Embedded Files
(Til baka í íslensku skáldin og þjóðlögin)
Bjarni Thorarensen (f. 1786. d. 1841) var amtmaður, skáld og boðberi rómantíkurinnar á Íslandi. Bjarni fæddist á Brautarholti á Kjalarnesi en ólst að mestu upp á Hlíðarenda í Fljótshlíð. Afi hans móðurmegin var Bjarni Pálsson landlæknir og einn af boðberum upplýsingarinnar (Bjarni fór upp á Heklu ásamt Eggerti Ólafssyni, fyrstir manna). Bjarni giftist Hildi Bogadóttur Benediktssonar á Staðarfelli (Fellsströnd) sem tók saman Sýslumannaæfir.
Bjarni fór til náms í Kaupmannahöfn árið 1802 að læra lög, þá 16 ára gamall. Hann útskrifaðist 6 árum síðar eða einungis 22 ára gamall. Bjarni var seinheppinn í ástarmálum og var bónorði hans hafnað þrisvar sinnum.
Bjarni heillaðist af fornkvæðum og fornum bragarháttum og notar hann óspart fornt skáldamál og forna bragarhætti í ljóðum sínum. Þá er Bjarni einnig þekktur fyrir erfiljóð sín.
Bjarni varð bráðkvaddur að Möðruvöllum í Hörgárdal árið 1841, 55 ára gamall.
Einkenni Bjarna Thorarensen sem skáld:
Hann hreifst af hugmyndafræði norska heimspekingsins Henrik Steffens (um hlutverk skálda til þess að túlka náttúrufegurð) og þýska skáldsins Johann Gottfried Herder um þjóðarsálina.
Hann orti oft undir fornum bragarháttum (fornyrðislag og ljóðaháttur). Hann fyrnir einnig talsvert mál sitt í skáldskap sínum.
Hann var seinheppinn í ástarmálum og yrkir ástarljóð
Veturinn var hans uppáhalds árstíð
Hann er eitt helsta erfiljóðskáld Íslendinga fyrr og síðar (dæmi: Oddur Hjaltalín).
Kvæði Bjarna Thorarensen með íslenskum þjóðlögum og öðrum sönglögum:
Administrator Ari - Upphaf: „Administrator Ari/ í æru dingli rólum." Sjá skólasöngva og tvísöngva.
Eftir Sappho - Upphaf: „Goða það líkast unun er." Lag erlent. Lag við Vinaspegil kemur einnig til greina.
Ein tunna mjöls og áttatíu - Upphaf: „Ein tunna mjöls og áttatíu/ af þeim sem baðst af vöngum mín." Líklega eftir Bjarna Thorarensen (f. 1786. d. 1841) (Lag: Það sama og við Tittlings minning).
Eyjafjallajökull - Upphaf: „Tindafjöll skjálfa en titrar jörð."
Freyjukettir - Upphaf: „Þú sem kærleika kveikir magn". Sjá ástarljóð
Gísli Brynjólfsson - Upphaf: „Föðurlands hlíða beltin bláu." (Lag: Það sama og við Tittlings minning eða Nyd livets korte morgenrøde). Erfiljóð um síra Gísla Brynjólfsson (f. 1794. d. 1827), prest í Eydölum, sem drukknaði á Reyðarfirði. Gísli þessi var „mesti gáfu-, og lærdómsmaður, góðmenni og vinsæll mjög." Sjá erfiljóð og skólasöngva
Herganga - Upphaf: „Sortanum birta bregður frí."
Í Vestmannaeyjum björg ei brestur - Upphaf: „Í Vestmannaeyjum björg ei brestur." (Lag: Kláusarvísur eftir sama höfund). Sjá einnig skólasöngva
Ísland - Upphaf: „Þú nafnkunna landið sem lífið oss veitir." Sjá ættjarðarkvæði
Íslands minni - Upphaf: „Eldgamla Ísafold,/ ástkæra fósturmold." (Lag: breski þjóðsöngurinn). Sjá ættjarðarkvæði og skólasöngva
Jarðneska þrenningin - Upphaf: „Mörður, ýta allra/öfund kvalin mest."
Jón Jónsson - Upphaf: „Heyri' eg hljóm/ í húmi lágan." Sjá erfiljóð og skólasöngva
Karlaraup - Upphaf: „Ungur þótti eg með söng/ yndi vekja í sveina glaumi." (Lagboði: Amor bachus, kom er ned)
Kláusarvísur - Upphaf: „Kláus fór í Kolluleitir" Sjá einnig skólasöngva
Kysstu mig, hin mjúka mær - Upphaf: „Kysstu mig, hin mjúka mær." Sjá ástarljóð og skólasöngva
Mörður týndi tönnum - Upphaf: „Mörður týndi tönnum." Úr Brennu-Njálssögu
Samkvæmisvísur - Upphaf: „Ekki er hollt að hafa ból." Sjá veislukvæði
Stjörnuskoðarinn - Upphaf: „Blástjarnan þótt skarti skært." Sjá ástarljóð
Suðar mér fyrir eyrum ómur - Upphaf: „Suðar mér fyrir eyrum ómur."
Vigfús Thorarensen - Upphaf: „Hælislaus á hóli." Þetta erfiljóð yrkir Bjarni um föður sinn. Þjóðlagið við þetta kvæði er eldfornt, skylt þjóðlaginu Það mælti mín móðir eftir Egil Skalla-Grímsson. Sjá erfiljóð
Kvæði Bjarna Thorarensens eftir upphöfum:
Page updated
Google Sites
Report abuse