Embedded Files
Magbahagi ng inyong natatanging akda, at ating pagsaluhan at ipagdiwang ang malikhaing pagsulat sa akademya!
Mga Kontribyutor
Mga Kontribyutor
Harold B. Barroquillo
Si Harold B. Barroquillo ay nagtapos ng kursong Batsilyer sa Edukasyong Filipino na may Sertipiko sa Pagtuturo ng Sekondaryang Edukasyon Antas Junior High School sa Pamantasang Normal ng Pilipinas – Maynila. Sa kasalukuyan, nagtuturo siya ng Filipino sa antas Junior High School at Senior High School sa Infant Jesus Academy – Marikina at ipinagpapatuloy ang pagsulat ng mga tula na kaniyang nakahiligan dulot ng kaniyang paglubog sa mga gawain, panayam, at paligsahan tulad ng Gawad Pilantik at Gawad Genoveva – Edroza Matute noong siya ay nasa kolehiyo.
Angelo Barquilla
Si Angelo Barquilla ay isang full time na propesor sa Filipino at ilang Agham Panlipunang kurso sa De La Salle- College of Saint Benilde, Antipolo, kasalukuyan niyang tinatapos ang kanyang masteradong digri sa Pamantasan ng Lungsod ng Marikina na Master sa Artes ng Filipinolohiya-Medyor sa Wika, Kultura at Sining.
Katrina Paula B. Catugas
Si Bb. Katrina Paula B. Catugas ay isang dalubguro at nagtuturo sa isang pampublikong paaralan sa Maynila, ang Mataas na Paaralan ng Dona Teodora Alonzo. Kasalukuyan siyang nagpapakadalubhasa sa pagtuturo ng wika sa Pamantasang Normal ng Pilipinas. Hilig niyang sumulat ng sanaysay, tula at maikling kuwentong tumatalakay sa iba’t ibang personal na karanasan at isyung panlipunan.
Archimedes Riemann M. Cayabyab
Si Archimedes Riemann M. Cayabyab ay nagtapos ng Bachelor of Secondary Education, major in Filipino sa Pangasinan State Univerity – Bayambang Campus. Siya ay language reviewer ng mga aklat sa MTB-MLE sa Wikang Pangasinan at naging validator sa pagbuo ng Ortograpiyang Pangasinan. Sa kasalukuyan siya’y nagtuturo sa Agdao Integrated School bilang guro sa Senior High School na may akademikong ranggo na Teacher II.
Ernesto S. Deato
Siya ay kasalukuyang Senior High School Teacher I ng Jesus Dela Pena National High School sa Lungsod ng Marikina. Kasalukuyan niyang tinatapos ang kaniyang tesis para sa Master ng Artes sa Filipinolohiya (Wika, Kultura at Sining) sa Pamantasan ng Lungsod ng Marikina. Naging contributing writer siya ng antolohiyang “Flight 143: Mga Tula Ng Pag-Ibig At Paglipad” na inilunsad noong Disyembre, 2018, naging bahagi din ang kaniyang mga tula sa antolohiyang Buhawi (Unang Bugso) at isang dagli sa antolohiyang Eksena (Mga Dagli). Naging fellow siya ng Linangan sa Imahen, Retorika at Anyo (LIRA) noong 2015. Maliban sa pagtula, mas abala siyang ama sa kaniyang tatlong anak at nagpapakatatag para sa kaniyang asawang si Leslie na nagtatrabaho sa ibang bansa.
Eljay Castro Deldoc
Si Eljay Castro Deldoc ay ipinanganak sa Hagonoy, Bulacan, nagtapos ng BA Communication Arts sa Los Baños, Laguna, at kasalukuyang nag-aaral ng MFA Creative Writing sa DLSU. Ilan sa malilit na tagumpay na kanyang natamo ay ang mga sumusunod: pagkapanalo sa isang game show sa TV at sa Palanca, pagsulat ng mga dula na ipinalabas sa CCP, pakikipag-duet kay Jolina Magdangal, pagtuturo ng panitikan sa high school at college, at pagsusulat para sa mga programa sa TV.
