Ставрева Севде
Димитриеска Цвете
Христовска Елизабета
Соврески Златко
Симеонов Симеон
Зголемената потрошувачка на енергија во дата центрите е условена од зголемениот капацитет на опремата за комуникација со податоци и потребното одржување на дефинираните параметри на средината во која е поставена. Машинските системи кои обезбедуваат проектни услови за работа на опремата за комуникација со податоци сместена во дата центрите, се зачителни потрошувачи на енергија. Испитувањата направени во бројни дата центри покажуваат, дека ладилниот систем троши 23% од вкупната потрошувачка на енергија на дата центарот, а системот за дистрибуција на воздухот 8%, односно системот за греење, климатизација и вентилација (HVAC) во просек троши 31% од целокупната потрошувачка на енергија во дата центарот, [1]. Цел е да се разгледаат компонентите кои го сочинуваат системот за греење, климатизација и вентилација и да се дефинираат насоки за намалување на нивната потрошувачка на енергија. Компонентите треба да се разгледуваат како дел од целокупниот систем, при што е значајна нивната регулација и следење од аспект на намалување на потрошувачката на енергија и подобрување на енергетска ефикасност на системот.
Енергетски ефикасен систем за греење, климатизација и вентилација на дата центар