Studies van die Leer van die Heilige Gees

Die Heilige Gees spreek nie uit Homself nie (Joh. 16:13), maar spreek die woorde van die Vader en die Seun tot die mensdom deur die inspirasie van die woorde van die Skrif. So kan God die Vader dus van die Skrif sê dat dit “Sy woord” is (Jes. 55:11) en die Seun kan dieselfde sê. Die Heilige Gees is dus die ware Outeur van die Skrif.

Ons vind die Heilige Gees in die Ou Testament aanhoudend in aksie en op so ‘n manier dat dit op geen ander manier gesien kan word as dit wat van ‘n Goddelike persoon verstaan sou word nie. Sover as dit die Bybel aangaan, word die Heilige Gees voorgestel in verband met al die aksies en karakter eienskappe wat aan ‘n Goddelike persoon behoort.

Hierdie les handel oor die goddelike invloed van die Heilige Gees oor die bose magte wat aan die werk is in hierdie wêreld, en in hierdie eeu. (2 Thes 2:3-10) Hierdie gedeelte leer ons dat die dag van die Here nie sal aanbreek voor daar nie ‘n wegvalling is van die waarheid nie en die man van sonde geopenbaar is nie (Eseg 28:1-10)

Die wedergeboorte van die Christen, is nie net ‘n herstelling van vorige lewe se mislukkings nie, maar dit is die herskepping deur goddelike opwekking. Voordat die sondaar van hierdie aarde die koningkryk van God kan ingaan, moet daar ‘n metamorfose in die vorm van ‘n geboorte ondergaan word (Joh. 3:6).

‘n Bybelse beskrywing van die Inwoning van die Gees is die blywende teenwoordigheid van die Heilige Gees binne-in die gelowige en is 'n gevolg van ons redding en word as sodanig bekom deur geloof in Christus Jesus

Wat word met die doop van die Heilige Gees bedoel. Die werk van doping met die Heilige Gees is daardie aksie van die Gees waartydens die gelowige in die liggaam van Christus Jesus geplaas word (1 Kor. 6:17; 12:13; Gal. 3:27). Dit vind as ‘n eenmalige, soewereine werk van God vir alle gelowiges plaas en kan nie ongedaan gemaak word nie.

Alhoewel die Christen posisioneel in Christus geplaas is, deur die Heilige Gees ingewoon word en met 'n nuwe, Goddelike natuur begiftig is, is die ou terdoodveroordeelde natuur nog deel van die Christen, solank as wat hy nog in hierdie huidige lewensbestaan verkeer.

Geestelikheid of ‘n geestelike lewe oorweeg twee prestasies: eerstens die oorkoming van boosheid en tweedens die promofering van dit wat goed is in die gelowige se lewe en ervaring. Die een is negatief – die oorwinning van boosheid, die ander is positief – ‘n realisering van die bonatuurlike kwaliteite en bereiking van dit wat die super menslike wyse van lewe karakteriseer.

Die werk van die HG in en deur die gelowige, beide in die negatiewe aspek – (die oorwinning oor die wereld, die vlees en die duiwel) en die positiwe aspek – (die uitset van dit wat goed is), het behalwe die oorwinning oor sonde en die krag daarvan ook die belangrikste doel van ‘n positiewe en noodsaaklike lewe en diens aan God wat net God die Heilige Gees kan behaal.

'n Geestelike gawe is 'n baie spesifieke en besonderse diens of taak wat die Heilige Gees deur gelowiges verrig. Dit beteken dat die Heilige Gees ‘n bo-natuurlik taak verrig deur die gelowige te gebruik in die uitvoering daarvan. Geestelike gawes is nie iets wat die gelowige self kan doen sonder die hulp of bemagtiging van die Heilige Gees nie.