Christene moet leer wie hulle as mens is. Dit sal hulle 'n beter begrip gee van ander mense en die samelewing waarin hulle leef. Die mens kan nie homself losmaak van ander mense en die invloed van sonde in hulle lewens nie.
'n Oorsig van dit wat ons oor die mens glo
Ek vind dit baie interessant dat die Bybel ons nie net inligting oor God gee wat ons nêrens anders kan kry nie, maar ook unieke inligting oor onsself, oor my en jou, wat nêrens anders gevind kan word nie. En Wie ken ons beter as die Een wat ons geskape het?
Hierdie reeks van lesse handel oor die vraag wat baie skrywers van die Bybel gereeld mee geworstel het – dit is: Wat is die mens? Job het in 7:17 hierdie vraag gevra terwyl hy deur sy beproewing gegaan het, “Wat is die mens, dat U hom so hoog stel en dat U op hom ag gee?” En waarom is God so intens besig om op die mens ag te gee?
Sonde het ons hele wêreld deurdring. Die mensdom is deurdrenk met sonde. Satan het sonde laat ontstaan. ʼn Derde van die engele van die hemel het in die sonde verval. God die Heilige Gees oortuig ons van ons sonde. God die Seun het gesterf om ons van ons sonde te verlos. God die Vader haat sonde. Die Bybel vertel ons nie net wat sonde is en waar dit vandaan kom nie, maar vertel ons ook hoe om te ontsnap van die straf van ons sonde, wat die dood is.
Elke Christen moet weet dat hulle in geestelike stryd gewikkel is en dat konflik ‘n deel is van hierdie geestelike oorlog. Christene wat maak asof daar nie ‘n stryd is tussen God (geregtigheid) en die duiwel (ongeregtigheid) nie, sal maklik deur die vyand oorwin word. Hierdie module sal jongmense leer hoe om te weet wanneer hulle tot die stryd moet toetree.
Die mens is na die beeld van God geskape. Daardie plan is egter belemmer deur die toetrede van sonde en het die kompleksiteit van verhoudings verhoog. Baie Christene sukkel om te weet wat om te sê as hulle vriende of kollegas teenoor hulle bely dat hulle sukkel met een of ander geestelike probleem. Hierdie self-help reeks bied handige riglyne vir hulle wat wil weet hoe om te reageer en 'n bydrae te maak as dit sou gebeur.
Kontak gerus vir ds. Chris as daar enige navrae is deur 'n e-pos te stuur na cgwtbg@gmail.com