne wup oge en ze vrijt al dad eur imde wikkelt
31 oktober 2019
parlassanten = uitvoerig spreken
ze zoen beter voortdoen in plekke van te stoan parlassanten
30 oktober 2019
velnen frak = bontjas
't goat agouwe téd zén veur oensne velnen frak eut t' oalen
29 oktober 2019
ursusdroad = kippengaas
de boomkes zén ofgezet mee ursusdroad tegen de keneenen
28 oktober 2019
teure mo deure = ga maar door
27 oktober 2019
kappelen = schiften; de kaarten schudden
de sausse is gekappeld; eerst kappelen en toen djelen
26 oktober 2019
ip nen buro skreven = administratief bediende zijn
ze skreeft ip den buro in den Erta
25 oktober 2019
'n smotinge = 'n pak slaag; 'n rammeling
ie krag doar azo 'n smotinge woar dat ie nie goe van woas
24 oktober 2019
ip goe reskier = op goed geluk
m' oan gjeen tiekitten mo me zeen ip goe reskier alleek gegoan
23 oktober 2019
zén peuste skeuren = weggaan; afdruipen
de tegenstemmers mochten ulder peuste skeuren
22 oktober 2019
omtersjietst = om het snelst
ze rjeen omtersjietst noar skole
21 oktober 2019
kroos (mv. krozen) = intrest(en)
ie kan nie meer leven van zene kroos
18 oktober 2019
noes = schuin
dienen negge is 'n bitje noes dat 't woater weg kan
16 oktober 2019
mispekkelen = mispeuteren
ge keun 't zien an zén doeninge otie entwa mispekkeld èt
15 oktober 2019
loeten = lomperik; dikke, onbehouwen vent
zee doar mee getrouwd, mee zo ne loeten
14 oktober 2019
kattekop = verdeelstekker
me goan ier ne kattekop nodig èn veur in de prieze te steken
13 oktober 2019
girte kjee ge stoat in mén geluchte = ga eens opzij, ge staat in het licht
12 oktober 2019
da bastaat in goesten = het is een kwestie van smaak
den enen zie gèren kort, den anderen lang, da bestaat in goesten
11 oktober 2019
ten iptelle = op overschot
't is beter damme een ten iptelle èn dan damme een te letter èn
10 oktober 2019
ne pekker = een nachtraaf; iemand die tot de laatsten blijft plakken (ook: een kleine eter)
mene vint is nen indlikse pekker, me goan ier were de latste man de zak ip oden
9 oktober 2019
oendegierig = zeer gierig
ze zeen zo reke of de zee diep is mo ze zeen oendegierig
8 oktober 2019
gekooksel = warme maaltijd
z' èd al heel de weke geen gekooksel g'eeten
7 oktober 2019
wiep = slappe koffie
't is mo dunne wiep van kaffie
6 oktober 2019
fiekfak = rommel; waardeloos spul
dat ie 't em mee al zene fiekfak mo zere anskart
4 oktober 2019
eutewoars = uit elkaar; naar buiten gekeerd
de wielen stoan 'n bitje eutewoars
3 oktober 2019
zo slap lék 'n djakke = (fysiek) zeer lenig
z' is nog zo slap lék 'n djakke veur eur ode
2 oktober 2019
commienezong = onderhemd voor vrouwen
eure commienezong angt eut
1 oktober 2019
bassing = wasteil
ge moest euj wassen in nen bassing
30 september 2019
beskjiglik = klaarblijkelijk: waarlijk
29 september 2019
oftrekker = kurkentrekker; (ook: vloerwisser)
woar is dienen oftrekker neuj were noar toe?
28 september 2019
goan zanten = weg; verdwenen; er vandoor
de garde goeng em pakken moar ie woas al goan zanten
27 september 2019
't is welbestid = het is verdiend
't is welbestid dattie neuj ne kjee tegen de meur gelopen is
26 september 2019
verbreunen = verslechteren
da verbreunt zere neuj dattie geen geld meer kreegt
24 september 2019
van tiene negen = hoogstwaarschijnlijk
z' ee van tiene negen were vergeten eur deure te sleuten
23 september 2019
figgelen = prutsen
ie zat 'n bitje an de knopen van zene frak te figgelen
21 september 2019
te kwiste goan = verloren gaan; kapotgaan
me goan toch al dad eten nie te kwiste loaten goan?
