8.5. Lurraren egitura: eredu dinamikoa, LITOSFERA

Lurraren barneko materialen tenperaturaren eta dentsitatearen arabera, portaera zurrunak eta portaera plastikoak bereiz daitezke. Portaera horiei erreparatuz, geruza dinamikoetan oinarrituriko beste banaketa bat egin dezakegu:

1. Litosfera:

• Lurrazal ozeanikoa nahiz kontinentala eta mantuaren lehenengo 100 km-ak (batez beste) hartzen ditu.

• Solidoa da eta portaera zurruna du.

• Zati handitan banaturik dago: litosfera-plakak.

2. Mesosfera

• Goi-mantuaren zati batek eta behe-mantu osoak eratzen dute.

• Mesosferako materialak solidoak dira, beraz geruza zurruna dela esan daiteke.

3. Endosfera

• Nukleo osoa hartzen du

• Endosferaren barnealdea solidoa eta zurruna da, kanpoaldea , aldiz, jariakorra , eta material plastikoen portaera du.