Embedded Files
Magbahagi ng inyong natatanging akda, at ating pagsaluhan at ipagdiwang ang malikhaing pagsulat sa akademya!
Mga Kontribyutor
Mga Kontribyutor
R. B. Abiva
Si Rene Boy Abiva ay nahuhumaling sa gamgamling (anting-anting). Awtor siya ng pitong libro ng mga malikhaing akda, aktibong kasapi ng GUMIL-Filipinas, at opisyal ng Samahang Lazaro Francisco at Knights of Rizal (1911)- Cabanatuan City Chapter. Naniniwala siyang hindi mababalam ang paghuhukom.
Ariel U. Bosque
Nagtapos si Ariel U. Bosque sa Rizal Technological University ng Batsilyer sa Pansekondaryang Edukasyon, Medyor sa Filipino (Magna Cum Laude), at kasalukuyang tinatapos ang gradwadong programang MA Araling Pilipino (Wika at Antropolohiya) sa Unibersidad ng Pilipinas-Diliman. Siya ay naghahawak ng mga kursong espesyalisasyon sa ilalim ng Kagawaran ng Filipino (RTU).
Paul Rico C. de Lara
Si Paul Rico C. de Lara ay isang manggagawa sa isang planta ng salamin sa Bulakan. Isa siyang glass cutter. Sa kaniyang mga libreng oras, nahahanapan niya ng panahon ang hilig niya sa pagsusulat at pagguhit. Kasalukuyan siya ngayon abala sa kaniyang buhay, at pangarap.
Noel Galon de Leon
Taga-Guimaras si Noel Galon de Leon na founder at publisher ng Kasingkasing Press. Kasalukuyan siyang nagtuturo ng Filipino at Malikhaing Pagsulat sa UP High School in Iloilo sa UP Visayas. Nakatanggap ng pagkilala ang kaniyang koleksyon ng tula sa Don Carlos Palanca Memorial Awards for Literature noong 2018.
Francis Gallano Delgado
MAKATANG NOBELISTA si Adíng Kiko o Francis Gallano Delgado sa tunay na búhay. Nakapaglimbag ng higit tatlumpong aklat-pampanitikan, ang kaniyang mangá akdâ, sa Filipino man o sa Ingles, ay ginagamitan niya ng mangá sagisag-panulat. Siya ay isa sa mangá alagad ng panitikang Filipino—tagapagturo, patnugot, tagapagsalin, kritiko, teorista, iskolar, mananaysay, mandudula, at mangangatha. Bukod dito ay isa din siyang photographer, ilustrador, at rebyuwer.
Hyacintha B. Lupig
Si Hyacintha B. Lupig ay guro sa elementarya at kasalukuyang nagtuturo sa isang Katolikong paaralan sa Maynila. Hilig niya ang sumulat ng tula at pukawin ang diwa ng kanyang mga mumunting mag-aaral sa pamamagitan ng mahika ng panitikan.
Christine Marie Lim Magpile
Nagtapos si Christine Marie Lim Magpile ng Bachelor of Science in Secondary Education–History Major (Cum Laude) sa Unibersidad ng Santo Tomas. Kumuha siya ng MA in Counseling (completed academic requirements) sa De La Salle University. Kasalukuyan siyang kumukuha ng MA Araling Filipino sa Unibersidad ng Pilipinas at copy editor sa UP Press.
Mark Anthony S. Salvador
Nagtapos ng Masterado sa Malikhaing Pagsulat sa Unibersidad ng Pilipinas-Diliman si Mark Anthony S. Salvador. Kasalukuyan siyang kumukuha ng Doktorado sa Panitikan ng Pilipinas sa kaparehas na unibersidad. Kasapi siya ng Alliance of Concerned Teachers – Private Schools.
Ronnel V. Talusan
Anak ng magsasaka, siya ay taal na taga-San Rafael, Bulacan. Kasalukuyan siyang guro ng Tanggapan ng Larangan ng Filipino, Institute of Arts and Sciences, sa Far Eastern University, Manila. Produkto ng PUP – Manila.
Page updated
Google Sites
Report abuse