20 september 2019
geef mo slunsse = doe maar duchtig voort
19 september 2019
't is al geen haar snijen = het is moeilijker dan het lijkt
18 september 2019
skeutig kéken = raar kijken
ie kjeek mo skeutig o 'k em da zei
17 september 2019
liggende en staande = heel vaak op bezoek
den oenderpaster is doar liggende en staande bij die wewe
16 september 2019
rekkeweed open = wagenwijd open
de poorte stoend rekkeweed open
15 september 2019
de piest' in = verdwenen; er vandoor
tegen da 'k beneen woas woaren de dieven de piest'in
14 september 2019
streuvelhaar = licht krullend haar
da dochterke van Kim Clijsters ee skoon streuvelhaar
13 september 2019
overanderdag = om de andere dag
'k moe overanderdag die pille pakken
11 september 2019
nunnebillen = zachte, sponsachtige, wit-roze-kleurige snoep
10 september 2019
meesteren mee... = in behandeling zijn bij...
zé veel te lange gemeesterd mee euren eusdokteur
9 september 2019
't is van lek mén lippe = het is lekker
euren tiramisoe: 't is van lek mén lippe
8 september 2019
kalissieklutser = (scheldwoord voor) wispelturige, onbetrouwbare persoon
zo ne kalissieklutser èk neuj nog nooit tegengekommen
7 september 2019
jeust inteeds = precies binnen de tijd
'k ee jeust inteeds mene lotto keunen indienen
6 september 2019
sulferblomme = zwavelpoeder
ie zal sulferblomme moeten strooien (gezegd van iemand met een mooie dochter in haar adolescentiejaren)
5 september 2019
spoassiepapier = kaftpapier
me zén achter spoassiepapier gewist veu zén boeken te spoassiën
4 september 2019
de bone groeit noar de stoake = een koppel dat lang samen is gaat qua mentaliteit op elkaar gelijken
3 september 2019
er geen kas van maken = er niet zwaar aan tillen
't is were nie sjuste mo 'k goa der geen kas van maken
2 september 2019
karnasjère = boekentas
ze zén weer ipgetrokken mee ulder karnasjère
30 augustus 2019
den ezerweg = de spoorwegen
'j ee heelzeleven an den ezerweg gevrocht
29 augustus 2019
zenen illigen intrekken = op z'n belofte terugkomen; terugkrabbelen
ottie dad oordege trok tie zere zenen illigen in
28 augustus 2019
achter 't gat eten = eten als de anderen al gedaan hebben
achter de messe gingt ie koarten en jee dikkels achter 't gat moen eten
27 augustus 2019
ne flèter = een slag; een oorveeg
ie krag doar azo ne flèter tegen zén oren
23 augustus 2019
zo doof of nen erpel = zeer hardhorig
z' is nog fintig veur eur 100 joar mo z' is zo doof of nen erpel
22 augustus 2019
iemand 't gat van den temmerman togen = iemand aan de deur zetten
ie wierd doar nog agouwe 't gat van den temmerman getoogd mee zén roare manieren
21 augustus 2019
flieflotter = vlinder
'k ee lék minder flieflotters gezien vandejoare
20 augustus 2019
't spel is espe = het is voor mekaar; de zaak is beklonken
neuj nog da papier tekenen zè en 't spel is espe
19 augustus 2019
z' èn oens zien kommen = we zijn gefopt; we hebben teveel betaald
16 augustus 2019
swies = ordebewaker in de kerk (voorzien van een hellebaard (=lange lans) en gekleed als de Zwitserse wacht in het Vaticaan)
15 augustus 2019
smeuken = motregenen
't begunt leek 'n bitje te smeuken
14 augustus 2019
an attandang = in afwachting
an attandang go kik nog 'n segritje smoren
13 augustus 2019
'n beze = een korte, maar krachtige regenbui
't è were 'n beze gedoan zè
12 augustus 2019
kappoo = motorkap
'k krage mene kappoo nie open
11 augustus 2019
de ballen kjeren = de schuld krijgen van iets; oplossen
'k go kik ier toen were de ballen meugen kjeren
10 augustus 2019
achtereut skarten = fysiek sterk achteruitgaan; het slechter doen
ie skart achtereut leek d' innen (= hij ligt op sterven)
9 augustus 2019
zjeeslessen = rubberen sandalen
ge kraagt doar zweetvoeten in in die zjeeslessen
8 augustus 2019
weiger ip...= zorgzaam/zorgvuldig met...
