Jesus het gesê: “En daar sal tekens wees aan son en maan en sterre, en op die aarde benoudheid van nasies in hulle radeloosheid, wanneer see en branders dreun, en mense se harte beswyk van vrees en verwagting van die dinge wat oor die wêreld kom. Want die kragte van die hemele sal geskud word. ” (Lukas 21:25-26).

Hoekom het ons Tekens van die Laaste Dae nodig?

Tot dusver in ons reeks het ons die profesieë rakende die volgende Bybelse temas oorweeg: die Sewe Bedelings van Tyd, die “70 Weke” van Israel , die Herleefde Romeinse Ryk en die Russies/Moslemse Alliansie. In hierdie studie kyk ons na ‘n reeks van profesieë wat daarop dui dat ons in die laaste dae is en dat die tweede koms van Jesus Christus vinnig nader kom.

Die samelewing het sedert die 20ste eeu groot veranderinge ondergaan as gevolg van ‘n ontploffing op die gebied van kennis asook aan die reisigersfront. Die profeet Daniël het egter in 536 v.C. reeds gepraat van “die tyd van die einde” en “baie sal dit deursoek, en die kennis sal vermeerder” (Dan. 12:4).

Die toename van kennis en die afbreek van grense is egter twee van vele tekens wat ongetwyfeld op die laaste dae dui. Geïsoleerde en eensydige profesieë sou die moontlikheid van die spoedige terugkoms van Christus onder bedenking geplaas het, maar tans maak dit nie saak waar ‘n mens kyk nie, hetsy op die politiese, ekonomiese, militêre, sosiale of godsdienstige arenas - alles stem, in harmonie saam met die profesieë in die Bybel: Die koms van die Here is naby!

Selfs goddelose mense, wat nog nooit God se Woord gelees of ernstig opgeneem het nie, raak al hoe meer bewus daarvan dat wêreldgebeure daarop dui dat iets noemenswaardig groot aan die gebeur is. Die geskiedenis beweeg na ‘n onomkeerbare punt en baie in ons gemeenskappe val weg omdat die bakens van vergete vorige generasies se erfenis vedwyn. Werkloosheid, die groterwordende gaping tussen ryk en arm, die groeiende bedreiging van geweld, revolusies en blinde godsdienstige fanatisisme wek vrees by die jonger geslag waar baie dan hulleself na die self-vernietigende opsie van dwelms wend.

Te midde van hierdie onsekerheid bied die Bybel ‘n boodskap van hoop. God verander steeds die lewens van mense wat gered word. Wanneer ‘n mens in opregte geloof in die Here Jesus Christus en met ware berou na God gaan, kan enige mens die wonderwerk van wedergeboorte ondervind. God begin dan Sy perfekte plan aan hierdie persoon openbaar en, in plaas van chaos, kom daar orde en doelgerigtheid en vrede. Waar skuldgevoelens was, kom daar vergifnis. Die verlede word vir altyd uitgewis. ‘n Nuwe lewe begin wat selfs die dood nie kan keer nie - ‘n ewige seën wat alle menslike verstand te bowe gaan.

Die doel van hierdie deel in die boek is om mense bewus maak dat die tyd van genade besig is om uit te loop en ongelowiges word aangemoedig om hulle enigste moontlike toevlug by ‘n genadige Verlosser te soek. Hy is die Een wat vrywilliglik vir hulle sondes gesterf het, opgestaan het uit die dode tot hulle regverdigmaking en van die hemele sal terugkeer vir dié wat Hom ken en liefhet. Ons wil hierdie boodskap in nederigheid aan al die lesers van hierdie boek toevertrou.

Die 20ste eeu het meer veranderinge gesien as enige ander eeu in die 6,000 jaar se geskiedenis van die mensdom. ‘n Honderd jaar gelede sou niemand kon raai dat die wetenskaplike kennis so ver gevorderd sou wees nie. Die groeiende wêreldbevolking, die toename van oorloë en die vermoë om te reis oor grense heen was ondenkbaar. Hierdie dramatiese veranderinge is egter meer as 2,000 jaar gelede in die Bybel voorspel as tekens van die laaste dae.

Die Tekens van ‘n Bevolkingsontploffing

Daar word geskat dat die wêreldbevolking in die jaar 1850 op 1 biljoen gestaan het. In die laaste 150 jaar het die getal ongeveer tot 6 biljoen gestyg. Die Verenigde Nasies voorspel dat teen 2050 dit tot ‘n verbysterende 12 biljoen kan styg!

Daarmee saam sal voedselproduksie verdubbel moet word indien hongersnood, peste en oorloë die landbouproduksie aanhou versteur. In ontwikkelende lande word die beste landbougrond velemaal deur stedelike uitbreidings opgeneem. Werklose plattelandse werkers trek na die stede en nuwe woongebiede en fabriekskomplekse vervang groentetuine.

In die vroeë 1990’s is beraam dat daar 120 miljoen werklose plattelandse arbeiders in Sjina was; 80 miljoen het reeds na die stede getrek het om werk in die konstruksiebedryf te soek. Die verwagting is dat, soos Sjhina sy nywerhede moderniseer, werkloosheid sal toeneem.

As gevolg van modernisering sal ontwikkelende lande groot werksprobleme in die gesig staar. Die werkers se lone moet vermeerder word en om op die wêreldmarkte te kan kompeteer word mense deur masjinerie vervang. Hierdie tendens word reeds grootliks in die Asiatiese lande gesien en dit dra by tot grootskaalse werkloosheid. Gedurende die laaste 10 jaar van die 20ste eeu (1990-2000) het Indonesië se bevolking meer gegroei as dié van Australië s’n – met ongeveer 20 miljoen mense! Teen die jaar 2000 het Indonesië se bevolkingsgetalle op 210 miljoen mense gestaan en styg steeds.

In ‘n land soos Indonesië waar daar min voorraad beskikbaar is kan hierdie tipe bevolkingsontploffing tot ‘n uitweikingsbeleid (as ‘n land sy grense moet vergroot) lei – soortegelyk as wat in Timor en Wes-Iran voorgekom het.

Die “1995 CIA World Fact Book” dui daarop dat die Wêreldbevolkingsgroei in 1995, 1.5% was, die Geboortegroei 24 per 1,000; Sterftes 9 per 1,000; Babasterftes 64 per 1,000; Vrugbaarheidsverhouding 3.1 kinders gebore per vrou en Lewensverwagting 62 jaar. In 1995 was die wêreldbevolking op 5,734 biljoen mense beraam.

Gebaseer op ‘n persentasiegroei van 1,5% per jaar kan ons die volgende toename in die wêreldbevolking verwag:

1995 basis vir skatting ………5,733 biljoen

2005 vermeerder tot ..............6,654 biljoen

2015 vermeerder tot ..............7,722 biljoen

2025 vermeerder tot ..............8,962 biljoen

2035 vermeerder tot ..............10,401 biljoen

2045 vermeerder tot ..............12,070 biljoen

Die Bybel sê dat een van die tekens van die laaste dae voor Jesus weer sal kom, ‘n bevolkingsontploffing is. Jesus het gesê:

“En soos dit gebeur het in die dae van Noag, so sal dit ook wees in die dae van die Seun van die mens: hulle het geëet en gedrink, hulle het getrou en is in die huwelik gegee tot op die dag dat Noag in die ark ingegaan het, en die sondvloed gekom en almal vernietig het” (Luk. 17:26-27).

Noag se dae was gekenmerk deur ‘n bevolkingsontploffing en die Boek van Genesis verklaar: “Toe die mense op die aarde begin vermeerder ... en al die versinsels wat hy in sy hart bedink, altyddeur net sleg was ... en die aarde was vol geweld” (Gen. 6:1-12).

Verstedeliking is een van die sigbare gevolge van die bevolkingsontploffing. Die persentasie mense wat na stede migreer, het sedert die 19de eeu drasties toegeneem. Groot konstruksie projekte het wêreldwyd toegeneem en stede het verrys en sommige stede het bevolkings byna so groot soos dié van die hele Australië! Jesus het gesê:

“Net soos dit ook gebeur het in die dae van Lot; hulle het geëet en gedrink, gekoop en verkoop, hulle het geplant en gebou. Maar op die dag toe Lot van Sodom uitgaan, het vuur en swawel van die hemel af gereën en almal vernietig Net so sal dit wees in die dag wanneer die Seun van die mens geopenbaar word” (Luk. 17:28-30).

Die Konings Van Die Ooste

Dit is interessant om daarop te let dat die Bybel na ‘n leër van 200 miljoen verwys wat van die konings van die Ooste kom om in die laaste dae deel te neem aan die oorlog van Armageddon in die land Israel. Eenhonderd jaar gelede sou so ‘n groot leër onmoontlik gewees het, maar vandag is dit moontlik. As die bevolkings van die Ooste soos Sjina, Indië, Pakistan, Indonesië, Japan, Thailand, Viëtnam, Burma, Korea, Taiwan en die Fillipyne bymekaar getel word sal die getal mense ’n verbysterende 3 biljoen mense (2005) wees!

As die gemiddelde bevolkingsgroei teen 1.5% per jaar voortduur sal die volgende dekade ‘n ekstra een biljoen mense oplewer. Die ontwikkelende lande van hoofsaaklik Asië, sal die meeste hierdeur geraak word.

Hulle sal ‘n groot rol speel as Christus met Sy tweede koms terugkeer en die oorlog van Armageddon uitbreek. Alle nasies sal by hierdie oorlog betrokke wees, maar spesifieke melding word gemaak van die Konings van die Ooste. Ons lees: “En die sesde engel het sy skaal uitgegooi op die groot rivier, die Eufraat, en sy water het opgedroog sodat die pad van die konings wat van die Ooste af kom, reggemaak kon word ... drie onreine geeste ... want dit is die geeste van duiwels wat tekens doen, wat uitgaan na die konings van die aarde en die hele wêreld om hulle te versamel vir die oorlog van daardie groot dag van die Almagtige God ... En hulle het hul versamel op die plek wat in Hebreeus genoem word Armageddon” (Openb. 16:12-16). In Openbaring 9:13-21 lees ons oor die besonderhede van die sesde trompet oordeel wat gedurende die Groot Verdrukkingstydperk gaan plaasvind. Dit verwys ook na die Eufraatrivier en die mobilisasie van ‘n leër van 200 miljoen wat ‘n derde van die mensdom sal vernietig. Hierdie leër word vir ‘n spesifieke tyd voorberei: “wat gereed gehou was vir die uur en dag en maand en jaar, om ‘n derde van die mense dood te maak” (Openb. 9:15).

