Hildigunnur Valdimarsdóttir

Hildigunnur Valdimarsdóttir (1930-2017) fæddist árið 1930 í Teigi, Vopnafirði, Norður- Múlasýslu. Hún var dóttir Guðfinnu Þorsteinsdóttur, Skáld-Erlu (sjá um hana hér að framan) og systir Guðmundar Þorsteinssonar á Lundi. Hildigunnur ólst upp á miklu menningarheimili. Heimilislífið litaðist af söng, frásögnum um liðna tíð og gömlum ævintýrum. Móðirin, Guðfinna, orti ljóð og söng iðulega vísur fyrir börnin á Teigi. Söngurinn var vinsælt listform í gegnum hennar æsku og söng hún reglulega í guðsþjónustum í sinni sveit. Hildigunnur var einnig skáldmælt. Hildigunnur var og mikill náttúruunnandi, þótti einkar dugmikil í bláberjatínslu og barst sá kvittur víða um sveitir. Á ismus.is má finna ótrúlegt magn af þjóðlegum fróðleik úr fórum Hildigunnar. Hildigunnur lést sumarið 2017. Sagnadansarnir og vikivakaleikir sem Hildigunnur þekkti voru þessir:

a.     Ásukvæði

b.     Ásukvæði (með kurt og pí)

c.     Frísakvæði

d.     Húfukvæði

e.     Komdu til mín fyrsta kvöldið jóla

f.      Konuríki (Það var eina jólanótt/vökunótt)

g.     Kvæði af Ólafi liljurós

h.    Prestkonukvæði