#6 獅子橋 (獅隧公路)

離開大圍明渠後步入城門河畔，經過沙田官立中學外嘅NF42橋，再向前行就到獅子山隧道公路橫過城門河嘅一段，即係獅子橋，今日就講下佢嘅歷史啦。

50年代規劃沙田新市鎮時，當局預計不能單靠大埔道應付往返市區嘅交通需求，於是計劃興建獅子山隧道。獅隧1967年落成，以隧道形式接通顯田嘅後山，再經公路連接曾大屋。後來沙田市中心開始發展，公路向城門河對岸延伸，天橋路段名為獅子橋。自此由九龍去沙田市中心就非常直接。獅子橋係最早期嘅過河行車天橋。沙燕橋同翠榕橋落成前，城門河東岸往返西岸嘅車輛主要行經獅子橋，包括沙田部分早期嘅區內巴士線。後來更多天橋通車，兜落去獅子橋過河嘅走線變得不合時宜，於是喺巴士路線重組中被淘汰。

展望將來，T4公路有望興建，連接城門河東岸至城隧及青沙，亦需要以天橋形式橫過城門河，新橋將會同獅子橋平衡。雖然預計有效紓緩擠塞，但係新路引起部分居民擔心景觀被破壞，亦有指對生態環境有害，T4最終是否動工仍需觀望。

(拍攝地點: 獅子橋上，面向文化博物館)