Om ‘n weermag van 200 miljoen te mobiliseer om oor Sentraal Asië na Israel te beweeg vir die slag van Armageddon sal ‘n skouspelagtgite gebeurtenis wees. Hierdie tipe oefening sal tyd verg en daar is geen twyfel dat vliegtuie, skepe en grondmagte ook gebruik sal word nie. Grondmagte sal die Eufraat moet kruis en die Bybel sê dat die water sal opdroog om dit moontlik te maak (Openb. 16:12).

Dit is ook verder interresant om te weet dat die Wêreld Toeriste Organisasie (WTO) hulle aandag daarop gevestig het om die ou “Sy-Pad” (“Silk Road”), ‘n netwerk van paaie wat in antieke tye as die hoof verbinding tussen Asië en die Midde-Ooste gedien het, oop te maak. Dit het vanaf Xian in sentraal Sjina tot by die Meditereense see gestrek. Spoorwegverbindings was reeds gevestig en daar is planne om ‘n natuurlike gaslyn vanaf Sentraal Asië na Sjina, langs die deurgang, op te rig. Sneltreintegnologie en die behoefte om toegang tot omliggende ontwikkelende lande in Sentraal Asië te verkry maak dit ‘n aantreklike voorstel.

As ons kyk na die kaart sien ons dat die “Sy-Pad” (“Silk Road”), op pad na die Midde-Ooste, suid van die Kaspiese See, deur die Eufraat moet gaan en volgens Bybelse profesie sal hierdie rivier opdroog vir die Asiatiese leërs om deur te kan beweeg.

Die Teken van die Opdroog van die Eufraat Rivier

Turkye het egter baie groter planne met die waters van die Eufraat en Tigris riviere. In 1996 het Turkye ‘n 32 biljoen dollar skema aangekondig om damme, hidro-elektriese kragstasies en besproeiingskemas langs die Eufraat aan te bring. Op 1 Oktober 1997 het die “Turkish State Hydraulic Works” (DSI) aangedui hoe hierdie massiewe skema implementeer sou word. Hierdie ontwikkeling demonstreer hoe Turkye in staat gestel word om ‘n invloed op baie van die Midde Ooste uit te kan oefen deur hulle watervoorrade te beheer. Turkey, ‘n nasie van 60 miljoen mense, het ‘n magtige militêre mag en nie Sirië of Irak is in ‘n posisie om hul uit te daag of te wreek nie.

Die verslag van Turkye se plan word in die “New Europe” van 11 Oktober 1997 beskryf. In die lig van die belangrikheid van hierdie ontwikkeling haal ons die volgende gedeelte in Engels aan:

“Turkey is planning a series of water projects stretching from Istanbul to its impoverished south-east in a bid to meet growing water and energy demands, a leading water sector official said last Wednesday (1 October). The country’s State Hydraulic Works (DSI) unveiled details of a dam project worth US$1billion near Turkey’s border with Syria and Iraq. Plans for a pipeline to carry water to Istanbul and a project to ship water from Turkey’s southern shores to northern Cyprus were also in the offering. The dam is being negotiated by Sulzer, and the Union Bank of Switzerland is financing it.”

Onderhandelinge rakende die skema, om ‘n dam en ‘n 1 200 megawatt hidro-elektriese kragpunt in Ilisu te bou, is gedurende die eerste helfte van 1998 geskeduleer. Hierdie dam sal die grootste van sy soort op die Tigris Rivier wees en vorm deel van die 32 biljoen dollar energie- en besproeiingsprojek op die Tigris en Eufraat in Suid-Oos Turkye.

Die Suid-Oos Anotalië Projek (GAP) bestaan uit ‘n beplande netwerk van 22 damme en 19 kragbronne met ‘n kapasiteit van 7,476 megawatt. Irak en Sirië, wat bang is dat Turkye in staat sal wees om hul watervoorrade in tye van oorlog af te sny, is uiters ontsteld oor die projek. Irak se heersende Baath Party koerant, al Thawra, sê: “The country where these waters rise should not monopolize waters of such international rivers the way it likes.”

Verder het Turkye planne “vir ‘n 900 miljoen dollar pyplyn om water vanaf ‘n stroom in Noordwes Turkye na Istanbul te vervoer”. Turkye beplan ook om drinkwater vanaf Manargat in Suid Anatolië na Siprus te verskeep. Israel en Libië het ook onderhandel om water te koop.

Die implikasies van Turkye se groot waterplanne is geweldig en illustreer hoe maklik die Bybelse profesie, wat sê dat die Eufraat gedurende die Groot Verdrukking sal opdroog “sodat die pad van die konings wat van die Ooste af kom, reggemaak kon word” (Openb 16:12), vervul kan word; net ‘n kraan moet toegedraai word!

Die Teken van die Opdroog van die Nyl Rivier

Volgens die Bybel is dit nie net die Eufraat rivier alleen wat gedurende die laaste dae sal opdroog nie, maar ook die Nyl rivier, wat die langste rivier in die wêreld is, sal so droog wees dat die mense droogvoets sal kan deurloop.

Die Nyl ontspring in die bergagtige dele van Ethiopië waar die Blou Nyl, 85% van die water bydra. Die “Islamic Affairs Analyst” van September 1996 verklaar dat Ethiopië planne beraam om damme te bou vir groot hidro-elektriese en besproeiingskemas om sodoende die water as ‘n politieke wapen teen Egipte te gebruik. Soos in die “ABC Lateline” program van 14 Oktober 1997 aangedui word is Egipte desperaat. Die Nyl is besoedel en as gevolg van konstruksie op die Aswan Dam, word die landbou en vissery bedryf drasties ingekort.

Die “Islamic Affairs Analyst” van 2 September 1996 het die volgende verslag uigereik: "Ethiopia's ruler, Meles Zenawi, has developed a plan for controlling the headwaters of the Nile that will give Ethiopia the same power over Egypt as Turkey now holds over Syria and Iraq through that country's control of the headwaters of the Euphrates.

Eerstens streef hy, Meles Zenamwi, daarna om die hele Ethiopië se ekonomie tot sy maksimum potensiaal te ontwikkel. Om dit te doen hoop hy om damme en reservoirs op die Nyl te bou wat eindelik elektrisiteit van 20 miljoen kilowatt per uur sal opwek. Dit sal vier keer meer wees as díé van Egipte se Aswan dam wees. Dieselfde projek sal Ethiopië se landbougrond en waterbronaanlegte verbeter.

Zenawi se tweede rede hou verband met Egipte. Arabiese bronne sê dat Zenawi se ingesteldheid ten opsigte van Egipte se politieke en ekonomiese toekoms nie positief is nie. Hy glo dat Egipte nie ‘n stabiele streeksmag, met ‘n nou verhouding met die Verenigde State, sal bly nie. Inteendeel, hy is van die mening dat Egipte se ernstige ekonomiese en sosiale probleme binne ‘n dekade die land tot so ‘n mate sal destabiliseer dat Egipte aggressiewe houdings teenoor sy Afrika bure sal ontwikkel, dit sluit die stroomop Nylstate soos Ethiopië in.

Egipte kry tans 55,5 biljoen kubieke meter water per jaar uit die Nyl. Die Blou Nyl wat in Ethiopië ontspring verskaf 85% hiervan. Dit stoot die totale jaarlikse waterverbruik op na 58,5 biljoen kubieke meter. Daarom glo Zenawi dat Ethiopië haarself die beste sal kan beskerm deur beheer oor ‘n groot deel van Egipte se watervoorsiening te verkry. (Die “Islamic Affairs Analyst” is beskikbaar by Intelligence International Ltd, Die Stoneyhill Sentrum, Brimpsfield, Gloucester, GL4 8LF, UK.)

Die profeet Jesaja skryf oor die dae wanneer God “bymekaar laat kom die seuns van Israel wat verdryf is, en versamel die dogters van Juda wat verstrooi is, uit die vier hoeke van die aarde” (Jes. 11:12). Dit het natuurlik begin met die terugkeer van die Jode na Israel, wat ongeveer 2000 jaar onder die nasies verstrooi was. Jesaja gaan voort om te sê:

“En die Here sal die seetong van Egipte met die banvloek tref en deur sy gloeiende wind sy hand oor die Eufraat swaai en dit uitmekaar slaan in sewe strome, SODAT ‘N MENS MET SKOENE DAARDEUR KAN LOOP” (Jes. 11:12). Dit sal dus nie eers nodig wees om skoene uit te trek nie.

Kan die Nyl so opdroog? Sommige mag dalk redeneer dat seewater die varswater van die Nyl gaan vervang, maar ons sien dat die vlak van die land rondom die ingang van die Nyl, dramaties verander het. Vir ‘n aantal jare het argeoloë opgrawings onder die watervlak in Alexandrië se hawe gedoen vir die paleis van Cleopatra en die groot lighuis wat een van die sewe wonders van die wêreld was. As gevolg van ‘n aardbewing is al hierdie skatte nou twintig voet onder die seevlak.

As ’n groot gedeelte van die landoppervlak in die verlede weggesink het, is daar geen rede waarom dit nie weer kan verander nie; net genoeg om te verhoed dat die see die binneland in vloei. Die hoeveelheid groot aardbewings het in die laaste eeu toegeneem. Die Bybel voorspel dat daar in die laaste dae groot aardbewings in die Midde-Ooste sal wees (Sag. 14:4-5; Eseg. 38:19-20; Openb. 11:13). Die opdamming van die Nyl rivier is ook ‘n teken dat ons onsself in die laaste dae bevind.

Wêreld Gebeure

Slegs twee dae voor Jesus aan die kruis gesterf het, het Sy dissipels aan Hom die groot stene van Herodus se Tempel gewys en Jesus het gesê dat al hierdie stene neergewerp sal word. Later, op die Olyfberg, het die dissipels gevra: “Wanneer sal al hierdie dinge gebeur en wat sal die teken wees van u koms en die einde van hierdie eeu?” Jesus het hulle daarop gewys dat daar sekere wêreldwye gebeure, wat kenmerkend van die laaste dae voor Sy koms sal wees, sal plaasvind!

