Ástríður Thorarensen

Ástríður Thorarensen (1895-1985) var fædd að Þúfu í Vestur-Landeyjum í ágúst 1895. Kornung missti hún báða foreldra sína og var hún send í fóstur að Breiðabólsstað í Fljótshlíð til Séra Eggerts Pálssonar og Guðrúnar Hermannsdóttur, eiginkonu hans, og reyndust þau Ástríði vel. Eggert og Guðrún áttu dóttur, Ingunni að nafni, og var hún og Ástríður jafnaldra. Myndaðist mikill vinskapur á milli þeirra „systra" og hélst sú vinátta ævilangt. Þær Ingunn voru afar minnugar og lærðu þær heilu kvæðabálka þjóðskáldanna, eins og segir í minningagrein um Ástríði:  „Þær drukku í sig þjóðsögur og ævintýri og gamansögur, sem aftur urðu eins og móðurmjólkin fyrir okkur í næstu kynslóðinni, sem þær fóstruðu upp." Ástríður lést síðsumars árið 1985. Sagnadansarnir sem Ástríður þekkti voru þessir:

a.     Draumkvæði (Stjúpmóðurkvæði)

b.     Prestkonukvæði

c.     Vallarakvæði systrabana