FRÉTTIR 13.-18.október 2003

13. október, Það er að koma vor aftur, sagði einn af þeim mörgu er ég hitti í morgun í "vorblíðunni" glampandi sólskyn og 10-12 stiga hita. Þarna eru Kári Jónsson og Hörður Harðarson þarna við netastöðina að gera við dragnót. Smelltu á HÉR til að sjá fleiri myndir sem ég tók í yfirferð minni í morgun.

13. október Ég skrapp upp í fjall í sólinni í dag og smellti ma. af, þessari mynd af vinnuvélum að vinnu efst uppi í norðurhlíðinni

14. október Tilraun til að lífga upp á þessa síðu mína. Það er nokkuð síðan ég fór fram á að einhverjir sendu mér smá pistil sem kynnti t.d. vinnufélaga sinn, vin eða einhvern sem hann þekkir vel. Aðeins ein frásögn hefur komið (6-12 okt). Nú langar mig til að bæta um betur og fara fram á einfaldari aðferð; að vinir, vinnufélagar eða ættingjar, sendi mér mynd og upplýsingar um viðkomandi í tilefni af afmælisdegi, 5 ára, 10 ára, 15, 20 ára osfv. eða einfaldlega afmælinu í dag. Fram þarf að koma: Fæðingardagur og ár, atvinna, hvar hann starfar og við hvað. Ekki sakar að nefna maka ef það á við, foreldra, og jafnvel systkini. Allir Siglfirðingar og afkomendur þeirra heima og heiman eru gjaldgengir. Hristið nú upp í viljastyrknum og sendið mér, deginum áður, sama dag eða jafnvel daginn eftir afmælið !

14. október Malbikunarstrákarnir frá Akureyri hafa verið á fullu síðan í morgun og eru enn að malbika bílastæði, ýmsa fleti og holufylla göturnar í bænum. Hlýtt og þurrt veður hefur verið í allan dag og meir að segja sólin lét sjá sig strax er hún náði að skína yfir fjöllin, en hún faldi sig svo á bak við skýin rétt fyrir hádegið.

15. október "Hann setti svip á bæinn" Guðmundur Sigmundsson sjómaður. fæddur 29. júní 1917

15. október Bátahúsið. "Bergararnir" eru byrjaðir að klæða að utan, Bátahúsið við Síldarminjasafnið. Ég tók þar nokkra myndir sem þú sérð ef þú smellir HÉR

15. október Sambýlið Lindargötu 2 Siglufirði. Þangað fór ég seinnipartinn í gær og tók þar myndir. Þetta er starfsliðið sem var á staðnum er ég staldraði þar við; Margrét Eyjólfsdóttir, Rósa Jónsdóttir, Sigurleif Þorsteinsdóttir forstöðuþroskaþjálfari og Valgerður Halldórsdóttir. Myndir af þeim vistmönnum heimilisins sem þarna voru staddir, ásamt myndum sem ég tók af sumum þeirra aftur og fleirum á æfingu í Íþróttasal Siglufjarðar þá sérðu ef þú smellir HÉR

15. október Sambýlið Lindargötu 2 Siglufirði. Þangað fór ég seinnipartinn í gær og tók þar myndir. Þetta er starfsliðið sem var á staðnum er ég staldraði þar við; Margrét Eyjólfsdóttir, Rósa Jónsdóttir, Sigurleif Þorsteinsdóttir forstöðuþroskaþjálfari og Valgerður Halldórsdóttir. Myndir af þeim vistmönnum heimilisins sem þarna voru staddir, ásamt myndum sem ég tók af sumum þeirra aftur og fleirum á æfingu í Íþróttasal Siglufjarðar þá sérðu ef þú smellir HÉR

15. október Trillurnar hafa enn verið að afla þokkalega. Þessi var að koma inn til löndunar um 13:15 í dag.

15. október 13:30 Enn fleiri eftirlegukindur núna frá Siglunesi, félagar Bridge félags Siglufjarðar tóku að sér að smala og koma til byggða. Þeir nutu aðstoðar fljótabænda ásamt hundi þeirra við smölunina, auk þess sem tveir "nesbændur" Hjalti og Stefán komu að málum, en Hjalti á bátakostinn. Þessi litla "trilla" var með 13 rollur innanborðs auk áðurnefndra félaga. -- Fleiri myndir ef þú smellir HÉR

15. október Eldsvoði? Nei þetta er með vilja gert. Þarna eru bæjarkarlarnir að keppast við að þurrka upp holurnar á götum bæjarins, því mikill raki er í loftinu, þó ekki rigni. þarna á Suðurgötunni, eru þeir að hella olíu í holurnar, kveikja í og þurrka síðan endanlega með "Olísgas"eldi, Þetta virkar vel og þeir hafa við malbikunarstrákunum sem svo koma og fylla síðan umræddar holur malbiki.

16. október Bás ehf, - Landssíminn - Rarik - Leggja þarf nýjar lagnir í stað þeirra sem þarna eru fyrir á þessu svæði uppi í miðri Hvanneyrarskálarhlíð, vatnslagnir, rafmagn ofl. En vegna framkvæmda við snjóvarnargarðana þá þurfti að velja þessum lögnum annan farveg. Þarna eru vinnuvélar á vegum Bás ehf að verki, en Bás tók að sér að vinna þetta verk. Ef þú smellir á HÉR koma einnig í ljós myndir af starfsmönnum Símans og Rarik.

17. október "Hann setti svip á bæinn" Sigurður Magnússon múrarameistari, fæddur . janúar 1913

17. október Gufuspírall? Þennan "gufuspíral" var verið að hífa út frá Primex í morgun, en fara þurfti með hann á verkstæði til viðgerðar.

18. október 2003 "Hann setti svip á bæinn" Jóhann Jóhannsson rafvirkjameistari, fæddur 6. október 1902

18. október 2003

28. september 1944 - Látin fara í sjóinn aftur. Mikið magn af síldarúrgangi sem ekki hefur tekist að pressa, er látið renna með skolvatni til sjáfar. Þá safnast fyrir stórar hrannir af úldnum síldaróþverra undir allar bryggjur síldarverksmiðjanna og í fjöruna þar fyrir framan.

Þegar brim kemur skolast svo þetta góðgæti til og frá um allar fjörur og leggur upp af þessu hina megnustu fýlu sem eitrar allt andrúmsloftið í bænum. Auk þess fer þessi síldarúrgangur í höfnina og fyllir smá saman upp við bryggjurnar.

Þetta er hluti af langri grein er Gunnar Jóhannsson (heitinn) skrifaði í Mjölnir árið 1944. Þessi grein er mjög athygliverð í ljósi þeirrar þróunar sem orðið hefur til hins betra, frá þeirri upptalningu er hann fjallar um í grein sinni Aðbúnað verkafólks, sóðaskapar og lélegrar nýtingar á hráefni ofl. viðvíkjandi Síldarverksmiðjum ríkisins. - ALLIR sem í DAG þekkja , til aðbúnaðar á vinnustöðum, og sérstaklega þeir sem vinna og hafa unnið í verksmiðju, ættu að lesa þetta sér til fróðleiks. S.K. Skoðaðu HÉRNA