'j is weiger ip zén kleren
7 augustus 2019
verskoeperen = lichtjes verbranden
zenen board woas verskoeperd an den barbekjoe
6 augustus 2019
eutakkelen = uitleggen; hortend spreken
oe zoe 'k da neuj goan eutakkelen?
5 augustus 2019
tap = haakje om kleren aan op te hangen; kapstok; (ook: zetpil)
angt euje palto moar an den tap
4 augustus 2019
er nie ip schaffen = er geen acht op slaan
'k ee der nie ip geschaft ottie nen bril an oot
3 augustus 2019
rekkers = bagagebinder van een fiets
steekt dienen boj oender euj rekkers
2 augustus 2019
weg lék 'n vliege ip 'n planke = er plots vandoor
'j is ammekjee weg lék 'n vliege ip 'n planke
1 augustus 2019
pateelstikken = onbestaand geld; ongeldig geld
Mee wa goat ie da betalen? Mee pateelstikken zekers?
31 juli 2019
ode tjeuken = voedsel dat uitgedroogd en taai is
die ode tjeuken van brood ete kik nie ip zulle
30 juli 2019
broklinge = verkruimelde stukken
'k ee da nie geiren: broklinge in de soepe
29 juli 2019
tnoestepetoe = overhoop; door elkaar; in wanorde
al eur papieren liggen tnoestepetoe ip euren beroo
26 juli 2019
eutpekken = buitenkomen
me goan nie eutpekken in zo'n were
25 juli 2019
in de neuze zitten = geviseerd worden; voorwerp zijn van wrok
ie koste niets goed doen bij die meester, ie zat al van den eersten dag in de neuze
24 juli 2019
meetweeflen = overtuigen; meelokken
ze kost em toch meetweeflen om in 't woater te goan
23 juli 2019
lisse = leiband
ie passeert ier alle doage mee zeen oend an de lisse
22 juli 2019
kerdjas geven = van katoen geven
ze gaven doar nogal kerdjas ip da verhoog
21 juli 2019
zjemille = ploeg (om het land te ploegen)
nen boer mee peird en zjemille, ge ziet da nie meer
20 juli 2019
da 's de krikke = dat is ideaal; het werkt uitstekend
da 's de krikke zo nen airco in da were
19 juli 2019
't ipperste = de zolder
de wiege en de feteure stoan ip 't ipperste
18 juli 2019
roare gespen trekken = verbaasd staan kijken
ze zullen nog roare gespen trekken osse da zien
17 juli 2019
achter Tjoantjes liggen = dood en begraven zijn
'j is joenger dan ik en ie ligt al achter Tjoantjes
(aan de ingang van het kerkhof - kant Kistestraat - stond een huis waar de grafmaker woonde die Christiaens heette)
16 juli 2019
gekapt = gemalen vlees
ne pistolee gekapt en e goe pinte, mmm
15 juli 2019
remeestren = rondtollen; lelijk huis houden
die lelikke deuven zitten in mén zjeraniums te remeestren
10 juli 2019
elk ovrans = beurtelings
ze mochten elk ovrans ip 't peird zitten
9 juli 2019
deurendeur = op de duur; uiteindelijk; tenslotte
't begoste mij deurendeur te verleen van ip da plin te stoan
8 juli 2019
chicoengs = witloof
't is neuj nog den téd niet van de chicoengs
7 juli 2019
'n kloeke bakte = een struise vrouw
hij is 'n smeer vintje en zij zuk 'n kloeke bakte
6 juli 2019
achterdésselen = achterop slenteren
ge peist toch zeker niet dak doar helentéd go achterdésselen?
