1007. Noon naman ay ginising na
ang haring kanilang ama,
nang dumungaw ay nakita
ang prinsipeng naiiba.
1008. Pagkakita kay Don Juan
ang haring Salermong mahal,
tinatanong na ang pangalan
sadya’t lupang pinagmulan.
1009. Buong galang na tumugon
ang prinsipeng tinatanong,
“bati ko po’y magandang hapon
sa hari kong panginoon.”
1010. bating ito’y sinuklian
ng haring makapangyarihan:
“salamat na walang hanggan
magandang hapon din naman.”
1011. Sa naputol na salita
ng prinsipengnapahang,
idinugtong ay lalo ngang
sa hari ay talinhaga.
1012. “O, monarkang sakdal buti
ako po’y isang prinsipe
ng berbanyang nagkandili,
Kaharian ding malaki.”
1013. “Ngalan ko po ay Don Juan busong anak ng magulang,
sa berbanya’y minamahal
lungkot nila ang mawalay.”
1014. “Bayan ninyo ay nasapit
sa atas po ng pag-ibig
pusong lumagi sa hapis
ang hanap ay isang langit.”
1015. “sa panagimpa’y natalos
naririto ang alingdog,
talang walang paglubog
ito’y anak mo pong irog.”
1016. “kaya kung magiging dapat haring sakdal na ng taas,
ang ang berbanya ay ilangkap samkoronang iyonghawak.”
1017. “kung gayon” anang monarka, “sa palasyo ay manhik ka
at dito pag-usapan ta
ang layon mong mahalaga.”
1018. ipinakli ni Don Juan:
“iyan po’y di pasasaan,
ang hintay ko’y pag-utusan
ng aking makakayanan.”
1019. hari sa gayon pahayag
ang utusan ay tinawag,
sa salitang mabayad
nayari ang ganyang atas:
1020. “Ngayon din ay kumuha ka
ng trigong kaaani pa,
ang sansalop ay sapat na’t
dito’y dalhin kapagdaka.”
1021. Nang naroon naang trigo
sabing hari’y ganito:
“Don Juan, pakinggan mo
ang ngayo’y iuutos ko.”
1022. “Trigong ito’y iyong dalhin
pag-ingatan mong magaling huwagmawalan,ni sambutil atpakinggan ang gagawin.”
1023. “iyong bundok na mataas tibangin mo’tnang mapatag,
diyan mo nga ikakalat
itong trigong aking hawak.”
1024. “ngayon ito itatanim
gabing ito’y patubuin,
gabing ito’y pamungahi’t
gabing ito’y aanhin.”
1025 “sagabi ring ito naman
ay gagawin mong tinapay,
sa hapag ko’ymagigisnang
pagkain ko sa agahan.”
1025. triggong binigay nitong
hari’y dinala nang walang ngimi
gayon pama’y nililimi,
ang hiwagang di mawari.”
1027. hangaang sa siya’y dumatal
Sa bantay-pinong bahay
Sa kanyang tinatahana’y
Iyon din ang gunamgunam.
1028. bagaman nga may habilin
Ang prinsesang kanyang giliw’
Kalooba’y hilahil din
Sa bigat nitong gagawin .
1029. Tamalay ng kanyang katawan
ay napuna ng danatnan,
kaya’t lakas ng katawan
siya’y lihim na inuyam.
1030. Sa umpukan ay kasama
ang kalihim ng monarka,
naroon don't nagtatawa
mga kasangguni niya.
1031. Pasaring ng kalahatan,
"Ano baga't naisipang
pumarito itong hunghang
hinanap ang kamatayan? "
1032. Noo'y mag-iikaanim
unang oras ng pagdilim,
latag na ang takipsilim
ang gabi ay dumarating.
1033. Kaharian ma'y tahimik
si Donya Maria'y ligalig,
walang laman yaong isip
kundi ang prinsipeng ibig.