Francis Gallano Delgado
Makatang Nobelista si Adíng Kiko o Francis Gallano Delgado sa tunay na búhay. Nakapaglimbag ng higit tatlumpong aklat-pampanitikan, ang kaniyang mangá akdâ, sa Filipino man o sa Ingles, ay ginagamitan niya ng mangá sagisag-panulat. Siya ay isa sa mangá alagad ng panitikang Filipino—tagapagturo, patnugot, tagapagsalin, kritiko, teorista, iskolar, mananaysay, mandudula, at mangangatha. Bukod dito ay isa din siyang photographer, ilustrador, at rebyuwer.
Joshua Alejandro C. Diokno
Nagtapos si Joshua ng BA Araling Pilipino noong 2008 at kasalukyang nag-aaral sa ilalim ng programang MA Araling Pilipino sa Unibersidad ng Pilipinas, Diliman. Isa siyang Fellow sa Ika-4 na Palihang Rogelio Sicat (PRS) at Ika-3 Cavite Young Writers’ Workshop. Naninirahan sila ng kanyang misis na si Citadel sa sariling nilang tahanan sa Toclong, Cavite kasama ang apat na pusa nilang minu-minito'y kailangan pakainin.
Hannah A. Leceña
Si Hannah A. Lecena ay 24 taong gulang, nagtapos ng BSEd-Filipino sa MSU-General Santos City bilang Cum Laude at kasalukuyang nagtuturo sa isang pampublikong paaralan sa Kiamba, Sarangani Province. Kasalukuyan niyang tinatapos ang kaniyang Tesis bilang katuparan sa kursong Masterado sa Sining ng Edukasyon Medyor sa Filipino sa Notre Dame of Marbel University. Siya ay naging fellow ng Davao Writing Workshop 2018, Bathalad-Sugbu Creative Writing Workshop ‘19, Iligan National Writing Workshop ‘19, natanggap din siya sa 20th IYAS National Writing Workshop at 5th Amelia Lapena-Bonifacio Writers Workshop for Spoken Word (2020) ng UP Institute of Creative Writing.
Grace Precious Larraga
Si Grace Precious Larraga ay kasalukuyang part time faculty sa Pamantasang De La Salle Maynila. Ang karanasan ng kanyang pamilya sa ibayong dagat ang binibigyang representasyon sa inaakdang mga pag-aaral.
Christian Dave C. Loren
Si Christian Dave C. Loren ay nagtuturo sa Eastern Samar National Comprehensive High School. Nagtapos siyang magna cum laude sa kursong Bachelor in Secondary Education major in English sa Eastern Samar State University-Borongan. Kasalukuyan siyang kumukuha ng Masters of Arts in Education major in English Language Teaching sa parehong unibersidad.
Jose Velando Ogatis-I
Si Jose Velando Ogatis-I ay kasalukuyang nagtuturo sa Department of Arts and Communication sa UP Manila. Siya rin ang coordinator para sa sining at kultura sa College of Arts and Sciences ng naturang institution. Siya ay collector ng laruan, pelikula, at comicbooks.
Ronel I. Osias
Si Ronel Osias ay nagtapos ng Batsilyer sa Edukasyong Pangsekundarya, Medyor sa Filipino sa ICCT Colleges, Cainta, Rizal, at aktibong miyembro ng Midnight Collective. Naging fellow sa palihang Liyab: Spoken Word Poetry Workshop 2018 sa Unibersidad ng Pilipinas, at itinanghal din bilang isa sa apat na Pinakamahuhusay na Makata sa palihang SPEAKS-Up! Spoken Word Poetry Workshop 2020 ng PETA Lingap Sining at Words Anonymous.
