#4 沙田鐵路 未有建造 ?! (上)

住喺沙田比較耐嘅街坊都會叫東鐵沿線車站做 ‘火車站’，主要係因為東鐵以往由九廣鐵路營運。但係原來最初計劃起地下鐵路嘅時候，沙田爭少少就被納入地鐵嘅版圖內？

60年代香港人口急速膨漲，對交通嘅需求相應上升。於是政府委托顧問公司喺1967年發表香港集體運輸研究，提議興建地鐵。為配合政府計劃發展沙田新市鎮，研究報告除咗建議興建港島綫，觀塘綫，荃灣綫之外，亦包括 ’沙田綫’。‘沙田綫’ 來往禾寮坑至尖沙咀，沙田，大圍，東九龍，紅磡，可謂屯馬綫嘅雛形。但係當中唔少沙田區嘅車站名都相當陌生: 禾寮坑，山下圍，紅梅谷等，喺下圖已一一介紹車站位置。

既然類似屯馬綫嘅計劃早於1967年提出，點解53年後嘅今日，屯馬綫仍然未通車呢？想知點解請密切留意聽日嘅 #變革五十載交通新時代。