#5 村南道、火車路軌

講到大圍火車站嘅歷史，不可不提沙田大興土木嘅年代。以往九廣鐵路由九龍進入新界後，就到達沙田站。考慮到市鎮發展以及區內人口增長，九鐵決定喺沙田站以南興建新車站，因此大圍臨時站1983年落成，位於今日文禮閣及大圍工業區之間，沿成全路而建，同現今大圍站隔河相望。

村南道本來係大圍村嘅南面界線，於1983年前後延伸過河，駁通成全路，方便居民前往臨時站乘搭鐵路。1986年，位於現址嘅大圍永久車站啟用，新站符合電氣化火車標準，城門河對岸嘅臨時站則被拆除。村南道近火車站出口一段改為的士及專線小巴專用，有小巴及邨巴往返鄰近屋苑及屋邨，成為大圍嘅交通樞紐，時至今日依然人來人往。

(拍攝地點: 村南道橋面，面向大圍站)