#1 美林邨

美林邨嘅行人空間係佢最迷人之處。屋邨設計時特意將車路同巴士站安排喺外圍。於是中間形成咗非常寬敞嘅行人專用地帶，加上休憩設施同商場，行人空間成為小社區嘅中心點。踏入廣闊嘅公共空間，氣氛放鬆，居民用單車代步頗為方便。美林邨位處城門河上游，河畔有充足嘅休憩空間，步過小橋就到美林體育館。

雖然被美田路、青沙公路同城門隧道公路 “半包圍” ，而且附近設有不少隔音屏。但正正因為行人空間位於中央，邨內環境不覺侷促。交通唔止係鐵路同巴士，考慮行人感受都係不可或缺。美林邨正正係表表者，難怪80年代落成後屢獲獎項，可謂當年普羅大眾生活改善嘅象徵。