Lysthús-kvæði

1. Undir bláum sólarsali,

Sauðlauks- upp í lygnum -dali,

fólkið hafði' af hana gali

hvörs-dags skemmtun bænum á,

fagurt galaði fuglinn sá;

Og af fleiri fugla hjali

frygð um sumar-stundir

Listamaðurinn lengi þar við undi.

2. Laufa byggja skyldi skála,

skemmtilega sniðka' og mála,

í lystigarði ljúfra kála,

lítil skríkja var þar hjá,

fagurt galaði fuglinn sá;

týrar þá við timbrið rjála,

á tóla smíða fundi;

Listamaðurinn lengi þar við undi.

3. Elli-blíður börnum sínum

hyggði laup af hagleik fínum,

eins og dýsar manni mínum;

margur naut þess út í frá,

fagurt galaði fuglinn sá;

er stóð á þaki stólpa frýnu,

steinninn kvað þar undir;

Listamaðurinn lengi þar við undi.

4. Vallar þang af völdum manna

vaxa tók um lysti-ranna

aldin-toppa' og tamdra hvanna;

titling margan beið þar hjá,

fagurt galaði fuglinn sá;

þetta dælir Sauðlauks sanna,

svipur vængja stundi;

Listamaðurinn lengi þar við undi.

5. Mestur var af miklu blómi

mustarðr að allra dómi:

Kristr, Íslands er það sómi

eftirlíking til hans brá;

fagurt galaði fuglinn sá;

þessi fríður lundar ljómi

langar sást um grundir;

Listamaðurinn lengi þar við undi.

6. Gull-legur runnur húsið huldi,

hérmeð sína gesti duldi,

af blakti laufa blíður kuldi

blossa sunnu mýkti þá,

fagurt galaði fuglinn sá;

blærinn kvæði bassa þuldi,

blaða milli drundi.

Listamaðurinn lengi þar við undi.

7. Sólin kom í krabba-merki,

klædd var jörðin grænum serki,

sinneps dauninn dyggða sterki

dugði sætum þroska ná;

fagurt galaði fuglinn sá;

næst var það af nytja verki

njóta smiður mundi;

Listamaðurinn lengi þar við undi.

8. Búskur jurta' úr borði miðju

bar ávöxt, fyrir Gyrgis yðju;

bragnar hugðu blómstra-gyðju;

byggja slíka lysti-rá

fagurt galaði fuglinn sá;

Þulur hár úr hrumleiks viðjum

hingað feta mundi;

Listamaðurinn lengi þar við undi.

9. Vín á milli mustarðs stofna

manninn hressti krafta-dofna;

margur söng við sólar ofna

og sendi tóninn greinum frá;

fagurt galaði fuglinn sá;

lyst var engin segg að sofna,

sorgin burtu hrundi;

Listamaðurinn lengi þar við undi.

10. Hunangsblóm úr öllum áttum,

ilmi sætum lífga máttu,

söngpípan í grasa gáttum

gjörði tíða enda kljá,

fagurt galaði fuglinn sá;

Skjótt var liðið langt af háttum,

lagst var allt í blundi.

Listamaðurinn lengi þar við undi.

11. Ætla' ég ráð sig inn að pakka,

aldinn tér með sinnið frakka;

vængja-dýr ég heyri' ei hlakka,

hljóminn þann ég trega má;

fagurt galaði fuglinn sá;

af mér hratt ég elli þakka

í svo stökum lundi;

Listamaðurinn lengi þar við undi.

12. Böðvar-eysu bur skal nefna

bót við hleif úr fræði svefna

í lystigarði gat að efna

grindar-hús og eyrun sjá,

að fagurt galaði fuglinn sá!

Eika kví nam Kila stefna

keipli' af huga-sundi;

Listamaðurinn lengi þar við undi.