#8 一水隔天涯 兩線跨世紀

隨著沙田區發展，九巴開辦區內線應付區內通勤及接駁鐵路嘅需求，其中唔少都係接駁九廣鐵路嘅’K線’。

九巴早於1993年開辦84K，來往富安花園及大學火車站，以試辦形式營辦兩個月。由於當時寧泰路一帶尚未發展，84K取道亞公角街，石門迴旋處及大老山公路。1994年，試辦後9個月後此線因客量嚴重不足而取消。下一條來往富安至大學嘅專營巴士線289K喺2001年開辦，以配合寧泰路沿線住宅落成。但係1994年至2001年之間，大水坑是否真係無公共交通來往大學站？

然而有段不為人知嘅歷史。1994年，喺居民爭取下，開辦居民巴士814R線，同樣來往富安及大學。814R只於上下午繁忙時間服務，中途不停站，以豐田24座小巴行走。814R同289K共存咗一段長時間，到不遲於2010年先取消。可惜資料非常有限，連開辦同取消日期都未能肯定，令呢段歷史留低一段空白。