Jarðneska þríeiningin

1. Mörður, ýta allra

öfund kvalinn mest,

einatt kveinar og kallar:

„klækja er öfund verst!"

Sú til þessa orsök er:

Maðurinn glæpsins engum ann

utan sjálfum sér.

2. Gráni grenjar og dæsir,

gjöld ef heimtast í

óframfærðu og æsir

aðra móti því;

ei þó vill hann sjálfur sjá

í tíund nema tólg og ull,

tvær hann kirkjur á.

3. Skjálgur af skuldunautum

skinn og holdið flær

og að þeirra þrautum

þar á ofan hlær.

Þjófum líknar opt þó ann:

„allir þurfum vægðar vér"

við þá segir hann.

4. Þessi jarðar þrenning,

þú samt vita skalt,

undir eins og eining;

Arimans ei valt

stóll þrífættur þannig stár.

Einingin er eigingirnd,

en persónur þrjár.