Hleiðólfs karfa' ég hrindi

Fyrirsögn:

Hleiðólfs karfa' ég hrindi

Lagboði:

Týndur. Tillaga að lagboða: Lag við Smalaþulu

Höfundur:

Ókunnur. 

Kvæðagrein:

Vikivakakvæði; Vikivakar; Íslensk þjóðkvæði
Kvæði undir sama bragarhætti:

1. Dæmisaga um leonið, úlfinn og refinn - Upphaf: „Eptirdæmið eina/ eg færi til greina." Eftir Stefán Ólafsson í Vallanesi (f. 1619. d. 1688)

2. Smalaþula - Upphaf: „Vappaðu með mér Vala." Sjá barnagælur, dýravísur, þulur, dansþulur og vikivakakvæði

Heimild/kvæðið á prenti:

1. Hleiðólfs karfa' eg hrindi

í hyrjar þarfa vindi,

mærð ef djarfa myndi

menja starfa lindi.

Gyllings arfa yndi

eftir mælsku rýra,

– þiljan dúks dýra. –

að sinn farfa fyndi

fölnað kvásis blóð.

– Hönd herrans hýra

hefti þér móð.

2. Ýmu andar rísa,

eikin handar ísa;

dýr skal vandast vísa,

vefju banda prísa.

Þjóðir landa lýsa

lofstír þínum skýra,

– þiljan dúks dýra. –

Sófnis sandaflísa

seljan landafróð

– Hönd herrans hýra

hefti þér móð.

3. Silki-þráðar þrúði,

þakta dáða skrúði,

bölið bráða flúði;

boðskap náða trúði,

þraut ef þjáða lúði

þýð fékk liðsemd hýra

– þiljan dúks dýra. –

Bið ég ráða brúði,

blessi mildin góð,

– Hönd herrans hýra

hefti þér móð.

4. Gríðar vindur að vanda

vill hviklyndur standa:

ást um girndar granda

geðs er blinduð í anda.

Móins strindin stranda

stökuna virði rýra,

– þiljan dúks dýra. –

Helsið bindur banda

Báleygs öldu gjóð.

– Hönd herrans hýra

hefti þér móð.