Nú grætur mikinn mög
Minerva táragjörn.
Nú kætist Móría mjög
mörg sem á dárabörn.
Nú er skarð fyrir skildi,
nú er svanurinn nár á Tjörn
Embedded Files
Erfiljóð
Erfiljóð eða eftirmæli nutu gríðarlegra vinsælda á tímum rómantísku stefnunnar og jafnvel fyrr. Má segja að erfiljóð hafi um tíma verið einn vinsælasti tækifæriskveðskapur á Íslandi. Þá var ort ljóð um nýlátna einstaklinga. Sú málhefð fylgir erfiljóðum að skáldin yrkja eftir látna einstaklinga.
Íslensk erfiljóð með íslenskum þjóðlögum:
Á gömlu leiði 1841 - Upphaf: „Fundanna skært í ljós burt leið." Jónas Hallgrímsson yrkir eftir vin sinn (óvíst hver er).
Daði Níelsson fróði - Upphaf: „Hér sefur Daði í heilagri ró." Bólu-Hjálmar yrkir eftir Daða Níelsson fróða (f. 1809. d. 1856). Hann fæddist á Kleifum í Gilsfirði og var aldrei eignamaður. Hann var aldrei búmaður heldur vinnumaður ævilangt. Síðustu æviárin framfleytti hann sér með bóksölu og lagði stund á alþýðleg fræði.
Erfikvæði eftir Magnús Magnússon prest í Glaumbæ - Upphaf: „Allt eins og eikin forna." (Lagboði: Passíusálmur nr. 6). Gísli Konráðsson (f. 1787. d. 1877) yrkir eftir Magnús Magnússon prest í Glaumbæ. Dánardagur Magnúsar: 28. júlí 1840.
Bjarni Thórarensen - Upphaf: „Skjótt hefur sól brugðið sumri." Jónas Hallgrímsson yrkir eftir Bjarna Thorarensen. Dánardagur Bjarna: 24. ágúst 1841.
Erfiljóð um Sigurð Breiðfjörð - Upphaf: „Hví er þögli þundar svanur." Bólu-Hjálmar yrkir eftir Sigurð Breiðfjörð. Sjá: https://ismus.is/tjodfraedi/hljodrit/1038934?trloc=2566941
Gísli Brynjólfsson - Upphaf: „Föðurlands hlíða beltin háu." Bjarni Thorarensen (f. 1786. d. 1841) yrkir eftir síra Gísla Brynjólfsson (f. 1794. d. 1827), prest í Eydölum, sem drukknaði á Reyðarfirði. Gísli þessi var „mesti gáfu-, og lærdómsmaður, góðmenni og vinsæll mjög. (Lag: Það sama og við Tittlings minning eða Nyd livets korte morgenrøde).
Jón Jónsson - Upphaf: „Heyri' eg hljóm/ í húmi lágan." Bjarna Thorarensen (f. 1786. d. 1841) yrkir eftir Jón nokkurn Jónsson.
Magnús Einarsson - Upphaf: „Nú grætur mikinn mög/ Mínerva táragjörn." Jón Þorláksson á Bægisá yrkir eftir Magnús Einarsson á Tjörn í Svarfaðardal. Dánardagur Magnúsar: 29. nóvember 1794.
Vigfús Thórarensen - Upphaf: „Hælislaus á hóli/ hrísla stend ég sendnum." Bjarna Thorarensen yrkir eftir föður sinn Vigfús Thorarensen Þórarinsson. Dánardagur Vigfúsar: 13. apríl 1819.
Þorgerður Jónsdóttir - Upphaf: „Ó drottinn guð! hvað sæll er sá." Jón Þorláksson á Bægisá yrkir eftir Þorgerði Jónsdóttur. (Lagboði: Passíusálmur nr. 2). Sjá Jón Þorláksson, II. bindi, bls. 169-174.
Grafskriftir með íslenskum þjóðlögum:
Grafskrift - Upphaf: „Hér undir jarðar hvílir moldu." Grafskrift tileinkuð Sæmundi Klemenssyni. Dánardagur Sæmundar: 1. júlí 1821. Þetta er mögulega eina varðveitta grafskriftin með þjóðlagi. Þessi grafskrift er því einstök.
Eftirmæli um dauða hluti:
Page updated
Google Sites
Report abuse