5 juli 2019
de dikzessen = een epileptische aanval
4 juli 2019
kreumlinge = kruimels
de keuken lig vul kreumlinge
3 juli 2019
zich speneeren = diëten
'k moe mij 'n bitje speneeren, 'k wirre te dikke
2 juli 2019
'n trekske = een lichte (niet fatale) hartaanval
jee vezekers 'n brokke van 'n trekske get
1 juli 2019
pieters = winkeldochters; moeilijk verkoopbare producten
't is in de solden das ulder pieters kweet geraken
30 juni 2019
angen te swiesselen = er los bij hangen
't is nie normaal dat dat doar azo angt te swiesselen
29 juni 2019
bemokkeld = vlekkerig; vuil
de zetel is heel bemokkeld van dienen oend
28 juni 2019
bjeestrije = motten en muggen
omme de lucht ansteken komt er bjeestrije binnen
27 juni 2019
verfoazelen = verleiden
z' is te verfoazelen mee 'n strootje
26 juni 2019
persjinnen = rolluiken
me doen neuj de persjinnen toe veu de zunne
21 juni 2019
vei = weelderig; goed groeiend
de pret stoat al vei
20 juni 2019
noes en twès = door elkaar; in wanorde
eur gerief lig noes en twès ip euren beroo
19 juni 2019
zén/eur lippe zetten = beginnen te wenen
vanoot de melkboer binnenkomt begunt die klenen zén lippe te zetten
18 juni 2019
ves geregeld = buikspek van het varken
's nuchtens 'n snee brood mee 'n goe skelle ves geregeld
17 juni 2019
't is nie veel vank an = er is geen plezier aan
't is nie veel vank an om weer in de file te stoan noar de zjee
16 juni 2019
begoest ip….. = aangetrokken door....
z' is vree begoest ip da kleedje in d' etalojze
15 juni 2019
skjeebier = laatste pintje voor het weggaan
da skjeebier woas ter teveel an
14 juni 2019
bezatse = gepak; bagage; rugzak
z' is vertrokken mee eur bezatse ip kamp
er even tussenuit geweest voor mijn jaarlijks stukje voettocht naar Compostela
3 juni 2019
getrek = gevaarte; lang voertuig
ge zét er wel mee, hele doagen da getrek veur euj deure
2 juni 2019
zwalp-ei = losbol; boemelaar; flierefluiter
ze loopt recht in eur oengeluk mee zo'n zwalp-ei
1 juni 2019
rinketten = vernielen
dienen oend zoet ier al rinketten
31 mei 2019
'n riflement = een berisping; uitbrander
ie kraag doar azo 'n riflement woar dat ie nie goe van woas
30 mei 2019
potshoofd = gekke kerel; lul (scheldwoord)
mee da potshoofd go kik nie mjeer mee
29 mei 2019
de skole blauwen = spijbelen
't zal neuj wel gedoan zén mee de skole te blauwen
28 mei 2019
den buf van 't spel = de zondebok; de schuldige; het slachtoffer
ge goat da zien de werkmins zal were den buf van 't spel zijn
27 mei 2019
poer = buskruit
'j eet poer nie eutgevoenden (= hij is niet al te snugger)
23 mei 2019
koeketiene = minnares; lief; maitresse; vriendin
ie kochte 'n sportootootje veur zén koeketiene
22 mei 2019
gelènt = onderlichaam
ie stoa mee heel zén gelènt bloot
21 mei 2019
da 's andersen dij ee = daar sta je van te kijken hé
'k go kik neuj nie goan stemmen zè, da 's andersen dij ee
20 mei 2019
boj = pullover
't is were veur nen boj an te doen
19 mei 2019
bjelen = (op 't laatst) van gedacht veranderen
ze goeng meegoan ip reise mo z' ee gebjeeld
18 mei 2019
'n owke = een schoffel
't wèrd agauwe were téd om mee 'n owke 't onkreut te wien
17 mei 2019
nen opendoendre = een blikopener
woar is dienen opendoendre were noar toe?
16 mei 2019
piere = gulp (van een broek)
zén piere stoeng nog open
15 mei 2019
oxizjenee = zuurstofwater
ge moet da ontsmetten mee 'n bitje oxizjenee
14 mei 2019
ne klak = een schep; een hoeveelheid
ne zak frieten mee ne goe klak mayonaise drip
13 mei 2019
klappen lék 'n gebrokene spoa = veel en snel spreken
Vanuchtend in de radio klapte Meyrem Almaci lék 'n gebrokene spoa
12 mei 2019
ip zén ovvenante = verhoudingsgewijs
't is doar ip zén ovvenante nog veel plekke in in dad ototje
11 mei 2019
ge keunt er mee gjeen stokken deure sloan = het is een grote wanorde
goan betogen veur 't klimaat ja. Maar eur kamer? Ge keunt er mee gjeen stokken deure sloan
10 mei 2019
koppekei art = beenhard
achter nen dag is die moortel koppekei art
8 mei 2019
de pieps an 't erte = hartkloppingen
o 'k da zage 'k krage de pieps an 't erte
7 mei 2019
greujen van... = een afkeer hebben van...
