Inpromtu

1. Lactantius syngur ljóta psálma

– Leggjum land undir fót –

þá réð hann oft í myrkri mjálma.

– Á Danamót

og dans vill hún heyra.

2. Lactanius átti son,

– Leggjum land undir fót –

ítar kalla drenginn Jón.

– Á Danamót

og dans vill hún heyra.

3. Tvævetur söng hann fyrsta psálm

– Leggjum land undir fót –

öllum þótti það eymda mjálm.

– Á Danamót

og dans vill hún heyra.

4. Þrevetur söng hann annan

– Leggjum land undir fót –

hló þá hver einn manna.

– Á Danamót

og dans vill hún heyra.

5. Fjegra vetra svo hann gól

– Leggjum land undir fót –

að allar kýrnar uku baul.

– Á Danamót

og dans vill hún heyra.

6. Fimm vetra svo hann hrín

– Leggjum land undir fót –

að undir tóku öll svín.

– Á Danamót

og dans vill hún heyra.

7. Svo hann vex upp árin löng

– Leggjum land undir fót –

alla trylldi' hann með sínum söng.

– Á Danamót

og dans vill hún heyra.

8. Þar kom riddari ríðandi í tún,

– Leggjum land undir fót –

spjót hafði hann langt og síða brún.

– Á Danamót

og dans vill hún heyra.

9. Það hefi ég sannfrétt Jón,

– Leggjum land undir fót –

að þú biðlir til Magdelónu.

– Á Danamót

og dans vill hún heyra.

10. Hennar skaltu aldrei fá

– Leggjum land undir fót –

nema þú vogir við mig að slá.

– Á Danamót

og dans vill hún heyra.

11. Hennar skaltu aldrei njóta

– Leggjum land undir fót –

nema þú við mig lensu brjótir.

– Á Danamót

og dans vill hún heyra.

12. Svarar herra Jón og hátt við hlær

– Leggjum land undir fót –

mæta vil eg þér riddari kær.

– Á Danamót

og dans vill hún heyra.

13. Mæti ég þér með skjöld og spjót

– Leggjum land undir fót –

fyrr en ég missi þá fögru snót.

– Á Danamót

og dans vill hún heyra.

14. Þeir riddarar ríða sig undir ey

– Leggjum land undir fót –

berjast þeir vildu um fagra mey.

– Á Danamót

og dans vill hún heyra.

15. Hinn aðkomni riddari reiddi sverð

– Leggjum land undir fót –

..........................

– Á Danamót

og dans vill hún heyra.

16. Hóf þá Jón upp helgan söng,

– Leggjum land undir fót –

öll hans titruðu kverkagöng.

– Á Danamót

og dans vill hún heyra.

17. Titraði hann og titraði jór

– Leggjum land undir fót –

skalf hans spjótið og skjóminn sljór

– Á Danamót

og dans vill hún heyra.

18. Svo var söngurinn ámátligur

– Leggjum land undir fót –

að jór hins aðkomna fældist viður

– Á Danamót

og dans vill hún heyra.

19. Svo hann fældist á fljótri ferð

– Leggjum land undir fót –

að riddarinn féll og braut sitt sverð

– Á Danamót

og dans vill hún heyra.

20. Herra Jón ríður til unnustu sín

– Leggjum land undir fót –

þig hef ég unnið með söngnum mín!

– Á Danamót

og dans vill hún heyra.

21. Brúðkaup þau héldu með gleði og gamni

– Leggjum land undir fót –

söng þá herra Jón svo bergmálar í hamri

– Á Danamót

og dans vill hún heyra.

22. Vendi ég mínu kvæði í kross

– Leggjum land undir fót –

sankti guðs móðir sitji hjá oss.

– Á Danamót

og dans vill hún heyra.