Hrannar sunna spök spöng

Hrannar sunna spök spöng

spila vil eg þér söng

ef styttast mætti stund löng

stefa vef ég klíð.

Siðug, fríð

seims hlíð

sjávar eisu hrundin,

gulls grundin,

frómleg, sett,

sómanett

semur gaman frítt og rétt,

firrist prett

og falsið þétt,

forðast stirðan lastablett.

Falleg þú

falda brú

finnst ei líkinn þinn.

Liljan svinn,

ljós á kinn

lífgar geð og huga minn.

Kætir vitur

sæta er situr

sjónarsteinum fyrir nú.

Elskar frið

og sómasið

situr jafnan góðsemd við.

Hringþöll rjóð

hýr og góð

hrindir móð úr lyndisslóð,

viskusjóð

ber fríðan fróð,

flestir kostum unna,

sem kunna.

Dægilig

dirfir mig

drósin ljósa að kveða um þig.

Máls um stig

hér ryðst á rig

ræðusmíð til handa

eik banda,

að vanda.

Mærð kveðanda

má svo standa

mér að blanda Sónar vín.

Gengur smátt

galið hátt;

geymi' ég Sónar breytum þátt.

Hadda gná

hýr á brá,

heyrðu orðin mín.

Þig að ná

sæla að sjá

sú hér má

reiknast há

gæða gjöfin fín.

Ég skal þá

eftir á

ójá,

öll nær hrelling dvín

ála sólar ærudýrust,

skærust, skýrust

niptin bjarta, njóta þín.

________________________

Útg. Guðmundar Kolbeinssonar frá Hlíð í Grafningi

Hrannar sunna spök spöng

spila vil eg þér söng

ef styttast mætti stund löng

stefa vefa klíð.

Siðug, fríð

seims hlíð

sú var eisu hrundin,

gulls grundin,

frómleik, sett,

sómanett

semur gaman frítt og rétt,

firrist prett

falsið þétt,

forðast stirðan lastablett.

Hringþöll rjóð

hýr og góð

hrindir móð 

úr yndis slóð,

viskusjóð 

ber fagurt fljóð.

Þræðist mér til handa

að banda

að vanda.

Mær kveðanda

má ei standa

mér að blanda

Sónar þátt.

Gengur smátt

galið þrátt;

gleymir kvæða breyttum hátt.

Falleg þú,

falda brú

finnst ei líki þinn.

Liljan svinn,

ljós á kinn

lífar geð og hugann minn.

Kætinn vekur

sæta er situr

sjónarsteinum fyrr en nú.

Iðkað frið

sóma sið,

situr jafnan góðsemd við.

Hadda gná

hýr á brá

heyrðu orðin mín.

Ójá,

ég skal fá

eftir fá

í sæl að sjá

öll þá hrelling dvín.

álar sólar æru stýrust

skærust skýrust

niftin banda njóta þín.

________________________

Útg. Sigurlínu Gísladóttur frá Ási í Skagafirði, fædd í Glæsibæ

Hrannar sunna spök spöng

spila vil eg þér söng

ef styttast mætti stund löng

stefja vefja klíð.

Siðug, fríð

seims hlíð

sjávar eisu hrundin,

gulls grundin.

________________________

Útg. Þorgeirs Magnússonar

Hrannar sunnu spök spöng

spila vil eg þér söng

stytta mætti stund löng

stefja vefja klíð.

Siðug, hlíð

söngs hlíð

sjávar eisu hrundin,

gulls grundin,

frómleik, sett,

sómanett

sem er gaman frítt og sett,

forðum sett

falsið nett,

forðum sinnum lastasprett.

Hringagná

hýr á brá

heyr þú orðin mín

þér að ná

í sæl að sjá

sé þér á

ó, já

öll þá hrelling dvín.

Ævi sólin skærust skín

miskunn þetta njóti sín.