'k greuje van minsen die azo bestoan
6 mei 2019
van peekens gebaren = doen alsof zijn neus bloedt
1 mei 2019
'n toeflinge = een pak slaag
ie kraag 't doar azo 'n toeflinge woar dattie nie goe van woas
30 april 2019
de poanen broek verdienen = een ontmoeting regelen tussen een jongen en een meisje zodat er een trouw van komt
29 april 2019
pioanewés = geleidelijk aan ; langzamerhand
ie begoste pioanewés ip te skeuven noar oenze kant
25 april 2019
gestopen = voorover gebogen
veur aspergen te stekken moej heeltéd gestopen stoan
24 april 2019
oot euj an 't ges = hou je haaks
allee teut in den draai ee en oot euj an 't ges
23 april 2019
den deuvel is 't wés = niemand weet het
oe dan ze zulder an al da geld gegrocht zén, den deuvel is 't wés
22 april 2019
de bree veertiene = veel vrijheid
neuj da z' ip kot is, è ze de bree veertiene
21 april 2019
't gat schoon èn = de kans zien om...; de gelegenheid hebben om...
vanno tie 't gat schoon èt zit ie bij de gebeurs
20 april 2019
verdistreweren = vernielen; kapot maken
dien oend zoe al de skone blommen verdistreweren
19 april 2019
altemets = toevallig; misschien; eventueel; soms
g' èt altemets gjeen stekskes bij euj?
18 april 2019
eutlangen = verklappen
me goan 't eur nie zeggen, ze zoe 't al eutlangen
17 april 2019
toarteklaai = onnozelaar; kieken; onbezonnen persoon
dienen toarteklaai sto neuj ip 'n leeste veur de verkiezingen
16 april 2019
flimpe = scheef; uit de haak
zén achterwiel sloeg flimpe en ie lag tegen dek
15 april 2019
de bil of = uitgeput; teneinde krachten
ip 't ende woas Van Aert de bil of
14 april 2019
bendig = spaarzaam
z' èn heelzeleven bendig geleefd
13 april 2019
pertig = slank; mooi; rank
z' ee 'n pertig neuske, da nieuw lief van em
12 april 2019
kattepierig = bleekjes; ongezond uitziend
ie zaag ter mo kattepierig eut
11 april 2019
't is menen tand niet = ik lust het niet
Vette derms? 't Is menen tand niet
10 april 2019
skie = driftbui; opstoot
gardevoe o tie were zén skie kreegt
9 april 2019
ne ram = een inzinking; flauwte
'k krage doar almenekjeer ne ram o 't twoalve woas
8 april 2019
weister = ruimte; plaats
't is ier nie veel weister veur 'n bedde te zetten
5 april 2019
nen oderse joenkman = een ongetrouwde man (van rijpere leeftijd)
't woas nen oderse joenkman en ie zat alle dagen in de Paterskerke
4 april 2019
z' èn ulder neuze veur an te trekken = ze blijven met lege handen achter; ze krijgen niets
ze peisdegen van te delen van noenkeltje mo z' èn ulder neuze veur an te trekken
3 april 2019
nen bozen = een slimmerik; bolleboos
't ee al alteed nen bozen gewist
2 april 2019
fenessig = vernuftig; ingenieus
dat ding zit fenessig in mekoar
1 april 2019
smootzochte = mals gegaard; boterzacht
de koeitoenge is smootzochte
31 maart 2019
in 'n korte robbelinge = in korte tijd; snel; zonder omhaal
in 'n korte robbelinge istie de weireld gepasseerd
30 maart 2019
ne moaneskeeter = een bromvlieg
mee die warmte èk al ne moaneskeeter gezien
28 maart 2019
bentekik = ik ben het
Wie is ter doar? Bentekik.
