#8 瀝源橋

從大涌橋順流而下，到達城門河上造型最獨特嘅瀝源橋。瀝源橋以傳統中式設計風格聞名，白色拱形橋身，欄杆有傳統雕刻裝飾。此橋只供行人使用，連接沙角邨及沙田市中心，近沙角一端建有中式涼亭，市中心一端可達沙田公園，環境清幽。相比其他人車共用嘅橋樑，瀝源橋行人空間較闊，行人或放慢腳步，或駐足欣賞城門河風景。氣氛悠閒，除咗係放鬆身心之處，同時有交通作用，沙田圍居民可步行往返市中心，係路面交通以外嘅選擇。大時大節，橋上更掛有慶祝燈飾，吸引遊人拍照留念，添上熱鬧氣氛。

(拍攝地點: 瀝源橋上，面向沙田公園)