Eftir Sappho

Eftir Sappho er kvæði eftir Bjarna Thorarensen (f. 1786. d. 1841). Þetta kvæði var sungið í Bessastaðaskóla

Fyrirsögn:

Eftir Sappho

Lagboði:

Erlent lag. Lögin við Vinaspegil virka einnig

Höfundur:

Bjarni Thorarensen (f. 1786. d. 1841)

Kvæðagrein:

Skólasöngvar; Ástarljóð
Kvæði undir sama bragarhætti:

Hlýrahljómur - Upphaf: „Fram skal kippa berlings bát." Eftir Galdra-Brand (f. 1722. d. 1799)
Kvennaprís - Upphaf: „Mærðar æðar meðan frýs." Eftir Björn Jónsson á Skarðsá (f. 1574. d. 1655)
Kvæði um Grísillá - Upphaf: „Fríðir lýðir frömdu ljóð." Eftir Þorvald Rögnvaldsson (f. 1596. d. 1679). Íslenskt söguljóð
Úrsúlukvæði - Upphaf: „Það skal upphaf óðarblands,/ eftir sögu meistarans." Þetta kvæði kallast einnig „Annálskvæði af 1100 meyjum". Þar er fjallað um Úrsúlu hina ensku. Hún var konungsdóttir frá Bretlandi er hélt af stað í pílagrímsför til Rómaborgar með 11000 meyjum. En Atli Húnakonungur var þeim öllum að bana á leiðinni. Íslenskt söguljóð
Vinaspegill - Upphaf: „Forðum tíð einn brjótur brands." Eftir Guðmund Bergþórsson (f. 1657. d. 1705).
Vinavísur - Upphaf: „Visku drottinn veitti mér." Eftir Björn Jónsson á Skarðsá (f. 1574. d. 1655)

Heimild/kvæðið á prenti:

Goða það líkast unun er.m4a

1. Goða það líkast unun er,

andspænis sitja móti þér,

og stjörnu sjá, þá birtu ber,

á brúnahimni tindra;

hefi jeg þá í huga mér

svo harla margt að segja þér,

en orð frá vörum ekkert fer,

því eitthvað málið hindrar.

2. Mjúksár um limu logi mér

læsir sig fast og dreifir sér;

þungt fyrir brjósti æ mér er,

en öndin blaktir á skari;

sem blossa nálgast flugan fer,

mig færa vil eg nærri þér;

brátt hitinn vex, en böl ei þver,

eg brenn fyr enn mig varir.