Brúðkaupskvæði II – Kvæði fyrir velkomanda minni

Fyrirsögn:

Brúðkaupskvæði II – Kvæði fyrir velkomanda minni

Lagboði:

Íslenskt þjóðlag

Höfundur:

Eggert Ólafsson (f. 1726. d. 1768)

Kvæðagrein:

Brúðkaupskvæði
Kvæði undir sama bragarhætti:

1. Ég hef svo margan morgun vaknað - Upphaf: „Ég hef svo margan morgun vaknað." Eftir Pál Ólafsson (f. 1827. d. 1905). Sjá drykkjuvísur

Heimild/kvæðið á prenti:

Eggert Ólafsson 1832, bls. 181–182.

Sjá einnig Brúðkaupssiðabók hans.

1. Hrygðin á burt, en gleði' og gaman,

sem guði' og mönnum þekkast er,

komi til vor, er sitjum saman,

samhuga tali' og drekki hverr!

:: Því slíkum smyrslum mega menn

mýkja veraldar andstreymin. ::

2. Hvort sem vér etum, eða drekkum,

eða hvað sem vér höfumst að,

hófsemin skal með skamti þekkum

skilníngarvitum marka stað;

:: óhófið beikan einatt gat

allrasætastan verkað mat. ::

3. Sorg úr ofdrykkju gjörir gleði

gárúngaskap og þvíumlíkt;

auk þess er sóminn víst í veði;

vér skulum ekki gjöra slíkt;

:: þiggjum framborið vín og vist,

veri skynsamlig holdsins lyst! ::

4. Velkomnir gestir, verið inni!

velkomnir allir góðir menn,

þeir híngað komu' í þessu sinni!

þess biðr yður húsbóndinn,

:: að velkomanda virðið mál,

velkomnir drekkið þessa skál. ::

5. Velkominn þú sem kemur hingað,

kærustu' að sækja festar-mey!

náttúran hefir þarum þíngað,

þetta hlutskipti bregðst þér ei!

:: hrundin þín bíðr hýr ákinn,

hún óskar þú sért velkominn. ::

6. Brátt líður nótt og birtist dagr,

bíð til þess rennr morgun-sól;

búskapar er þá búinn hagr,

brúðkaups til boðnum efnuð jól;

:: gef oss, drottin! það gángið í vil

gef þar blessaðr lukku til! ::

Velkomnir gestir verið inni o. s. frv. segir siðamaðr svarandi saungvurum, sem hin erindin súngið hafa. (Saung-kórar eru tveir viðhafðir, annar af rosknum mönnum, hinn af úngmennum, og sýngja þeir s[t]undum sér og svara hvörjir öðrum, stundum til samans; hljóðfæri eru og viðhöfð ef til eru; á þessu kvæði er jafnan niðrlagið tvítekið.