80M - 沙田最後一條九龍塘M線取消
結束46年的服務

[80M - 沙田最後一條九龍塘M線取消]

結束46年的服務 集體回憶終消失

4/8起 80M (穗禾苑 - 九龍塘地鐵站) 將會取消。本線自1979年開辦，係沙田新市鎮最早一批開辦嘅老牌路線，見證區內變遷。起初編號係70M，曾以瀝源及禾輋為總站，提供接駁九龍塘地鐵站嘅服務。

九龍塘地鐵站多年以來一直係沙田各區接駁地鐵嘅中轉站，八九十年代全盛時期，沙福道路邊泊滿巴士，乘客大排長龍。不過歷經馬鐵通車及兩鐵合併，加上更多直出市區嘅巴士線開辦，「九龍塘轉地鐵」嘅習慣逐漸被遺忘，成為沙田友嘅集體回憶。80M取消之後，沙田再無巴士線以九龍塘為總站。