Jason F. Pozon
Si Jason F. Pozon ay nagtapos sa PNU ng kursong Batsilyer sa Pansekondaryang Edkuasyon medyor sa Filipino noong 2014 na nagkamit ng KADIPAN Leadership Award at Francisco Balagtas Special Award. Kasalukuyang nagsusulat ng thesis at tinatapos ang MA Malikhaing Pagsulat sa Departamento ng Filipino at Panitikan ng Pilipinas sa UP Diliman habang nagtuturo ng Filipino sa UP Rural High School sa UP Los Baños. Naging fellow ng 6th Cordillera Creative Writing Workshop noong 2018 sa UP Baguio, Ika-12 Palihang Rogelio Sicat noong 2019 sa UPLB at Ika-4 na Palihang Bienvenido Lumbera sa Salin ng Likhaan, UP Institute of Creative Writing. Nakapaglathala ng ilang personal na sanaysay sa Literary Journal ng Sentro sa Wikang Filipino-UP Diliman at sa Ani Refereed Journal ng Cultural Center of the Philippines.
Jessica May S. Reyes
Kasalukuyang nagtuturo ang awtor sa University of Santo Tomas-Senior High School. Nakapagtapos ng Bachelor of Arts and Bachelor of Secondary Education major in Filipino bilang Cum Laude sa Ateneo de Naga University noong 2019. Bumalik siya sa parehong pamantasan upang ipagpatuloy ang pag-aaral ng Master of Arts in Education major in Filipino sa edad na 21 pagkatapos na makapasa sa Board Licensure Examination for Teachers (BLEPT) noong 2019.
Cheeno Marlo Sayuno
Si Cheeno Marlo Sayuno ay Assistant Professor ng Komunikasyon, Pananaliksik, at Panitikang Pambata sa Departamento ng Humanidades, Unibersidad ng Pilipinas (UP) Los Baños. Nakapagtapos siya ng BA Mass Communication sa Cavite State University at MA Communication Arts sa UP Los Baños. Kasalukuyan din siyang nagtatapos ng PhD Communication sa UP Diliman. Nagkamit na siya ng karangalan mula sa Carlos Palanca Memorial Awards for Literature at Salanga Prize ng Philippine Board on Books for Young People para sa kaniyang mga kuwentong pambata. Nakapaglathala na rin siya ng mga aklat-pambata sa Lampara Books, Adarna House, Chikiting Books, at Anvil Kids.
Prince Thomas I. Siñel
Si Prince Thomas I. Siñel ay mag-aaral ng Araling Panitikan sa Pamantasan ng Malayong Silanganan sa Maynila. Nakapaglimbag siya ng maikling kwentong Ingles sa isang online journal sa Amerika. Bilang isang pampanitikang manunulat sa FEU Advocate, ang opisyal na publikasyon ng mga estudyante sa FEU, nakapaglimbag din siya ng mga tulang Tagalog at Ingles.
Ronald Tumbaga
Si Ronald, mahilig magsulat ng maykropow'tri. Mayo 1, 2021, isa siya sa nanalo sa pagsulat ng Diyona sa patimpalak na Tula Tayo 2021 ng Komisyon sa Wikang Filipino. Samantalang ang TATLUMPO'T ANIM NA COVID TANAGA niya ay napabilang sa e-Book na Kwentong Covid/Kwentong Trabaho na inilimbag ng IOHSAD Philippines Mayo 26, 2021.
Arnold M. Valledor
Si Arnold Matencio Valledor, Punongguro II, OIC, Public Schools District Supervisor ng Bagamanoc South District ng islang Catanduanes, ay nakapaglathala na ng iba’t ibang genre ng akda sa Liwayway Magazine. Napabilang na sa iba’t ibang antolohiya ang kaniyang mga akda gaya ng ANI, Lagda, Kasing-Kasing, Balligi, Lampara, at iba pa.
Page updated
Google Sites
Report abuse