Heimsósómar

Titlar heimsósómanna:

1. Aldarháttur - Upphaf: „Áður á tíðum/ var tíska hjá lýðum." Eftir síra Hallgrím Pétursson sálmaskáld (f. 1614. d. 1674). Bragarhátturinn er leonískt hexametur.

2. Aldasöngur - Upphaf: „Upp vek þú málið mitt." Eftir Bjarna Jónsson Borgfirðingaskáld (Húsafells-Bjarna) (f. 1570. d. 1655). 

3. Flærðarsenna - Upphaf: „Annars erindi rekur." Eftir síra Hallgrím Pétursson sálmaskáld (f. 1614. d. 1674).

4. Heims ósómi - Upphaf: „Hverfa happs tímar." Eftir síra Hallgrím Pétursson sálmaskáld (f. 1614. d. 1674).

5. Heimsósómi - Upphaf: „Hvað mun veröldin vilja." Eftir Skáld-Svein (f. á 15. öld). Þetta er elsti varðveitti heimsósóminn á Íslandi, undir sama bragarhætti og Ljómur Jóns Arasonar Hólabiskups. Lagið er færeyskt.

6. Heimsósómi - Upphaf: „Mörg er mannsins pína." Höf. ókunnur. Með Hjónasinnu lagi.

7. Nauðvörn - Upphaf: „Latur er lýður að vinna." Eftir óþekktan höfund. Kvæðið er varðveitt í handritinu Lbs. 376 8v0. Kvæðið er undir sama bragarhætti og Ljómur eftir Jón Arason Hólabiskup, síðasta kaþólska biskupinn á Norðurlöndunum.

8. Ómennskukvæði - Upphaf: „Hvað mun því valda/ að vorrar aldar/ er víl svo hátt?" Eftir Stefán Ólafsson í Vallanesi (f. 1619. d. 1688). Kristrún Matthíasdóttir frá Fossi í Hrunamannahreppi (f. 1923. d. 2011) og bróðir hennar, Haraldur Matthíasson sungu þetta kvæði á segulband um miðja síðustu öld. Þau virðast hafa verið þau einu á Íslandi sem kunnu þjóðlag við kvæðið.

9. Veraldar fláttskapur - Upphaf: „Svo sem gler sýnist mér." Eftir síra Hallgrím Pétursson sálmaskáld (f. 1614. d. 1674).

Ergelsis- og lífsleiðindavísur:

1. Veröld fláa sýnir sig - Þessa vísu með íslensku þjóðlagi lærði Bjarni Þorsteinsson þjóðlagasafnari í Húnavatnssýslum. Hún þekktist einnig víða á Norðurlandi.

Röð kvæðanna eftir upphöfum:

1. Annars erindi rekur

2. Áður á tíðum var tíska hjá lýðum

3. Hvað mun því valda

4. Hvað mun veröldin vilja?

5. Latur er lýður að vinna

6. Upp vek þú málið mitt

7. Veröld fláa sýnir sig