Eerstens het die Here Jesus gesê dat daar altyd “oorloë en gerugte van oorloë” sal wees, maar dat dit hulle nie moet ontstel nie. “Alles moet plaasvind, maar dit is nog nie die einde nie” (Matt. 24:6). Wanneer daar egter ‘n wêreldwye situasie ontstaan moet daar kennis geneem word. Dit kan die “begin van smarte” wees wat die nuwe wêreldorde voor Jesus se koms sal inlei, dit waaroor Jesus Christus uiteindelik as die Koning van die Konings sal reageer.

Die barensnoodpyne word as volg beskryf: “want die een nasie sal teen die ander opstaan en die een koninkryk teen die ander ... daar sal hongersnode wees en pessiektes en aardbewings op verskillende plekke” (Matt. 24:7). Dit word genoem die “Groot Verdrukking” (Matt. 24:21); dit is wanneer die Antichris sy afgodsbeeld in die herboude Tempel in Jerusalem sal oprig. Onmiddellik na hierdie Groot Verdrukking, sal Jesus Christus terugkom om as Koning te regeer.

Die Tekens van Wêreld-Oorlog

Patrick Brogan, in sy swaar gedokumenteerde 653 bladsy boek, “World Conflicts, Why and Where they are Happening”, noem dat daar ongeveer 97 groot oorloë tussen 1945 en 1992 plaasgevind het; wat die lewens van tussen 15 en 30 miljoen mense geëis het.

In die Eerste Wêreldoorlog (1914–1918) het 10 miljoen mense in skermutselings gesterf, maar die Tweede Wêreldoorlog (1939 – 1945) se syfers staan op 24 miljoen plus 40 miljoen burgerlikes volgens Robert Stewart (PhD) se “Almanac of Historical Facts”. Van die 9 miljoen Jode wat voor die Tweede Wêreldoorlog in Europa was, het net 3 miljoen oorleef.

Pol Pat se uitdunning van Kambodia het ongeveer een derde van sy 8,6 miljoen mense (m.a.w. 3 miljoen) uitgewis en die hele bevolking verstrooi. Die Koreaanse Oorlog het 2,884,000 lewens wat 2 miljoen burgerlikes insluit geëis. Die daaropvolgende Noord Koreaanse hongersnood vanaf 1996 tot 1998 in het 2,5 miljoen lewens geëis. Veertien miljoen mense is met Stalin se onderdrukking van die Ukraine vermoor.

Die getal vlugtelinge oorskry egter die sterftes. In Afghanistan byvoorbeeld, het die Verenigde State verklaar, dat tussen 1979 en 1989 daar uit ‘n bevolking van 15,5 miljoen mense 1 miljoen gesterf het. Die getal vlugtelinge was 7,6 miljoen; dit is 50% van die bevolking! Die Bybel sê dat wêreldoorlog op groot skaal een van die tekens van die laaste dae sal wees. Dit sal tot die Groot Verdrukking inlei:

“Want die een nasie sal teen die ander opstaan en die een koninkryk teen die ander; ... want dan sal daar groot verdrukking wees soos daar van die begin van die wêreld af tot nou toe nie gewees het en ook nooit sal wees nie” (Matt. 24:6-21).

Die Iran/Irak Oorlog het 1 miljoen lewens geëis en vele meer is beseer. En wat sal ’n mens sê van die Arabies-Israelse Oorlog, die Golf Oorlog en die Falkland Oorlog. Die mense verlies in die Indies-Sjinese Oorlog, die Indies-Pakistaanse Oorlog, die Viëtnamese Oorlog waarin 2,5 miljoen dood is en die Sjinese/Viëtnamese Oorlog, waarin 40,000 dood is voordat Sjina onttrek het, laat ’n mens ook sprakeloos.

Die gepoogde Kommunistiese oorname van Indonesië eis 500,000 lewens, en die voortslepende oorlog in Algerië eis 100,000 lewens in die laaste vyf jaar alleen. Vier opeenvolgende oorloë en hongersnode in Ethiopië, tussen 1972 en 1991, het tot 2 miljoen lewens geëis. Lande soos Bosnië, Hongarye, die Kurde, Chechnië, Armenië, Maleisië, Filipyne, Timor, Angola, Jemen, Kongo, Chad, Soedan, Rusland, Tibet, Burma, Laos, Sjina, ensovoorts het op een of ander stadium, òf bloedige revolusies òf oorloë beleef.

Patrick Brogan verklaar dat tussen 1945 en 1991 daar 97 oorloë, asook 253 veldslae en revolusies en 199 gepoogde sluipmoorde op sleutelfigure plaasgevind het. Sy gevolgtrekking is dat “dit vrugteloos is om te voorspel waar die volgende ramp gaan gebeur.” Die teken van wêreldoorlog is dus onmiskenbaar!

Die Tekens van Wêreld-Hongersnood

Na Jesus Christus se verklaring, dat wêreldoorlog voor Sy tweede koms sal uitbreek, sê Hy die volgende:

“en daar sal hongersnode wees en pessiektes en aardbewings op verskillende plekke” (Matt. 24:7).

In 1974 het die Verenigde Nasies verklaar dat hongersnood binne ‘n bestek van 10 jaar uitgewis sal word. Die “Wêreld Voedsel Beraad” wat op 13 November 1996 in Rome gehou is het egter erken dat 800 miljoen mense regoor die wêreld aan wanvoeding ly! Dit beteken dat 1 uit 8 mense daagliks moet worstel om genoeg kos in die hande te kry.

In Afrika lei 41% van die mense aan “kroniese wanvoeding”, maar die grootste hongersnood word in Asië ondervind. Hierdie vasteland het die grootste bevolkingsgroei en die getal mense wat aan wanvoeding lei word op nagenoeg 500 miljoen beraam!

Die meeste van Sjina se graan (70%) word in die koue noordelike dele geproduseer waar die groeiseisoen net vier maande lank is en oeste dikwels groen geoes word. Massiewe misoeste is heel dikwels aan die orde van die dag. Die industrialisasie van Sjina veroorssak ook dat groot landboudele plek maak vir fabrieke en in die jaar 1996 was 120 miljoen landelike werkers sonder werk gelaat. Daar kan verwag word dat hierdie getal tot 200 miljoen sal toeneem. Baie sal na die groot stede trek om ‘n bydra tot die konstruksiebedryf te maak. Nog meer landelike gebiede en kos sal in die proses verloor word. In 1996 het die afgevaardigdes van byna 200 lande die “Wêreld Voedsel Beraad” bygewoon en kon slegs tot die volgende gevolgtrekking kom: “elkeen het die reg tot toegang van veilige en gesonde kos”, maar “geen nuwe fondse sal beskikbaar wees vir die voorsiening daarvan nie”.

Wêreldkonflik versteur ook voedselproduksie en teen die einde van 1996 was daar 30 oorloë regoor die wêreld aan die gang. Die verstrooiing van miljoene mense, soos wat hulle vlug en in vlugtelingskampe opeindig, is een van die mees bydraende faktore tot hongersnood.

Die ‘Gardian Weekly’ van 2 Februarie 1997 het verslag gedoen rakende ‘n vergadering van die Verenigde Nasies se Omgewingsagentskap wat in Nairobi gehou is. Die verslag het die volgende verklaar:

“Binne 50 jaar sal byna 3 biljoen mense ‘n tekort aan water hê ...1.23 biljoen akkers (0.5 biljoen hektaar) land in Afrika het alreeds ernstige gronderosie ondergaan... te veel vis word gevang ... indien die wêreld bevolking, soos verwag word, in die volgende 50 jaar verdubbel sal die wêreld nie die hoeveelheid fossielbrandstof, wat verbrand moet word, kan bekostig nie.”

Veranderde weerpatrone en aardverwarming word voorspel en as seevlakke, soos verwag word, aanhou met styg sal van die laagliggende landbougrond oorstroom word en sal dit ’n verdere verlies aan voedselproduksie tot gevolg hê.

As al die faktore wat tot wêreldwye hongersnood bydra in aanmerking geneem word, en die wêreldbevolking in die volgende vyftig jaar verdubbel, watter hoop is daar om ‘n ekstra 6 biljoen monde te voed?

Die Tekens van Wêreld-Epidemies (Pestilensies)

Die wêreld-epidemies wek kommer. “The European” van 27 Maart 1996 kwoteer die Wêreld Gesondheidsorganisasie (WGO): “Twee jaar nadat die WGO ‘n waarskuwing in verband met TB uitgeroep het, het die siekte geen tekens van afname getoon nie ... 40% van die Suid-Afrikaanse bevolking mag draers van die TB basillus wees en ook in Europa neem die lug-oordraagbare siekte toe. Daar is ook toenames in Denemarke, Rusland, Noorweë en Italië.”

Die ‘Guardian Weekly’ van 31 Maart 1996 het verklaar: “Tuberkulose versprei oor die wêreld en meer mense as ooit in die geskiedenis sterf daarvan ... hierdie siekte kan oor die volgende 10 jaar tot 30 miljoen mense se dood veroorsaak.”

Soos wat morele standaarde afneem en dwelminname toeneem, sal ongeneeslike siektes soos Vigs ook hul tol eis. Die ‘Guardian Weekly’ van 8 Desember 1996 het ‘n artikel deur Dr. Peter Piot, in diens van die VN Vigs organisasie, geplaas. Hy verklaar as volg: “90% van die 22,5 miljoen mense wat vandag (1996) met HIV/Vigs lewe woon in ontwikkelende lande... en vele het nie eers toegang tot aspirien nie – nog minder tot anti-retrovirale middels.”

Die VN Vigs organisasie het ‘n verslag gepubliseer getiteld ‘HIV/Aids: The Global Epidemic’. Hierin word data verskaf wat aantoon dat hierdie siekte baie vinnig versprei; heeltemal nuwe gebiede binnedring en sy greep op areas wat reeds geraak is versterk ... gebiede soos Sentraal- en Oos-Europa asook die vorige Sowjet Unie word ernstig geraak.

