ELIKADURA OSASUNGARRIA. LEHEN HEZKUNTZAKO 1. MAILA

Oso garrantzitsua da txiki-txikitatik elikadura-ohitura osasuntsuak barneratzea. Ondoren agertzen diren jarduerak Bilboko Udalak lehen hezkuntzan osasuna sustatzeko daukan heziketa-programaren parte dira.

HELBURU NAGUSIA

Ikasleen artean fruta-kontsumoa sustatzea.

HELBURU ZEHATZAK

• Frutak elikagai osasuntsutzat jotzea.

• Fruta mota ezberdinak identifikatzea.

• Ikasleei fruta mozten eta prestatzen irakastea.

EDUKIAK

JARDUERAK

• Sarrera
  Sarrera labur bat egingo da, frutak dietan dauzkan garrantzia eta onurak azaltzeko. Modu berean, snack gazien edo litxarrerien ordez fruta hartzea aproposago dela adieraziko zaie.
  

• Zer fruta ezagutzen dituzue?
  Gelako ikasleak taldeka banatuta, kartoi mehetan gutxienez 10 fruta margoztuko dute, ezagutzen dituzten guztiak identifika ditzatela. Jarduera hau erronka sistema bitartez burutuko dugu, talde-lana eta ikasleen arteko komunikazioa sustatzeko asmoarekin. 15 minuturen ostean, egindako lan denak denon artean ikusiko dira.

• Eskolatik hurbil dagoen fruta-dendaren batera bisita.
  Jardueraren helburua fruta motak ezagutu eta identifikatzea da, eta azken jarduerarako fruta batzuk erostea. Jarduera hau egiteko, auzoko fruta-dendaren baten laguntza behar dugu. Fruta-denda bisitatuko da, ikasleek ezagutzen dituzten frutak ikusi eta identifikatzeko, eta ezagutzen ez dituztenak deskubritzeko. Gainera, bisitaren unean sasoiko frutak zeintzuk diren azalduko da. Taldeka, frutak aztertuko dituzte: ezaugarriak, koloreak, testura, azala, … Talde bakoitzak fruta mota bat aukeratuko du broxeta egiteko.

* Bisitaren alternatibak:

- Eskolako jantokiko frutak erabiltzea.

- Ikasleek frutak gelara ekartzea.

• Fruta-broxeta
  Ikasle talde bakoitzak, eskuak garbitu ostean, aukeratutako fruta garbitu eta moztuko du, irakasleek gainbegiratuta. Gero, fruta atalak eta zotzak banatuko dira, eta ikasle bakoitzak bere fruta-broxeta egingo du, bide batez gelakideekin ondo pasatzeko.
  

• Azken ondorioa
  Gogoeta egingo da ikasgelan, egindako jarduerei buruz eta ikasleen fruta-kontsumoko ohiturei buruz.

DENBORA ETA BALIABIDEAK