thamizh-translation
1
செல்வமும், தான்ய வளமும்
வண்ண வண்ணமலர்களும்
கொண்ட இந்தப் புவிதனில்
அனைத்திலும் சிறந்த நாடு ஒன்று உண்டு
சூழ்ந்து நிற்கும் நினைவுகளின்
மேலெழும் கனவுகளில் மிளிரும்
இது போன்ற நாடு எங்கு உண்டு ?
நாடுகளுக்கெல்லாம் தலையாய நாடு
நாடுகளின் ராணி
எனது ஜன்ம பூமி
எனது ஜன்ம பூமி
-------------------------------
2
வண்ண நிலவும் , செங்கதிரோனும்
அண்டகோளங்களும், மின்மினித் தாரகைகளும்
ஒளிரும் நாடு இதுதான்
.
விண்ணை முட்டும் மலை முகடுகளில்
தவழ் ந்து திரியும்
கார்முகில் கூட்டங்கள் ஊடே
மின்னல் கீற்றுகள்
ஒளிர்வதும் இங்கேதான்
எனது ஜன்ம பூமி
-
நாடுகளுக்கெல்லாம் தலையாய நாடு
நாடுகளின் ராணி
எனது ஜன்ம பூமி
எனது ஜன்ம பூமி
3
தண்மை நிறை நதிகளும்
வியக்க வைக்கும் மலைகளும்
நீல வானின் விளிம்பில் இணையும்
பசுமை போர்த்த நிலங்களும்
மெல்லிய பூங்காற்றில் அசைந்தாடும்
வயல் வெளிகளும் நிறைந்த
எனது ஜென்ம பூமி
எனது ஜென்ம பூமி
4
அருணோதயப் பொழுதில்
புள்ளினங்களின் ஆனந்த கானம்
எம்மைத் துயில் எழுப்பும்
அந்தி சாயும் வேளையிலும்
வந்து சேர்ந்த மகிழ்ச்சியில்
கலகலக்கும் பறவைகளின் ஓசை
எம்மைத் துயில வைக்கும்
5
பூத்துக் குலுங்கும் சோலை மரச் செடிகளூடே
பாடித் திரியும் பறவைகள் கூட்டம்
ரீங்கார ஓசை இட்டு
பூக்களின் மகரந்தத் தேன் உண்டு
அங்கேயே மயங்கி உறங்கும்
வண்டினக் கூட்டங்கள். நிறை
எனது ஜன்ம பூமி
எனது ஜென்ம பூமி
6
எங்கு சென்றிடினும்,
அன்பைப் பொழியும் சகோதரர்கள்
அன்பே வடிவான இந்த மண்ணின்
அன்னையர் போல
மதலையரைக் கொஞ்சி மகிழும் தாயரை
எங்கு காண முடியும் ?
அன்னையே !
உன் பாதங்களை என்றென்றும்
என் இதயத்தில் ஏற்றுப் போற்றுவேன்.
-மீண்டும் மீண்டும் இதே மடியில் தான்
பிறந்து மறைவேன்