Morgurúnturinn 2003

Hólshyrnan

Fjöllin austan við fjörðinn okkar, í haustklæðum

Ég heimsótti Hafnarskrifstofuna / Hafnarvog og fékk þar kaffisopa eins og svo oft áður. Þetta er Sigurður Sigurðssson yfirhafnarvörður

Og þetta er Jónas Sumarliðason hafnarvörður

Einn af þeim sem starfs síns vegna hjá Þormóði Ramma, sem heimsækir Hafnarvogina oft, var þar staddur yfir kaffibolla Það er Gunnlaugur St. Vigfússon verkstjóri (Gulli Sínu)

Hjá Olís var mikið að gera að venju, þar hitti ég og náði að "smella á" þá Guðmund Magnússon skipstjóra sem átti þar erindi og Jón Sigurðsson afgreiðslumann hjá Olís.

Hjá SR-Vélaverkstæði lenti ég í veislu, en þar er áratuga hefð fyrir því að þegar menn eiga afmæli og eða hætta þar störfum, þá komi viðkomandi með tertur í tilefni af viðburðinum. En í þetta sinn var Guðjón Ólafsson vélsmiður að flytja sig til í starfi. Vinnufélagar hans eru frekar gamansamir og nefndu marga starfstitla honum til höfuðs sem hann ætlaði til, svo ég treysti mér ekki til að nafna neinn af þeim, en sjálfur var hann alltaf í símanum (honum er síminn mjög kær) svo ég leitaði ekki frekar eftir upplýsingum um hið nýja starf hans, en ég veit að honum mun vegna vel.

Í höfninni var þessi "ljóti" kumbaldi (að mér finnst) Sveinn Rafn SU 50. En hann mun hafa landað hér rækju, sl. Þriðjudag, farið síðan út aftur, en komið inn aftur, sennilega vegna brælu(?)