#4 大埔公路大圍段

唔知大家有冇試過由大圍村行去美林？去到大埔公路過馬路嘅時候總覺得頭頂咁多天橋，好似好昏暗咁。圖中錯縱複雜嘅天橋係幾時起好嘅呢？

90年城門隧道通車，設有一對高架支路連接大圍 (46X上隧道嗰條)，因此多咗條咁高嘅天橋橫過大圍明渠。千禧年代再興建青沙公路，於是喺大埔公路上空完全被覆蓋，加上各條支路，形成今日「天橋圍城」嘅景象。而大埔公路大圍段亦再唔能夠直通大埔道出九龍，同樣需要取道天橋先上到大埔道。將來連接城隧 / 青沙同城門河東岸嘅T4公路，都會喺附近興建，即係會再多一對天橋啦。

(拍攝地點: 大圍黃允畋中學對出)