پەیڤێت ب اڤ

اڤ ل پاشیا پەیڤێ

هەر دوو پیت (اڤ) ل پاشیا پەیڤێ دزمانێ کوردیدا

پیتێت ب اڤ

پەیڤ واتە ورامان

پیتا (ڤ) دپەیڤێت سێ پیتدا یا رەسەنە یا ب پەیڤێ ڤە گریدایە نەیا لێکدایە. هەر وەسا پیتا (ڤ) ل پاشیا پەیڤێت چارپیت ژی یا رەسەنە یا خۆجهە. بەلێ پەیڤێت پێنج پیت ووێڤە گەلەک ژوان یێ دهاتن لێکدانا ژدوو پەیڤان یا سەرەکی دگەل پەیڤا (ئاڤ) ودزۆربەی وان پەیڤێت لێکدای پیتا(ا) یا هاتیە ژێبرن ژبەر سڤکیێ دئاخڤتنێدا وئەڤێ ژی هەر یا کێشای سەر نڤێسینێ ڤە. ل ژێری ئەو جۆرە پەیڤن دگەل واتا وان ئەوێت دویماهیا وان ئەڤ هەر دوو پیتە بن (اڤ).

ئاگەهداری: یێ ل ژیری هژمارا ڤان پەیڤان یێ دگەهشتن حەشتیان ووێڤە ودویماهیا وان ئەڤ دوو پیتەنە (اڤ) پەیڤ چ سێ پیت یا شەش پیتبن خڕ ب ڤێ نڤێسینێ دهێت ئەرێ بو چی ژوان هەمیان بتنێ پەیڤا (ماڤ) خەلکەک پێ دپەیڤیت ودنڤێسیت(ماف) هەرێ ئەڤ پەیڤە یا جێوازە ژڤان هەمیان یان نمونەکا سەربخۆیە؟! دڤێت لێ زڤرین بهێتە کرن سەبارەتێ وێ. کێ دشێت پەیڤەکا دی بتنێ بینیت دزمانێ کوردیدا کو دویماهی (اف) بیت بەس ب ڤی مەرجی نە یا وەرگرتی بیت ژزمانەکێ بیانی یا کوردی بیت دکەڤندا ئانکو .یا رەسن وپەتی ورەوان بیت. ب راستی من هندی لێ گەریا من چ نەدیتن ب ڤی رەنگی.

پەیڤ وهەڤواتە ورامان

باڤ: باب: مروڤێ مەزن

بالاڤ: جلک شویشتن: پاقژی

بزاڤ: لڤینا ب هێز وشیان: کزاڤ: هەوڵدان، خەبات

بناڤ: ب ناڤی ڤی (کەسی ...)