Volgens die verslag het 1996 die ergste syfers opgelewer; 400,000 kinders het HIV/Vigs opgedoen, hoofsaaklik deur middel van moeder-na-kind. Die ‘Independent International’ van 12 Mei 1998 spreek die vrees uit vir ’n Vigs epidemie in Indië. Indië kan beskou word as die Vigs hoofstad van die wêreld. Die Vigs waghond, die Nasionale Vigs Komitee (NASKO), het beraam dat daar 70,000 HIV en 6,000 Vigs gevalle in die land is. Die Indiese Gesondheidsorganisasie wat in Bombaai gebaseer is het die getal op 7 miljoen HIV en 500,000 Vigs-lyers beraam. Die hoof van die Indiese Gesondheidsorganisasie, Indië se mees prominente kampvegter vir Vigs bewusmaking, Dr. I.S. Gilada, het voorspel dat daar teen 2001 ongeveer 20 miljoen HIV en 2 miljoen Vigs gevalle in die land sal wees.

Daar is ook ‘n definitiewe skakel tussen “malkoei” siekte en “CJD”, ‘n fatale breinsiekte in mense wat breinweefsel in jellie omsit. Ons weet nou dat dieresiektes na mense oorgedra kan word. Die ‘International Independent’ van 11 Augustus 1998 sê dat ’n parasiet oorgedra deur vee, “Old World Screw-worm”, byna twee derdes van Irak geinfesteer het en vir lande soos Jordanië, Saoedi Arabië en Sirië ‘n bedreiging inhou. Die verslag verklaar: “Die infeksie wat onwelriekende afskeidings veroorsaak nadat wonde, snye en letsels binnegedring is, het alreeds tot 40 sterftes gelei …” George Pumphrey, ‘n biologiese oorlogspesialis wat in Duitsland gebaseer is, sê: “Irak is die grootste slagoffer van die ‘screw worm’ en dit blyk of dit opsetlik oorgedra is as ‘n biologiese wapen. In Libië het die infeksie daartoe gelei dat 2,000 diere gevrek het. Die situasie is beveg, maar teen die volgende jaar het dit 35,000 vierkante kilometers gedek en 12,000 diere is dood.”

Die infeksie word deur die larwes van die ‘cochliomyia hominivorax’ vlieg veroorsaak. Die vroulike vlieg lê ongeveer vier keer die getal van 400 eiers op die rand van ‘n wond, snyplek, vlooibyt, kastrasiewond of baba se naelstring van warmbloedige diere, insluitend die mens. Die verslag gaan voort en sê: “In slegs 12 ure sit die larwe vas en dring die liggaam vir voeding binne. HULLE KAN IN VYF TOT SEWE DAE ‘N HELE KOEI OPEET!”

Peste is een van die tekens van die eindtye, en in Sagaria 14:12-15 word ons vertel van die plaag waarmee God die nasies, wat teen Jerusalem kom, sal tref. Dit sal mense en diere affekteer. Ons lees:

“En dit sal die plaag wees waarmee die Here al die volke sal tref wat opgetrek het om teen Jerusalem te veg. Hy sal hulle vlees laat wegteer, terwyl hulle nog op hulle voete staan en hulle oë sal wegteer in hulle holtes, en hulle tong wegteer in hulle mond ... En soos hierdie plaag is, sal die plaag wees van die perde, die muile, die kamele en die esels en van al die diere wat in daardie laers is” (Sag 14:12-15).

Die 20ste eeu is gekenmerk deur die ontwikkeling van virusse, in laboratoriums, met die doel om peste te vernietig. Mense is betrokke by genetiese ingenieurswese, maar ten spyte van die voordele wat hierdie kennis inhou, is daar ‘n gevaar dat die virusse nie tot die laboratorium beperk gaan wees nie. Virusse word vrygestel om hase uit te roei, maar ‘n aantal nasies sien die potensiaal daarvan om biologiese wapens te gebruik vir die uitroei van mense. Hierdie wapens staan bakend as Wapens van Massa Vernietiging.

As peste eers begin versprei is dit moeilik om te stop en vereis tyd om teenmiddels te produseer. Geskiedenis leer ons van die “Black Death” plaag wat Europa in 1347–1349 getref het. Robert Stewart (PhD) van die ‘The Almanac of Historical Facts’ verklaar: "...somewhere between one-quarter and one-third of Europe's people were carried off in just two years...victims succumbed within two or three days of being infected... (it was) almost always fatal."

Die 2004 Desember uitgawe van die ‘Time Magazine’ het ‘n ernstige waarskuwing uitgereik in verband met die moontlikheid van ‘n griep-epidemie. ’n Epidemie wat 25 – 30% van die wêreld se bevolking kan infekteer. Die waarskuwing is gegee deur dr. Shigera Omi, streeksdirekteur van die Wêreld Gesondheidsorganisasie.

Die virus, meer bekend as voëlgriep, het al mense uit alle vlakke van die samelewing geraak. In die geval van ‘n pandemie sal dit ‘n derde van dokters, verpleegsters, polisie en vrywillige werkers raak. Dr. Omi beraam dat daar tot 100 miljoen sterftes kan wees. Nuwe tegnieke om geskikte entstowwe teen voëlgriep te kry word ontwikkel, maar voordat dit vrygestel kan word is daar nog etlike maande vir kliniese toetsing nodig.

’n Bydraende faktor tot die probleem is dat die lande, waar voëlgriep ‘n groot impak kan hê, te arm is om die entstof te bekostig. Dokters sal nie veel meer kan doen as om te kyk hoe hul pasiënte sterf nie – dit is te sê as hulleself oorleef. Ons sal maar moet sien of Dr. Omi se voorspelling gaan waar word.

‘n Teken van Wêreldwye Afvalligheid in die Christendom

Die Rooms Katolieke Kerk het mense vir eeue verbied om die Bybel te lees en hul gebruik van Latyn, tot onlangs, het kerkliturgie vir baie onverstaanbaar gemaak. Die leerstellings van Rome het bygevoeg en weggelaat uit die Woord van God. Leerstellings soos die babadoop, sondebelydenis aan ‘n priester, gebede vir dooies, redding deur goeie werke, selibaatskap van priesters, gebede van die heiliges, die vagevuur en aanhoudende offers van die Mis, is alles heidense afgodery en word nêrens in die Bybel gevind nie.

Dit was egter nie tot Desember 1854 dat Pous Pius IX die vlekkelose bevrugting van die maagd Maria as ‘n noodsaaklike dogma of leer van die Katolieke Kerk verklaar het nie. Van toe af het die verering van Maria toegeneem en vandag word aanvaar dat sy na die hemel opgevaar het en daar as middelaar intree vir dié wat tot haar bid. Sommige in die Katolieke Kerk wil ook voorstel dat Maria ‘n mede-verlosser saam met Jesus Christus aanvaar moet word!

Die Protestantse Hervorming (1517) het die leerstellings van die Rooms Katolieke kerk teengestaan en die Bybel vir alle mense beskikbaar gestel. Baie is vrygemaak van hierdie afvallige stelsel van valsheid, maar soos wat die tyd verbygegaan het, het ook die Protestantse denominasies moderne teologie begin aanhang, die verbale inspirasie van die Woord van God word ontken asook baie belangrike leerstellings aangaande die Persoon van Christus en Sy plaasvervangende offer vir ons word verwerp.

Die Lambeth Konferensie (1998), waar 735 biskoppe van die Anglikaanse Kerk wêreldwyd bymekaar gekom het, het bewys hoe Protestantisme deel van die afvallige hoofstroom geword het. Daar is gedebateer of die Kerk homoseksuele huweliksbevestigings sal uitvoer en of homoseksuele persone toegelaat sal word tot die priesterskap orde. Die voorstel is egter verwerp toe 520 biskoppe vir ortodokse moraliteit gestem het.

Sommige ortodokse biskoppe het gedreig om die Konferensie uit protes te verlaat en Alexander Malik, Biskop van Lahore, Pakistan, het in die ‘Guardian Weekly’ van 16 Augustus te kenne gegee dat baie biskoppe hoogs ontsteld is oor homoseksuele huwelike en ordinasie van aktiewe homoseksuele persone. Hy sê (aangehaal in Engels): “It is not gay-bashing to uphold the authority of Scripture. It is a matter of faith and dogma. What will we do at the next Lambeth Conference when people ask for blessings for union with their pet animals?”

Die ‘The Times on Line’ van 22 November 2004 rapporteer dat sommige Anglikaanse Kerke in die privaat “gay” en lesbiese huwelike bevestig; ten spyte van die besluit van die Lambeth Konferensie. Die verslag lui: “The Church of England is yielding to increasing pressure to conduct gay ‘weddings’ as the Civil Partnerships Act recognizing same-sex unions comes into force next year (2005). Ceremonies by Anglican priests blessing lesbian and gay partnerships increased by 10 percent last year to 300 in England alone”.

Die Lesbiese en Gay Christelike Beweging se verspreiding van homoseksuele liturgie vermeerder. Dit word gedoen in voorbereiding vir die verandering van die wet en die verwagting dat daar tot ’n duisend sulke bevestigings ’n jaar sal plaasvind. Nege uit tien sulke seremonies word deur heteroseksuele priesters bevestig. Ondanks pogings van die konserwatiewes in die wêreldwye Anglikaanse hiërargie om ‘n streng Bybelse lyn te behou, neig die Westerse Kerk om ‘n liberale pad te volg.

Biskoppe hou hulle blind vir homoseksuele seremonies wat plaasvind. Amptelik weier kerke om burgerlike seremonies op hulle gronde toe te laat, maar daar is planne om homoseksuele Christene na die tyd ‘n nie-amptelike Anglikaanse “pienk troue” te offer.

Daar sal ongetwyfeld teenkanting wees vanuit die Anglikaanse Kerk en dit kan daartoe lei dat baie lede die kerk sal verlaat en onafhanklike gemeentes sal vorm.

Nog ’n vorm van afvalligheid kom voor in die emosionele tonele wat vergestel word deur buitengewone wonderwerke, ‘geloofsgenesings’, ‘heilige lagbuie’, brabbeltaal, ‘val in die gees’, uitdrywing van demone en profesieë. Hierdie beweging staan bekend as die “Toronto Blessing” as gevolg van hul verbintenis met Vineyard Kerke in Toronto (Kanada).

