路牌字體演變 記錄我城發展

位於大涌橋路南行近第一城，有塊路牌同時有兩款唔同年代嘅字體。上面係舊嘅 “監獄體”，由囚犯人手製作。下面係新嘅 “書法家粗黑體”，係用電腦設計嘅。

70年代沙田開始發展，當時得獅子山隧道一條公路。所以路牌上半部分所指嘅 “九龍”， 就係指引駕駛者直去獅隧方向。當時仲用緊囚犯整嘅路牌，所以上半部分用緊舊字體，同埋望落殘舊啲。90年代起好大老山隧道，連接沙田同東九龍。路牌於是加咗下半部分， 提示車輛可以轉左去大老山隧道出東九龍。同時90年代中開始使用電腦設計路牌，下半部分因此用咗新字體。

路牌嘅變遷見證城市嘅發展，你又覺唔覺得以前嘅手製路牌有獨特嘅港式美學呢？