沙田填海之前，不少村民以農業為生，19世紀初期，村民修築海堤連接小瀝源至當時仍未連陸嘅圓洲角，建成魚塘同農地。 1973年政府興建新道路連繫曾大屋至圓洲角，預備填海工程。兩條路段形成東起小瀝源，西至曾大屋嘅「#小瀝源道」，係沙田早期發展嘅道路，今日已消失。

1974年九巴開辦沙田首條區內線，往返小瀝源及顯田，服務小瀝源道沿途鄉村、於曾大屋取道獅子橋過河，經大埔公路進入大圍村，再經「#水渠道」(今車公廟路) 去田心及顯田。 大家估下呢條已取消路線，到今日演變成邊條現存路線呢？ 

圖中路線係88 (小瀝源 - 顯田)，後來88縮短 (小瀝源 - 沙田墟)，並分拆88A (顯田 - 沙田墟)，88B (大圍 - 火炭村，後來延長至何東樓)

1982年大重組，88A 88B合併成 #88K (顯田 - 何東樓)，即今日顯徑邨及駿景園

同年88取消，改開84K (穗禾苑 - 小瀝源)，兩年後圓洲角至沙田墟一段變成今日嘅 #80K