Die “Toronto Blessing” en geassosieerde bewegings het uiters groot geword, wêreldwyd versprei en vele hoofstroom Kerke binnegedring. Sommige van hierdie groepe is betrokke by ‘Laaste Dae Bevryding Bedienings’. Hulle glo basies dat elke sonde ‘n demoon is en dat ons perfek sonder sonde kan wees as ons sondes (demone) uitgedryf word. Dit is ongetwyfeld die "leringe van duiwels". Hul teorie hou voor dat ’n groot aantal mense in die laaste dae op hierdie manier sondeloos gemaak sal word en so die Bruid van Christus sal wees. Daar word ook geleer dat slegs Christene wat sondeloos perfek of volmaak is deel van die Wegraping kan wees!

Die Bybel waarsku ons teen hierdie afvalligheid in die laaste dae: “Maar die Gees sê uitdruklik dat in die laaste tye sommige van die geloof afvallig sal word en verleidende geeste en leringe van duiwels sal aanhang” (1 Tim 4:1).

Jesus waarsku ons dat die laaste dae gekenmerk sal word deur valse profete wat baie sal mislei. Toe daar gevra is wat die teken van Sy koms sal wees, het Hy gesê: “En baie valse profete sal opstaan en baie mense mislei” (Mat 24:11).

Jesus het ook gewaarsku: “Baie sal in daardie dag vir My sê: Here, Here, het ons nie in u Naam geprofeteer en in U Naam duiwels uitgedrywe en in U Naam baie kragte gedoen nie? En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk!” (Mat 7:22-23).

Ekumeniese Christendom word gekenmerk deur afgodery, humanistiese geloof, emosionaliteit in plaas van geestelike realiteit en die verdraagsaamheid van homoseksualiteit. Hierdie tekens maak dit duidelik dat ons onsself in die laaste dae bevind!

Die Teken van die Nasie van Israel

Die teken van die nasie van Israel is die duidelikste teken van die Here se “koms en die voleinding van die wêreld” (Mat 24:3)

God het 2,000 jaar v.C. ‘n verbond met Abraham gesluit en aan hom, sowel as sy nageslag, die land Kanaän as ‘n ewige besitting belowe (Gen 17:1-8). Hy het later weer Sy beloftes aan Isak en Jakob, wie se naam Hy na Israel verander het, bevestig (Gen 26:1-5; Gen 27:26-29).

Onder die Mosaïese Verbond, in ongeveer 1,500 v.C., het die kinders van Israel ‘n nasie geword en het God die Levitiese priesterskap bevestig; “en hulle salwing moet vir hulle ‘n ewige priesterskap in hulle geslagte wees” (Exod. 40:15).

Met die beëindiging van die 40 jaar swerftog deur die woestyn, en in voorbereiding om die beloofder land wat God aan hulle gegee het in te neem, het God aan hulle voorwaardes gegee waaronder hulle die land sal inneem (Palestynse Verbond; Deut 28-30). God het drie dinge vir Israel gesê:

1) As julle My gehoorsaam, sal julle geseënd wees in die land (Deut. 28:1-14).

2) As julle ongehoorsaam is, sal julle beleër word en uit die land gedryf word en “‘n spreekwoord en ‘n spot wees onder al die volke waarheen die Here jou sal wegvoer” (Deut. 28:37).

3) As al hierdie dinge oor Israel gekom het, en hulle keer terug na God, sal God medelye met hulle hê en hulle na die land laat terugkeer “en Hy sal jou weer versamel uit al die volke waarheen die Here jou God jou verstrooi het” (Deut. 30:1-3), om Sy beloftes te vervul wat Hy aan Abraham gemaak het (Deut. 30:20).

Ongeveer 1,000 v.C. het God ‘n verbond met Dawid gesluit dat sy saad altyd oor Israel sal regeer (2 Sam. 7:11-29). God het gesê “jou troon sal vasstaan tot in ewigheid!” (2 Sam. 7:16) en geskiedenis wys daarop dat die nageslag van Dawid regeer het tot en met die tyd dat Israel deur God geoordeel is vir haar sonde en na Babilon weggevoer is. Sedekia was die laaste koning van Juda, maar hy was verwerp as die “onheilige, goddelose vors van Israel” (Eseg. 21:25-27) en al sy seuns is deur Nebukadneser doodgemaak (Jer. 52:10-11). Sedekia was die broer van die vorige koning Jójakim en nie sy seun nie. Jójagin, die seun van Jójakim, was alreeds deur Nebukadneser se tweede inval na Babilon weggevoer en dit was sy nakomelinge wat die lyn behou het en konings vir die ewige troon, wat aan Dawid belowe is, voorsien het.

In vervulling van Dan. 9:26 het die Romeinse leermagte, onder leiding van Titus, die stad 38 jaar later (70 n.C.) vernietig en die Jode is regoor die wêreld, waar hulle tot vandag toe voortbestaan, versprei. Die verstrooiing van die Jode het plaasgevind net soos daar in die Palestynse Verbond gewaarsku is (Deut. 28:15 tot Deut. 29:29). Die rede vir hierdie verstrooing was as gevolg van die volk se verwerping van hulle Messias!

Baie Skrifgedeeltes het die terugkeer van Israel in die laaste dae voorspel. Israel is steeds in die hart van God se plan vir die uiteindelike seëning van die wêreld, en sonder ‘n goddelike aardse nasie van Israel kan die Koninkryk van God nie op aarde gevestig word nie. God het aan Abraham gesê: “En Ek sal jou ‘n groot nasie maak ... en in jou sal al die geslagte van die aarde geseën word” (Gen. 12:2-3).

Esegiël het geprofeteer dat daar in die “laaste jare” ‘n dag sal kom waartydens Israel na hulle land sal terugkeer (Eseg. 38:8, 16), maar steeds in ongeloof (Eseg. 36:24-27; Eseg. 37:22-29). NA hierdie gebeure sal hulle deur erge verdrukking, “’n tyd van benoudheid vir Jakob”, gaan (Jer. 30:7). God sal dit gebruik om hulle tot berou en uiteindelik erkenning van Jesus Christus as die Messias te bring. Wanneer Jesus Christus aan die einde van die Groot Verdrukking terugkom sal die oorblyfsel van Israel ‘n geredde nasie wees. Die Here sê: “en hulle sal opsien na My vir wie hulle deurboor het, en hulle sal oor Hom rouklaag soos ‘n mens rouklaag oor ‘n enigste seun” (Sag. 12:10).

Dit is ‘n wonderwerk dat Israel na 2,000 jaar van verstrooiing onder al die nasies hul identiteit behou het, en in hulle eie land as ‘n onafhanklike nasie, tussen die nasies van die wêreld, verenig het. Geen ander nasie in die geskiedenis van die mensdom het dit al vermag nie.

Op 14 Mei 1948, om 16h00, het David Ben-Gurion die Onafhanklikheidsdeklarasie gelees en teen 18h10 dieselfde dag, het Amerika die Staat van Israel as onafhanklik erken. Dit het massiewe immigrasie tot gevolg gehad en vlugtelinge het van regoor die wêreld oor die grense van Israel ingestroom.

Al hierdie is vervullings van Bybelse profesie wat voorspel het dat Israel in die laaste dae ‘n militêre mag sal word: “En Juda sal ook in Jerusalem veg ...” (Sag. 14:14), en “die land Juda sal vir die Egiptenaars ‘n skrik wees ...” (Jes. 19:17). “En in die dag sal Ek die stamhoofde van Juda maak soos ‘n pan met vuur onder ‘n hoop hout en soos ‘n brandende fakkel onder gerwe – hulle sal regs en links al die volke rondom verteer; maar Jerusalem sal nog bewoon wees op sy plek in Jerusalem” (Sag. 12:6).

Die Tempel in Jerusalem gaan Herbou word

God het Jerusalem gekies om Sy Naam te vestig en dit was die enigste plek waar Israel toegelaat is om te offer “en daarheen moet julle jul brandoffers bring en julle slagoffers en julle tiendes en die offergawe van julle hand en julle gelofte en julle vrywillige offers en die eersgeborenes van julle beeste en van julle kleinvee” (Deut. 12:5-6). Daar het Salomo die eerste Tempel gebou wat later deur Nebukadneser in 586 v.C. vernietig is. Na die 70 jaarige Babiloniese ballingskap het Serubabel dit in 517 v.C. herbou, maar Koning Herodes het dit in 20 v.C. gerekonstruktureer. Volgens Joh. 2:20 het dit 46 jaar geneem om die Tempel te bou. Die finale afrondings was nog nie op daardie stadium voltooi nie.

In 70 n.C. is die Tempel deur die Romeine vernietig en die versameling van die halfsikkels, wat die offergeld was wat die manlike Jood ouer as 20 jaar moes betaal het vir die instandhouding van die Tabernakel (Exod. 30:11-16), is gestop.

Die Bybel sê dat die Tempel gedurende die sewe jaar Groot Verdrukking, voor Christus terugkeer om te regeer, herbou sal word. Hierna word in Matt. 24:15; 2 Thess. 2:4 en Openb. 11:1-2 verwys. Die Heidene sal toegelaat word om die voorhof van die Tempel binne te gaan (Openb. 11:1-2). Die Roomse prins, die Antichris, sal egter ná die bekering van Israel, aan die einde van die eerste helfte van die Groot Verdrukking, teen hulle draai, die Tempel beset en ‘n afgodsbeeld van homself oprig. Dit word “die gruwel van die verwoesting” (Matt. 24:15; Dan. 9:27) genoem.

Met die begin van die duisendjarige Vrederyk van Jesus Christus sal daar, soos beskryf word in Esegiël 40 tot 48, ‘n groter Tempel opgerig word. Die priesterdiens sal hervat word en brandoffers sal deur die priesters geoffer word.

Enige vordering met betrekking tot die konstruksie van die tempel is van groot belang en dui daarop dat die Groot Verdrukking, wat die Dag van die Here is, op hande is. Die Wegraping van die ware Kerk, wat die Dag van die Here voorafgaan, (1 Thess. 5:1-9; 2 Thess. 2:1-12; Openb. 3:10), moet dus baie naby wees.

