1426.``Pag-iisang dibdib ninyo’y

Gagawin sa linggong ito

Ganito ang pasiya’t ko’t

Nang matapos na ang gulo.’’

1427.``Samantalang naghihintay

Ako sana’y pagtapatan,

Ang pinutol na hinakdal

May malaking kahulugan.’’

1428.``Isang bagay na dapat kong

Liwanagin kung totoo,

Akong haring ama ninyo

Sa masama ay ayoko.’’

1429.``Anak ko man ay suwail

Ang marapat ay itakwil,

Kasamaang pausbungin

Sa bayan ay pagtataksil.’’

1430.``Tunay nga po,Haring mahal.’’

Kay Leonorang katungunan,

``ngunit ako’y pairugan

Pagkaraos na ng kasal.’’

1431.Anupa nga’t naayos din

Ang sa pusong suliranin,

Kasiyahang nangulilim,

Nagpatuloy nang magningning.’’

1432.Sa palasyo’y anong saya

Lahat doon ay masigla,

Tiwala ang Hari’t Reynang

Ang ulap ay naparam na.

1433.Hindi nila nababatid

Na sa nayo’y may ligalig,

Ito’y apoy na sasapit

Sa palasyong nagtatalik.’’

1434.Natalos ni Donya Maria

Sa tulong ng dunong niya:

Ang Prinsipeng kanyang sinta

Nakalimot ng talaga.

1435.Ang pangakong babalikan

Nang araw ding magpaalam,

Inabot ng tatlong araw

Pangako’y bulang natanaw.

1436.Natalos ding sa palasyo

Kasayahan ay nagulo,

Nang maayos namin ito’y

May pakasal na sa lingo.

1437.Ikakasal ay di iba’t

Si Don Jua’t at si Leonora,

Ang higanti ay handa na’t

Gagawin ni Donya Maria.