بنداڤ: سەرداب: ئودێت ژێری

بێگاڤ: گاڤکورت: نەچار

بەراڤ: بەرێ ئاڤێ: بەرهسین

بەرچاڤ: بینیاری: دیار: ئاشکرا

بەزاڤ: بەزئاڤ

بەلاڤ: دیارکرن وبەرچاڤکرن

بەنداڤ: سکرێت مەزن: ئاڤ بەندکرن

پاڤ: هاڤێتن: پاڤێژە

پیاڤ: لێ چونا پیان: بەرفرەهی

پێلاڤ: پێچانا پیان: قوندەرە: تەرەگە

پێنگاڤ: گاڤدان: پێشڤەچون: گاڤێت پیان

پەراڤ: پەر ئاڤ: رەخێ ئاڤێ

پەلاڤ: برنج

پەلاڤ: جۆرەکێ زادێ خارنێ یە

پەنگاڤ: ئاڤا پەنگی: دۆل: ئاڤا راوستیای

تاراڤ: دەستنڤێژ گرتن: خۆپاقژکرن

تاڤ: حەتاڤ: گەرماتی

تویراڤ: تيرك: کاتە: چق: تاک

تیتاڤ: جۆرەکێ کەوانە یێ کوری درێژە

تیخاڤ: سەرتیکێ تەنک

تیژاڤ: زرک: تیزاب

تەنگاڤ: گاڤ تەنگی: دەمێت قورس

جهناڤ: جهێ ناڤی: جهگرێ ناڤی

چارگاڤ: رێڤەچونا دەواران

چاڤ: پارچێ لەشی یێ دیتنێ

چراڤ: ئاڤپەنگین: گۆل

چیچاڤ: شۆربا دانەقوتێ یە یان گارسی

حەتاڤ: تێنا روژێ: گەرما تاڤێ

خاڤ: سست: ڤڵ: پلخ

خوشاڤ: خشاڤ: خوش ئاڤ: شەربەت

خوناڤ: خوێ ئاڤ: ئاڤا وەکی خوێ

داڤ: تەپک: دیس: خەفک

دراڤ: پارە: خەرجی

دوشاڤ: دوبە: ئاڤا هاتیە دوتن

دەراڤ: دەر ئاڤ: ئاڤگرتن: دەرێ ئاڤێ

دەستاڤ: دەست شویشتن: ئاڤ ل دەستاکرن

دەلاڤ: ئاخویر: گوڤ: جهێ گیانەوەران

راڤ: نێچیر: گرتنا تەیر وئاژەلان

زاڤ: زاڤا: مێرێ کچێ

زراڤ: مسری: تەنک

زێلاڤ : لیلاڤ: تەڕ:شل

زەراڤ: پارچێ لەشی یێ ب مێلاکێ ڤە

زەرداڤ: زەراڤ: ئاڤا زەرد

ژاراڤ: لاو هاتە شویشتن وپاقژکرن

ساڤ: ساڤا: بچیکێ پێدڤیێ چاڤدانێ

سلاڤ: شاندنا پەیڤێت باش

سۆراڤ: رەنگەکێ جوانکەریێ: ئاڤا سۆر

سیتاڤ: سیتاڤک: سیبەر: سیوان: سیهـ

سەراڤ: سەرێ ئاڤێ: پێلێت دەستپێکێ

سەرداڤ: سەدراب: سار ئاڤ

شوقاڤ: تەقنە شێل 

شێلاڤ: پیس ئاڤ: ئاڤا پیس: ئاڤا قرێژی

عەداڤ: کێم: ئاڤا پیس دناڤ لەشیدا

قەنداڤ: ئاڤا گەرم ب شەکرێ: جهێ چایێ

کزاڤ: بزاڤ: هەوڵدان، خەبات 

کولاڤ: کوم: پێچانا سەری

کەنداڤ: دەربەندێت تەنگ

گاڤ: پێ پێ: رێڤەچون

گراڤ: شویندانان: تشتەک پێشڤە دان

گۆلاڤ: گۆل:  ئاڤپەنگین

گۆلاڤ: ئاڤا گولان: بێهن خوشی

گەرماڤ: ئاڤا گەرم: گەرمە ئاڤ

لاڤ: داخاز: خاستن

لغاڤ: لخاڤ: زنجیرە سەر دەڤێ دەواری

لولاڤ: لویلی ئاڤ: ئاڤا وەک بلویلکا

لێلاڤ: بارینا به‌فر وبارانا: جۆرەکێ گیایە

ماڤ: حەق:  بو چی ماف؟

مەلاڤ: ئاڤا بێ ترس: مەلەڤان: زیرەک

مەیاڤ: مەند: راوستیای

نازناڤ: ناڤێ خوشەویستی

ناسناڤ: ناڤ ودەنگ

ناڤ: ناو: نام: مروڤ پێ تێ ناسین

نخاڤ: نخاڤتن: نیهاندن: ڤەشارتن

نۆقاڤ: خۆ نقوکرنا دئاڤێدا

هشاڤ: ئالوز: شێلان

هناڤ: پارچێت لەشی دناڤ زکیدا

هنداڤ: ل سەر: دسەرا: سلال

ئاتاڤ: تارێت: ئازار: دەرد

ئارخاڤ: ئارخاڤک: ئارێ دروینیدا 

ئاڤ: رونیا ڤەخارنێ

٢٠٢١ – دهوک – ئەحمەد عەلی حەسەن

ئەڤ بابەتە یێ هاتیە بەلاڤکرن دمالپەرێ مندا (زمان ورێزمان)