27 maart 2019
beutenbulten = buitenwerken; de deur wijzen
ze zullen em doar rap were beutenbulten
26 maart 2019
teumen kregen = zotte kuren krijgen
neuj en toen kreeg z' eur teumen
25 maart 2019
ip 'n ves = opnieuw; met een schone lei
'j is weer ip 'n ves begunnen mee ne winkel
22 maart 2019
mén zinke = warempel
't go mén zinke nog sneeuwen in maarte
21 maart 2019
't zén zén eigen leuzen die beten = hij is zelf schuldig
19 maart 2019
den treuzel = (te pakken) kwast op de paardjesmolen
ie woas nog te klene, ie koste den treuzel nie pakken
18 maart 2019
letter = weinig
z' is mo letter van zegs vandoage
17 maart 2019
kazakken = ongepeld gekookte aardappelen
kazakken mee ne goodnen haring, 't is lange leen da 'k da nog geten è
16 maart 2019
fukske tegen d' èrde = klein van gestalte
15 maart 2019
tegen de jukte = om zich bezig te houden
z' ee nog ne kleerwinkel hèt, mo da woas meer tegen de jukte
14 maart 2019
in nen ik en ne gij = snel; in een handomdraai
in nen ik en ne gij kraag ze die deur open
13 maart 2019
zo stéf lék 'n urde = zeer stijve spieren
'k ben nog zo stéf lék 'n urde van die wandelinge van gistren
12 maart 2019
ip ne vesse kerf = opnieuw; vanaf het begin; met een schone lei
'j is veranderd van schole, ie kan neuj ip ne vesse kerf begunnen
11 maart 2019
't zal hoogmesse zén = 't zal nipt zijn; het is weinig waarschijnlijk
ot tegen te Paosen greed is, 't zal hoogmesse zén
9 maart 2019
getieketakt = ongeduldig; geneigd
'j is getieketakt om noar de stroate te lopen
8 maart 2019
ne fenen in groeve werken = iemand die niet erg handig is; een slechte stielman
7 maart 2019
skroavelen = een schurend gevoel veroorzaken
'k ete nie gèren choco mee nootjes, da skroavelt tussen mén tanden
6 maart 2019
eutkeujelen = failliet gaan
ie goa nog eutkeujelen ottie azo voortdoet
5 maart 2019
eten lék nen dékedelver = heel veel eten
't kan nie missen dattie zo vet stoat, 'j eet lék nen dékedelver
4 maart 2019
center = bewustzijn; goedbevinden
'k ben nie ip mene center vandoage
1 maart 2019
veesneuzen = mokken; pruilen; kniezen
ge moet doar neuj nie heeltéd zitten veesneuzen
28 februari 2019
nen beslagmoaker = iemand die zich gewichtiger/ belangrijker voordoet dan hij is
27 februari 2019
annekesnest = familie; bezittingen; hebben en houden
jis mee gjeel zenen annekesnest noar de Walepeijie vertrokken
26 februari 2019
zjeemplaaster = vleier
zo ne zjeemplaaster kannek nie verdroagen
25 februari 2019
ne weewoale = iemand die onbegrijpelijk spreekt
't is ne weewoale in zén klappen
24 februari 2019
verbeussen = verkwisten
al wat ie gedeeld èt van zén oders èttie verbeust
23 februari 2019
ip zenen/euren uk zitten = gehurkt zitten
ze moest ip euren urk zitten om an 't oenderste rek te keunen
22 februari 2019
er nie veel tantlefèrens an moaken = er zich vlug vanaf maken; kordaat optreden
de juge miek ter nie veel tantlefèrens an: ze krag 'n boete
21 februari 2019
sneukelen = snoepen
't is van te sneukelen dasse zo dik is
19 februari 2019
skoassie = tekort
't go gjeen skoassie zén an eten tinkmij
18 februari 2019
't ras smeet ip = nu toont hij/zij zijn/haar ware aard (afkomst)
17 februari 2019
ne piespoater = iemand zonder zin voor humor; zeer ernstig persoon
eure piespoater wildege vaneigens were nie meegoan
16 februari 2019
nen ode sessa = een oude(re) man
wek 'n gedacht, trouwen mee zo nen ode sessa
15 februari 2019
nen naïeven teut = een naïeveling
ge moet doar toch nen naïeven teut voorn zén om dat te geloven
14 februari 2019
nievers nie in kroamen = alles hebben wat nodig is
ze zén weeral ip reize, ze kroamen zulder nievers in
13 februari 2019
melkézelen = janken: schreeuwen
die klenen kan nogal melkézelen ottie zén gedacht nie kreegt
12 februari 2019
't zén zén eigen leuzen die beten = het is zijn eigen fout; hij is zelf schuldig
11 februari 2019
kalut = gammel voertuig
mee zo'n kalut zoe kik nie willen rijen
8 februari 2019
zjamoelinge = wirwar van mensen
'k zoe doar nie gèren inzitten in die zjamoelinge
7 februari 2019
bij de werke hangen = loshangen
de spiegel van de oto oeng bij de werke
6 februari 2019
inteplekke = in plaats van
euren oto ree achtereut inteplekke van voreut
5 februari 2019
't is d' handtoave die nie deugt = mislukt door onhandigheid
4 februari 2019
viezoeng = bontjas
me meugen oenze viezoeng alwere in de kasse hangen
3 februari 2019
ne gassreerden buzzesnijer = een vastberaden, onverschrokken persoon
2 februari 2019
fernén = insecten; ongedierte
't zoe ne kjee goe moeten vriezen dat 't fernén dood is
1 februari 2019
eutpekken = naar buiten komen
o 't morgen sneeuwt, go 'k nie eutpekken
31 januari 2019
't is groten dij = het is complete onzin
30 januari 2019
etje = foei; wat vies!