Daar is gedurende 1997 in die Jerusalem Post aangekondig dat die maak en versameling van die halfsikkel, soos deur Moses in Exodus 30:11-16 beskryf word, weer sal begin. Advertensies sê dat dit “as ’n spesiale fonds vir die opbou van Jerusalem” sal dien.

Die “heilige” halfsikkel word aan Jode van regoor die wêreld verkoop. Dit word eenmaal per jaar as ‘n donasie gegee om as “Tempelskat” toegewy of eenkant gehou te word. Voordat Israel ‘n soewereine staat geword het kon eiendom soos hierdie, geheilig vir die Tempel (‘hekdesh’), nie veilig bewaar word nie. Israel het egter tans haar eie sekuriteitstelsel en die heilige halfsikkel kan nou veilig bewaar word. Op 26 Maart 1998 is die eerste van hierdie geldstukke, tydens ‘n seremonie in Jerusalem, geskenk en het Reuven Prager, wat vir 15 jaar aan die projek gewerk het, gesê (aangehaal in Engels):

"With the sound of this coin dropping (into a special casket), THE EXILE OFFICIALLY ENDS."(Met die klank van hierdie geldstuk wat in ‘n spesiale houer val, HET DIE BALLINSKAP FORMEEL TEN EINDE GEKOM.)

Volgens die ou “trumat ha lishkah” seremonie is die “hekdesh” in ‘n spesiale kamer gestoor en vir die betaling van daaglikse gemeenskapsoffers gebruik. Dit wat oorgebly het is gebruik om Jerusalem voor te berei vir die drie pelgrimsvakansies en die opbou van die mure van die die stad.

Ons weet dat koning Joas, wat ongeveer 856 v.C. regeer het, die “heilige” halfsikkels bymekaar gemaak het om die afgebreekte Tempel te herstel. Reuven Prager, wat daarop aanspraak maak om ‘n Leviet te wees, sê: “Ons rol was om die voorwepe te maak en hulle te onderhou. Dit is my werk. Ek maak die voorwerpe”.

Volgens die “Your Jerusalem”, van April 1998, wil Reuven Prager die volgende doen: “Om ‘n aktiewe rol te speel in die herbou van die Tempel en om die Messias te bring … Sy weergawe van die herbou van die Tempel stem nie ooreen met ander organisasies wat toegewy is aan dieselfde doel nie. Hy maak dit duidelik dat hy nooit sal droom om die moskee wat op die Tempelberg staan te vernietig nie; hy glo eerder dat ‘n versigtige lees van die Koran sal onthul dat die Moslems goedgunstig ten opsigte van die herbou van die Tempel behoort te wees. “

Dit is presies wat die Nuwe Testament ons leer. Gedurende die Groot Verdrukking is Johannes aangesê: “Staan op en meet die tempel van God en die altaar en die wat daarin bid. Maar die VOORHOF buitekant die TEMPEL MOET JY UITLAAT en dit nie meet nie, WANT DIT IS AAN DIE HEIDENE GEGEE; en hulle sal die heilige stad twee en veertig (42) maande lank vertrap” (Openb. 11:1-2).

Die Oslo Vredesverdrag

Die Oslo Vredesooreenkoms is ‘n ooreenkoms tussen Israel en die Palestynse Vryheidsorganisasie met die doel om vrede in Israel te handhaaf. Dit is gedurende September 1993 in Oslo, Swede, onderteken. Die “Declaration of Principles (DOP”’ beveel twee fases aan. Die eerste fase gee Jerigo, Gaza, Hebron en ‘n gedeelte van die Wes-Bank aan die Palestynse Vredesorganisasie terug. Die tweede fase handel oor die vraag van Arabiese vlugtelinge en die status van Jerusalem. Om dit eenvoudig te stel; dit verdeel die land soos daar in die Bybel voorspel word! Joël sê: “In dié dae ... sal Ek al die nasies versamel en hulle na die dal van Josafat laat aftrek, om daar met hulle ‘n strafgerig te hou ter wille van my volk en my erfdeel Israel wat hulle onder die nasies verstrooi het, en MY LAND WAT HULLE VERDEEL HET” (Joël 3:1-2).

Daniël verduidelik dat die Antichris homself nie net sal vestig “op die berg van heilige prag”, en “hom groot hou bo enige god” nie, maar sal ook “GROND AS BELONING UITDEEL” (Dan. 11:36-45).

Die Antichris sal, soos reeds genoem, van Europa en die Herleefde Romeinse Ryk (tans besig om onder die vaandel van die Europese Unie te vorm) afkomstig wees. Daniël verduidelik dat die Antichris ‘n sewe (7) jaarige verbond met Israel sal “bevestig” of “versterk”. Na drie en ‘n half (3½) jaar sal hy dit verbreek en die Tempeloffers tot ’n einde bring. Die huidige poging om die Tempel te herbou dui daarop dat ons nader beweeg aan die einde van die eeue! Dit is moontlik dat die Oslo Ooreenkoms die ooreenkoms of verdrag sal wees wat vesterk of bevestig sal word?

‘n Joodse Sanhedrin en Monargie

Gedurende Oktober 2004 is die Sanhedrin, bestaande uit 71 lede, deur die Ortodokse Jode hervestig. Hulle het op ‘n gereelde basis begin vergader om inspraak en advies te lewer rakende die nasie se toekoms. Die Eerste Minister, Sharon, se Vrysettingsplan wat Joodse gemeenskappe verwyder het van die Wesbank en Gaza strook, is veroordeel en soldate en polisie is verhoed om aan die ontruiming deel te neem.

Die nuwe Sanhedrin wou sien dat ’n monargie die huidige demokratiese regeringstelsel vervang. Stappe is geneem om geskikte persone te identifiseer wat hulle eie herkoms kan deurtrek tot by Dawid, en vele mense is in staat om dit te doen.

Die Bybel dui daarop dat hulle nie daarin sal slaag nie. Esegiël skryf dat die troon van Dawid omvergewerp sal word en “nie bly nie, totdat Hy kom wat daarop reg het en aan Hom sal Ek dit gee” (Eseg. 21:27). Die engel Gabriël het gesê dat Christus “sal die troon van sy vader Dawid kry” (Luk. 1:32).

Die Jode sal egter daarin slaag om die “familie van die huis van Dawid”, teenwoordig by die terugkeer van Jesus Christus (die Seun van Dawid), te identifiseer. Die geslagsregister van Jesus Christus is alreeds in Mattheus 1 en Lukas 3 uitgelê. Sagaria skryf die volgende in verband met daardie tyd: “En die land sal rouklaag by geslagte, elke geslag afsonderlik; die geslag van die huis van Dawid afsonderlik, en hulle vroue afsonderlik” (Sag. 12:12).

Wêreld Terrorisme

Daar is wêreldwyd meer as 1 biljoen Moslems. Sedert 1979, die begin van die Islamitiese fundamentalistiese revolusie, is daar ‘n nuwe soort veiligheidsbedreiging wat die nasies van die wêreld in die gesig staar. Op 11 September 2001 het terrorisme ‘n nuwe dimensie aangeneem toe die twee torings van die “Wêreld Handel Sentrum” deur Islamitiese fundamentaliste, wat Amerikaanse passasiersvliegtuie gekaap het, vernietig is. Hierdie gebeurtenis sal in die geskiedenis onthou word as ‘n draaipunt in wêreldgebeure.

Toe die Ayatollah Khomeini die Sjah van Persië omvergewerp het, het hy ‘n oorlog begin wat nie met konvensionele oorlogstaktiek gewen kan word nie. Die balans van militêre mag en krag is so swaar in die guns van Israel en haar bondgenote dat alternatiewe metodes deur vyande gevind moet word om die doel vir Islamitiese wêreldoorheersing te verwesenlik. In agtergeblewe areas, soos Afrika, sal konvensionele militêre taktiek suksesvol wees. Goedkoper vorms van oorlogvoering moes egter gebruik word om teen Amerika en die Europese Unie se gesofistikeerde wapens te veg.

Die fundamentele Islamitiese doel is om Israel sowel as al die lande wat haar ondersteun te vernietig. Dit beteken dat Amerika onmiddellik as ‘n teiken geidentifiseer sal word.

Terroriste sal slegs effektief wees in ’n oorlog teen Amerika as hulle toegang kan kry tot relatief goedkoop chemiese, biologiese of kern wapens van massavernietiging. ‘n Paar duisend gewillige selfmoord fanatikuste sal ook genoeg wees om vrees en verwarring onder nie-Islamitiese mense van die vrye wêreld te saai. Dit word alles aangevuur deur ‘n intense haat teen Israel en ‘n brandende begeerte om elke Jood op aarde te elimineer.

Ons weet uit die profesieë dat daar in die eerste helfte van die Groot Verdrukking ‘n massiewe Islamitiese aanval op Israel sal wees, maar tensy Amerika geneutraliseer kan word sal hierdie aanval, selfs met die steun van Rusland, nutteloos wees. In 2001 het Amerika $396,1 biljoen, wat byna 50% van die wêreld se uitgawes is, aan verdediging spandeer. As ons Rusland se uitgawes insluit was die bedrag wat deur Islamitiese nasies, wat hulself met die fundamentalistiese revolusie identifiseer, slegs $83 biljoen in dieselfde jaar. As Russiese uitgawes uitgesluit word kan die bedrag op slegs $23 biljoen (2.8%) bereken word. (Sien die Tabel op bladsy 128).

Oor die afgelope paar jaar waarsku “Jane’s Intelligence Digest” dat Iran ‘n konvensionele oorlog teen Israel beplan en om Amerikaanse steun te neutraliseer deur “WMV” (Wapens van Massa Verwoesting) in stede regoor Amerika te plaas. Indien Amerika Israel wil help, sal die “WMV” losgelaat word wat totale chaos en verwarring sal veroorsaak. Dit is terrorisme op grootskaal en die President van Amerika is deeglik bewus van hierdie bedreiging en sal probeer om maatreëls daar te stel om dit te verhoed.

Vroeg in die Groot Verdrukking, met die oopmaak van die tweede seël, sien Johannes ‘n rooi perd en “aan hom wat daarop sit, is dit gegee om die vrede van die aarde af weg te neem en dat hulle mekaar sou doodmaak; en ‘n groot swaard is aan hom gegee” (Openb. 6:4).

