8.4.1. Metodo sismikoa

Zer dira uhin sismikoak?

• Uhin sismikoak lurrikara jaso duten Lurraren barruko guneetan sortzen dira.
• Norabide guztietan hedatzen dira, zeharkatzen duten ingurunea zenbat eta zurrunagoa izan hainbat eta azkarrago.Seismo guztiek uhin sismiko primarioak (P), sekundarioak (S) eta gainazalekoak (L, R) sortzen dituzte.
• Uhin sismikoak isladatu eta errefraktatu daitezke beste edozein uhin bezala, material batetik bestera pasatzean.

Lurraren barne-oreka etetean, hau da, lurrikarak gertatzean edo leherketa kontrolatuak egitean, uhin sismikoak sortzen dira. Askatutako energia hori P uhin, S uhin eta L/R uhin gisa hedatzen da.

Harrien ezaugarriak nolakoak, uhinek ere modu bat edo besteko portaera dute eta ez da berdina izaten planetaren zona bat edo besteko sismografoetara iristen den informazioa.

Uhin sismikoen hedapenaren ezaugarriak:

Uhinek jokaera desberdinak agertzen dituzte lurraren zehar hedatzerakoan:

• Hedapen-abiadura ingurunearen zurruntasunarekin zuzenean proportzionala da. Gero eta zurrunagoa izan materiala gero eta abiadura handiagoa.
• Zeharkatzen den materiala homogeneoa denean uhinen hedapen- abiadura ez da aldatzen.
• Uhin sismikoen hedapen abiadura ingurunearen dentsitatearekin batera aldatzen da. Gero eta dentsitate handiagoa gero eta abiadura txikiagoa.
• Uhin sismikoek, material motaz aldatzean norabidea aldatzen dute ( errefrakzioa) eta haien hedapen-abiaduran bapateko aldaketa gertatzen da.

• Beraz abiadura eta norabidean bat-bateko aldaketa badago horrek esan nahi du zeharkatzen den materialetan aldaketa nabarmena dagoela.
• Material ezberdinen azalera muga eten gainazala (eten sismikoa) deituko da eta hedapen abiaduraren grafikoetan agertzen diren aldaketak etenunea deitzen dira

Uhin motak

Lurrikara baten anatomia (Klik egin!)

1.JARDUERA