ELIKADURA OSASUNGARRIA. LEHEN HEZKUNTZAKO 5. MAILA

Oso garrantzitsua da txiki-txikitatik elikadura-ohitura osasungarriak barneratzea. Honako jarduera hauek Bilboko Udalak Lehen Hezkuntzan osasuna sustatzeko duen heziketa-programaren parte dira.

HELBURU NAGUSIA

Ikasleen artean elikadura ohitura osasungarriak sustatzea.

HELBURU ZEHATZAK

• Sasoiko frutak identifikatzea eta bereiztea.

• Sasoiko barazkiak identifikatzea eta bereiztea.

• Elikagai naturalen kontsumoa sustatzea, elikagai prozesatuen ordez.

• Hurbileko produktuen kontsumoa sustatzea.

• Ikasleei bertoko produktuak kontsumitzearen garrantzia azaltzea.

EDUKIAK

1. SARRERA

Tokiko eta sasoiko elikagaien gaia definitzea eta azaltzea.

Zergatik kontsumitu behar ditugu tokian tokiko eta sasoian sasoiko janariak?

• Kutsadura gutxiago eta energia-gastu gutxiago eragiteko

• Floraren eta faunaren biodibertsitatea babesteko

• Tokian tokiko produkzioa babesteko.

• Zaporetsuagoak direlako, eta bitamina eta mineral gehiago dituztelako.

2. ZEINTZUK DIRA SASOIKO FRUTAK? (ikusi Eusko Jaurlaritzaren egutegia)

Ikasleei galdetu sasoiko frutak ezagutzen dituzten. Ez badute bat ere ezagutzen, sasoi bakoitzeko bat aipatu, tokian tokikoak azpimarratuz.

3. ZEINTZUK DIRA SASOIKO BARAZKIAK? (ikusi Eusko Jaurlaritzaren egutegia)

Ikasleei galdetu sasoiko barazkiak ezagutzen dituzten. Ez badute bat ere ezagutzen, sasoi bakoitzeko bat aipatu, tokian tokikoak azpimarratuz.

4. PRESTATU ZURE EGUTEGIA

Lau talde osatu, eta bakoitzak urte sasoi bateko barazki eta fruten poster bat marraztuko du, Eusko Jaurlaritzaren sasoiko elikagaien egutegiak erabilita:

• Barazkiak: https://elikaduraosasungarria.elika.eus/wp-content/uploads/sites/12//2018/12/calen-verduras-y-legumbres.pdf

• Frutak: https://elikaduraosasungarria.elika.eus/wp-content/uploads/sites/12//2018/12/calen-frutak.pdf

DENBORA ETA BALIABIDEAK