#3 美林商場雙層天橋

橫跨大圍明渠嘅美林邨，最突出嘅橋樑係連接商場同體育館嘅雙層行人天橋。美林邨同美城苑合共7座，分佈於明渠兩岸，設有數條行人天橋。美林商場同體育館座落喺河道兩岸遙遙對望，以雙層行人天橋連接，方便居民由商場二樓或地面直接往返體育館、美城苑或美槐樓。屋邨採用人車分隔安排，車路位於屋邨外圍，中心形成舒適嘅步行環境，河道兩旁亦成為居民休憩主要地方。

從城門河最上游嘅香粉寮、美田邨，落到美林邨、美城苑，都係沿岸發展嘅社區。短短1公里不到嘅矩離已經有6組天橋，城門河道一衣帶水，雖有河流分隔，但完善嘅設計令居民往返兩岸相當方便。

(拍攝地點: 美林商場外，面向美槐樓)