Dit kan dui op ‘n toestand van wêreldwye anargie, maar kan ook met wêreldwye terrorisme verbind word. Terrorisme het geen ontsag vir die regte van onskuldige mense nie. Terroriste se doel is om alles dood te maak wat voorkom en skep ‘n atmosfeer van vrees en verlies aan veiligheid; vrede en sekuritiet word weggeneem.

Soos wat ons nader aan die Groot Verdrukking beweeg neem die bedreiging van terrorisme toe en ‘n klimaks sal kort na die Wegraping bereik word.

As ons na die bogenoemde tabel kyk word ons aan Joël se profesie aangaande die laaste groot oorlog, voordat Christus terugkom, herinner:

“Roep dit uit onder die nasies, heilig ‘n oorlog! Wek die helde op, laat al die krygsmanne nader kom, opruk! Smee van julle pikke swaarde en van julle snoeimesse spiese; laat die swakke sê: Ek is ‘n held” (Joël 3:9,10).

“En op die aarde benoudheid van nasies in hulle radeloosheid, wanneer SEE EN BRANDERS DREUN, en mense se harte beswyk van vrees en verwagting van die dinge wat oor die wêreld kom” (Luk. 21:25,26).

Die bogenoemde vers vorm deel van Christus se antwoord op die dissipels se vraag: “Wat sal die teken wees van U koms en die einde van die wêreld”. Jesus se antwoord word duidelik gestel: Oseaanversteurings sal voorkom en groot vrees sal onder die mense gewek word. Die 2004 Tsunami aan die kus van Sumatra is ‘n gedeeltelike vervulling van die tekens van die laaste dae, maar volgens die Skrif sal erger dinge tydens die Groot Verdrukking gebeur. Toe Paulus aan die Hebreeuse gelowiges geskryf het, het hy hulle aangemoedig om “die onderlinge byeenkomste by te woon, mekaar te vermaan EN DIT DES TE MEER NAMATE JULLE DIE DAG SIEN NADER KOM” (Heb. 10:25).

Paulus het aangedui dat dit vir Christene moontlik sal wees om die “dag te sien nader kom”. Iemand het gesê “komende gebeure gee altyd ‘n skaduwee” en soos die Dag van die Here (die Groot Verdrukking) nader kom moet ons verwag om die onweerswolke te sien saamtrek.

Dit is ook duidelik uit die Bybel dat, soos wat die tyd nader kom, rampe in intensiteit sal toeneem. Jesus verwys na die eerste helfte van die sewe jaar Groot Verdrukking as die “begin van smarte”. Die geboortepyne soos wat die geboorte nader kom word meer gereeld en meer intens. Dit is dus nie onredelik om, soos die Here se koms nader beweeg, meer rampe op ‘n meer gereelde basis te sien nie.

‘n Ondersoek van die rekords van Tsunamis dui daarop dat die Desember 2004 Tsunami deur ‘n groot aardbewing veroorsaak is (9 op die Richterskaal). Geen ander tsunami het al tot hierdie grootskaalse verwoesting en hoë sterftesyfer gelei nie. Selfs die na-skokke het tot 7 op die Richterskaal registreer, wat as ‘n groot aardbewing gereken word. Twaalf dae na die aanvanklike aardbewing was daar ‘n na-skok van 6 op die Richterskaal.

Tsunamis kom algemeen voor in areas waar seismiese aktiwiteite dikwels langs aardbewingsones ondervind word. Hierdie sones beweeg vanaf Alaska, verby Japan, tot in Indonesië, verby Papua New Guinea en af tot by Nieu-Seeland. Nog ‘n diep sloot loop vanaf noord na suid langs die weskus van Noord- en Suid-Amerika.

Die relatiewe dun laag van die aarde dryf op gesmelte rots en buig en draai soos wat die maan skuif en ook die gety styg en sak. Aardbewingsones is ook areas met volop vulkaniese aktiwiteite en ontploffings kan die oorsaak wees van tsunamis.

Hierdie dinge is egter niks in vergelyking met wat in die Groot Verdrukking gaan gebeur nie. Johannes skryf: “’n Groot berg wat brand met vuur, is in die see gegooi. En ‘n derde van die see het bloed geword, en ‘n derde van die lewende skepsele in die see het gesterwe, en ‘n derde van die skepe het vergaan” (Openb. 8:8-9).

‘n Derde van die lewende wesens in die see sal vernietig word. Hulle bloed sal die waters van die oseaan verkleur. Dink net aan die Tsunamis wat met hierdie tipe versteuring oor die oseane van die wêreld sal beweeg. ‘n NASA wetenskaplike het gespekuleer dat die as van die aarde met ’n voet geskuif het na die Tsunami van Desember 2004. In Januarie 2005 was sy aanname nog nie bevestig nie en daar word op satelliet-opmetings gewag. Die Bybel gee egter vir ons ‘n aanduiding dat die aarde gedurende die Groot Verdrukking sal “wankel”. Jesaja skryf:

“Die aarde word geheel en al verbreek, die aarde is geheel en al aan wankel, die aarde word geheel en al geskud. Die aarde waggel geheel en al soos ‘n dronkaard en swaai heen en weer soos ‘n naghut; en sy oortreding is swaar op hom; en hy sal val en nie weer opstaan nie” (Jes 24:19-20).

Wetenskaplikes sê dat die aarde alreeds binne perke “wankel”, maar dit is niks in vergelyking met wat gedurende die Groot Verdrukking sal gebeur nie.

Tsunamis Wat Geskiedenis Herskryf

Geen Tsunami, afgesien van Krakatoa, kom naby aan die lewensverlies wat gelei is tydens die Indonesiese Tsunami van Desember 2004 nie. Hier volg ‘n lys van vorige Tsunamis soos opgestel deur die Universiteit van Suid-Kalifornië en ander bronne: www.usc.edu/dept/tsunamis/).

1293: Japan – 23,000 Sterftes

1498: Japan – 26,000 Sterftes

1690: Virgin Isles – 3,000 Sterftes

1707: Japan – 30,000 Sterftes

1746: Peru – 18,000 Sterftes

1755: Portugal – 60,000 Sterftes

1765: China – 10,000 Sterftes

1771: Japan – 13,000 Sterftes

1782: Taiwan – 50,000 Sterftes

1815: Indonesië – 10,000 Sterftes

1868: Chile – 26,000 Sterftes

1883: Indonesië – 36,000 Sterftes

1896: Japan – 27,000 Stertes

1908: Messina, tussen Italië en Sicilië, ongeveer 60,000 Sterftes

1917: Indonesië – 15,000 Sterftes

1941: Indië – 5,000 Sterftes

1946: Aleutian Isles, Alaska – 165 Sterftes

1960: Chile – tussen 490 en 2,290 Sterftes

1975: Hawaii – meer as 122 Sterftes

1976: Filippyne - 8,000 Sterftes

1992: Nicaragua - 170 sterftes en ernstige skade, 9.7m branders en aardbewings het 7.2 op die Richterskaal gelees

1992: Indonesië - 1,000 sterftes en ernstige skade, 26m branders en aardbewings het 7.5 op die RS gelees

1993: Japan (see) - 330 Sterftes en $1.5 biljoen skade, 31m branders en aardbewings het 7.6 op die RS gelees

1994: Indonesië - 250 Sterftes en $2.2 miljoen skade, 14m branders en aardbewings het 7.2 op die RS gelees

1994: Kuril Eilande, Rusland (Ooste) - 11 Sterftes en skade, 9m branders en aardbewings het 8.1 op die RS gelees

1994: Indonesië - 238 Sterftes

1994: Alaska – 1 Sterfte aangemeld en $21 miljoen skade, branders het 10 op die RS gelees

1994: Filippyne - 62 sterftes en $25 miljoen skade, 10m branders en aardbewings het 7.0 op die RS gelees

1996: Irian Jaya - 161 Sterftes

1998: Papua New Guinea - Ongeveer 3,000 sterftes, 15m branders en aardbewings het 7.0 op die RS gelees

2001: Peru - Ongeveer 100 sterftes, 7m branders en aardbewings het 8.3 op die RS gelees

2002: Papua New Guinea - 5 sterftes en 5.5 m branders

2004: Indonesië – Meer as 168,000 sterftes, 5 miljoen vlugtelinge, biljoene doller skade en aardbewings wat tot 9 op RS lees.

(RS – Richterskaal)

Ander Natuurlike Rampe

Die Desember 2004 Tsunami is egter nie die ergste natuurlike ramp in die geskiedenis nie. Die “Time Magazine” van 10 Januarie 2005 sê dat die grootste natuurlike ramp in China voorgekom het toe die Yangtze rivier in 1931 oorstroom het. Soveel as 145,000 mense het verdrink en 3 miljoen mense is dood as gevolg van hongersnood en siektes wat gevolg het.

‘n Meer onlangse geval, in 1970, het sikloniese vloede 300,000 lewens in Bangladesh geëis. In 1923 het ‘n massiewe aardbewing in Tokio en Yokohama, Japan ook by benaderdering 140,000 lewens geëis.

Siektes: die Grootste Oorsaak van Sterftes

Die grootste van alle wêreldrampe, afgesien van die Bybelse Vloed in Noag se tyd, was die Swart Dood plaag van 1347 – 1350. Binne ongeveer 20 jaar het een derde van die bevolking van Engeland, Europa en die Nabye Ooste gesterf. Die presiese getal sterftes kan nie akkuraat vasgestel word nie, maar dit kan tot 40 miljoen wees; 25 miljoen in Europa en tot ‘n helfte daarvan net in Engeland alleen. Rusland en die Nabye Ooste se getalle is nie bekend nie.

Die lewensverlies was so groot dat daar ‘n tekort aan werkers was en nuwe voorwaardes vir indiensneming is deur landbouers, wat die geleentheid gesien het om in opstand te kom, vereis. Die Swart Dood plaag het op skepe vanaf die Verre Ooste gekom en was deur vlooibedekte rotte op hawens oorgedra. Die Groot Plaag van Londen was ook ‘n onmiskenbare ramp en het in 1665, volgens die Oxford Encyclopedia of World History, 70,000 lewens geëis.