etje, ge goat da toch nie ip eten zeker?
29 januari 2019
deuresteken = verwijten
ge go mij da toch nie bleuven deuresteken zeker?
28 januari 2019
center = bewustzijn/evenwicht
ie viel van zéne center / 'k ben nie ip mene center
27 januari 2019
iemand bij den buk doen = iemand oplichten
ie goa mij gjeen twee kjeren bij den buk doen zu
26 januari 2019
angetoorteld = slordig gekleed
ze loopt er altéd zo angetoorteld bij
25 januari 2019
tussen (h)alf en (h)ebbelik liggen = er erg aan toe zijn
'j ee lange tussen alf en ebbelik gelegen, mo 'j is ter were deure geskart
24 januari 2019
open patente = open en bloot
doe mo zere de deuren en de persjinnen toe, 't is ier al open patente
23 januari 2019
korten = een zaak afhandelen
'k ben noar den beuro gewist mo 'k ee nie keunen korten
22 januari 2019
gjeen spiere wind = windstil
't vriest mo 't is nie zo kood, der is gjeen spiere wind
21 januari 2019
pretmadam = pretentieuze vrouw; vrouw die graag opvalt
dedie mee eure villa in Spanje, da 's toch 'n pretmadam ée
20 januari 2019
more en mereekel = modder en vuil
't is al more en mereekel roend dad eus
19 januari 2019
tjanken = wenen; klagen; jammeren
ge moest da moar eerder geweten èn, ge moe neuj nie kommen tjanken
18 januari 2019
kortendrank = spiritualiën; geestrijke drank
vroeger mochten ze gene kortendrank schinken in de cafés
17 januari 2019
't is al slag no val = het is niet te voorspellen
16 januari 2019
verstellen = je bord niet volledig kunnen uit eten
goj verstellen da?
15 januari 2019
lezen da zén lippen doaveren = vurig bidden
ze goeng vroeger nooit no kerke noch no kleuze en ze zit neuj te lezen dad eur lippen doaveren
14 januari 2019
altemets = soms
g' èt altemets geen stekskes bij euj?
13 januari 2019
't zal hoog hangen om... = er is weinig kans dat...
't zal hoog hangen damme tegen te vieren were theus goan zén
12 januari 2019
deukskeweg = verstoppertje
wimme ne kjee deukskeweg speeln?
11 januari 2019
ijsselen = aarzelen
ie ijsseldige 'n bitje mo ie ging toch binnen
9 januari 2019
't is boereleute = het is kitscherig/lelijk; ouderwets
8 januari 2019
skoepen = stelen; pikken
'k ben weeral mene stylo geskoept
7 januari 2019
ne kilo = (scheldwoord voor) dommerik/lomperik
j' èt were verprutst, dad is toch ne kilo
4 januari 2019
'n séke tegen euj oaren = een oorveeg
ie krag 'n séke tegen zén oaren ottie theus kwam
3 januari 2019
bij de werke = binnen handbereik
't is best da 'j euj pasport bij de werke oot
2 januari 2019
tjoepen = stelen; pikken
z' èn vannacht mene velo getjoept
1 januari 2019
reke oden = in de rij staan
't woas vannuchtend reke t' oden bij den bakker
WE HEBBEN ONS 10e JAAR INGEZET !
Page updated
Google Sites
Report abuse