Na die Eerste Wêreldoorlog het die wêreldwye griep-epidemie van 1918, 22 miljoen lewens, meer as die sterftes tydens die oorlog, geëis. Volgens die “Timetables of History” deur Bernard Grun, was daar gedurende die Eerste Wêreldoorlog 8,5 miljoen sterftes, 21 miljoen beserings en 7,5 miljoen gevangenes en vermistes. Die VIGS epidemie wat tans in Afrika en Asië lewens eis, blyk om veel erger as alle vorige plae te wees. Ten spyte daarvan dat groot bedrae geld op navorsing bestee word, het die wetenskap geen antwoorde nie.

’n Groot aantal navorsing word om vroeë waarskuwingstekens te voorsien word rakende Tsunamis gedoen. Ongeveer die helfte van die Amerikaanse bevolking, van 280 miljoen mense, lewe in ‘n 50 km radius van die kuslyn. Weens die feit dat Tsunamis met dieselfde spoed as dié van ‘n straalvliegtuig beweeg, is dit baie moeilik om voldoende waarskuwings uit te stuur vir ontruiming.

Lande wat aangrensend aan die Stille Oseaan is, het in ‘n stelsel wat vroegtydig waarskuwings uitstuur belê. Lande rondom die Indiese Oseaan het egter besluit om nie waarskuwingsmaatreëls te tref nie en dit het daartoe gelei dat tienduisende nie vooraf oor die 2004 tsunami gewaarsku is nie. Waarskuwingstelsels is nou geïnstalleer en dus sal mense in die toekoms betyds gewaarsku word.

Hulp is vanaf ryk lande soos die VSA, Verenigde Koninkryk en Australië aangebied en mediese spanne het binne die eerste week na die ramp gearriveer. Dit was egter te laat vir baie van die oorlewendes wat te erg beseer was. In die onhigiëniese tropiese toestande het siektes die lewens van baie bedreig en owerhede was bang dat die sterftes kon verdubbel. Dit is gelukkig afgeweer.

Daar was klagtes dat noodlenings te lank geneem het om by hul bestemmings uit te kom. Pad- en spoorverbindings was egter vernietig en almal wat kos, water en mediese voorraad voorsien het, het van helikopters of skepe gebruik gemaak. Dit blyk of daar vergeet is dat ‘n aardbewing voor die tsunami alreeds groot skade berokken het.

Die Ergste Moet Nog Plaasvind

As noodverlening soveel struikelblokke na net een ramp in die gesig staar, hoe erg gaan dit nie in die komende tyd wees as een ramp op die ander mekaar volg nie? Jesus het aangedui dat daar chaos sal wees na die wegraping “as daardie dae nie verkort was nie, sou geen vlees gered word nie” (Matt. 24:22). Dink net hoe dit sal wees as die volgende gebeure in ‘n sewe jaar periode kort op mekaar volg:

1. Vrede sal van die aarde weggeneem word en daar sal oorloë, hongersnode en siektes wees wat 25% van die wêreldbevolking sal uitwis (Openb. 6:4-8).

2. Groot aardbewings sal die aarde skud en “die stede van die nasies sal val” (Openb. 16:19). Groot stede soos Tokio, Shanghai, Los Angeles, Mexiko, ensovoorts het miljoene mense. Mense sal na die spelonke en rotse van berge vlug en vreesbevange word (Openb. 6:12-17).

3. ‘n Groot brandende berg sal in die see val en ‘n derde van die lewende wesens in die see en ‘n derde van die skepe sal vernietig word (Openb. 8:8).

4. Die aarde sal ‘n droogte van drie en ‘n half jaar ondervind. Hael en weerlig sal ‘n brand veroorsaak wat een derde van die bome en gras sal vernietig (Openb. 8:7; 11:6).

5. Rusland en ‘n Moslem alliansie van Iran, Turkye, Libië en Soedan sal probeer om die Midde-Ooste te beset, maar God sal hulle op die berge van Israel verstrooi soos wat Israel haarself tot God bekeer en die Messias aanvaar (Eseg. 38-39; Joël 2).

6. Demoniese aktiwiteite sal ‘n nuwe vlak bereik as ‘n bodemlose pit (Die Griekse woord “abussos” beteken bodemloos) geopen word en geestelike wesens mense aanval (Openb. 9:1-11).

7. ‘n Wêreldheerser uit die herleefde Romeinse Ryk sal ‘n groot invloed uitoefen en sal homself as God verklaar in die herboude Tempel in Jerusalem. Op hierdie stadium sal al die Jode hulle tot Christus bekeer het en die Antichris sal hulle wil vernietig. Hy sal elke godsdiens op aarde probeer vernietig sodat hy alleen aanbid kan word (Openb. 13:1-18; 2 Thess. 2:1-12).

8. Asië sal betrokke raak in ‘n oorlog wat ‘n derde van die wêreldbevolking sal uitwis. ‘n Leër van 200 miljoen sal in die Midde-Ooste saamtrek (Openb. 9:14-21).

Hierdie gebeure is slegs sommige van die Bybel se profesieë rakende die sewe jaar voor Christus se terugkoms om die nasies te oordeel en Sy ewige koninkryk te vestig. Enige pogings om verligting in hierdie omstandighede te bring sal misluk.

Jesus het gewaarsku dat die Groot Verdrukking nasies in benoudheid en radeloosheid sal dompel (Luk. 21:25). Die Griekse woord “benoudheid” beteken “angs”, en “radeloosheid” beteken “om in verleentheid te wees, nie te weet wat om te doen nie, om geen uitweg te hê nie”. (Sien Strong’s se Griekse Verklarende Woordeboek).

Voorbereiding vir die Laaste Dae

Dit is duidelik uit die tekens wat bespreek is dat ons die einde van die eeue en die tweede koms van Christus nader. Alhoewel ons Israel, Europa, Rusland en die Moslem wêreld vir verdere ontwikkelings dophou kan profesieë, wat nog vervul moet word, ná die Wegraping of tydens die sewe jaar Groot Verdrukking uitspeel. Gebeure volg vinniger opmekaar en meeste hiervan word nie in die media bekend gemaak nie – ons kan moontlik selfs nader daaraan wees as wat ons dink.

Daar is een gebeurtenis wat die Groot Verdrukking (die Dag van die Here) in aanvang sal laat neem en daar word in die Bergrede hierna verwys. “Dan sal daar twee op die land wees; en die een word aangeneem en die ander word verlaat. Twee vroue sal by die meul maal; die een word aangeneem en die ander word verlaat” (Matt. 24:40-41).

Hierdie verse is deel van die Bergpredikasie wat voor die Kerk eeu aan Joodse dissipels gelewer is. Hulle het die Wegraping van die Kerk as blote “vermiste persone” beskou. Eers nadat God die verborgenheid van die Kerk aan Paulus geopenbaar het, is daar verstaan dat die identiteit van die vermiste persone na die Kerk verwys (Ef. 3:1-7).

Nadat die Wegraping plaasgevind het, sal daar 144,000 Jode uit die twaalf stamme van Israel wees wat in Jesus Christus sal glo en deur God verseël sal word om die Evangelie van die Koninkryk te verkondig; naamlik dat die Koning sal kom om Sy koninkryk te vestig (Matt. 24:14). Die vervolging sal intens wees en die Antichris sal aanbidding vereis. Baie wat weier om sy merk te dra en sal doodgemaak word (Openb. 7:1-17; 13:1-18; 20:4).

Ware gelowiges in die tydperk of dispensasie van die Kerk sal nie in die Groot Verdrukking wees nie. Paulus sê:

“Maar julle, broeders, is nie in duisternis, dat die dag julle soos ‘n dief sou oorval nie ... Want God het ons nie bestem tot toorn nie, maar om die saligheid te verkry deur onse Here Jesus Christus wat vir ons gesterf het, sodat ons, of ons waak en of ons slaap, saam met Hom kan lewe” (1 Thess. 5:4, 9-10).

Die vraag is: “Is jy gereed?” As die Wegraping op hierdie oomblik moet plaasvind, sal jy die Here tegemoet gaan (1 Thess. 4:13-18) of vir die Groot Verdrukking agterbly? “Die een word aangeneem, en die ander verlaat”!.

Hoe kan jy gereed wees?

Die Bybel sê dat Jesus Christus aarde toe gekom het. Hy was Immanuel “God met ons”, maar Hy was ook Jesus die Christus wat Sy volk van hul sondes wou verlos het. Hy het ons nie net kom wys hoe om te lewe nie, maar het ook in ons plek aan ‘n kruis gesterf Daar het Hy as die Seun van God, sonder sonde, ons sondes gedra het. Die profeet Jesaja skryf: “Maar Hy is ter wille van ons oortredinge deurboor, ter wille van ons ongeregtighede is Hy verbrysel ... en deur Sy wonde het daar vir ons genesing gekom. Ons almal het gedwaal soos skape ... maar die Here het die ongeregtigheid van ons almal op Hom laat neerkom” (Jes. 53:5-6).

Christus het Sy kosbare bloed as ‘n offer gestort en daarmee die vereistes van God se volmaakte wet volbring – dit wat ons nie kon doen nie. Nou is daar geen redding in enige ander naam nie “want daar is ook geen ander naam onder die hemel wat onder die mense gegee is, waardeur ons gered moet word nie” (Hand. 4:12).

Liewe leser, die keuse is joune. Wat gaan jy doen met Jesus wat genoem word Christus: Jy kan Hom met eenvoudige geloof aanneem en jou sondes bely of jy kan Hom verwerp en vir ewig verlore wees.

Die tyd is kort en die Wegraping, waarna die gebeure van die Groot Verdrukking sal volg, kom nader “Soek die Here terwyl Hy nog te vinde is; roep Hom aan terwyl Hy naby is” (Jes. 55:6).

“Hy wat die Seun het, het die lewe; wie die Seun van God nie het nie, het nie die lewe nie” (1 Joh. 5:12).

‘n Voorgestelde gebed as jy nog nie Jesus Christus as jou Verlosser en Saligamker aangeneem het nie: “Liewe Vader, ek weet ek is ‘n sondaar en dat Christus vir my gesterf het aan die kruis van Golgota. Ek bely my sonde en ontvang Jesus Christus nou as my persoonlike Saligmaker en Heer. In Jesus Christus se naam.”

God sal jou gebed hoor en belowe dat “Elkeen wat die Naam van die Here aanroep, sal gered word” (Rom. 10:13).