443.Itong bundok ng Armenya’y

Isang pook na maganda

Naliligid ng lahat

Tanawing kaaya-aya.

445.tumutubong punungkahoy

Matataba’t  mayamungmong,

Mga bungang mapupupol

Pagkain ng nagugutom.

445.pagbubukang-liwayway na

Mga ibon ay may kanta,

Maghapunang masasaya’t

Dumapo sa mga sanga.

446.At kung hapon,sa damuhan

Lalo’t hindi umuulan

Mga maya, pugo’t kalaw

May pandanggo at kumintang.

447.Sa taas ng papawirin,

Mga limbas, uwak, lawi’y

Makikitang walang maliw

Sa pagitan ng paggiliw.

448.Sa batisan yaong tubig

Pakinggan mo’t umaawit

Suso’t batong magkakapit

May suyuang matatamis.

449.simoy namang malalanghap

May pabangong pagkasarap,

Langhapin mo’t may pagliyag

Ng sampaga at milegwas.

450.Munting bagay na makikita

Isang buhay at pagsinta,

Iyong kunin at wala kang

Maririnig na pagmura.

451.doo’y payapa ang buhay

Malayo ka sa ligamgam

Sa tuwina’y kaulayaw

Ang magandang kalikasan

452.matutulog ka sa gabi

Na langit ang nag-iiwi

Sa magdamag ay katabi

Ang simoy na may pagkasi.

453.magigising sa umaga,

Katawan mo ay masigla,

Ang araw na walang dusa.

454.Sa Armenya nga tumahan

Ang prinsipeng si don juan,

Upang doon pagssisihan

Ang nagawang pagkukulang.

455.Minarapat na nga niya

ang lumayo’t di pakita,

sa hangad na ang maysala’y

mailigtas sa parusa.

456.nagkita na’t nagkaharap

Ang hanap at humahanap,

Si Don Diego nang mangusap

Hiya’t takot ang nahayag.

457.Namagitan kapagdaka

Si Don pedro sa dalawa,

Si Don Diego ‘y nayaya nang

Magpanayam na mag-isa.

458.``ikaw sana’y huwag ganyan ,

Ang loob mo ay lakasan,

Ang takot at kahihiya’y

Ipaglihim kay Don juan.”

459.``May lunas na magagawa

Kung payag ka sa pithaya,

Sa akin ipagtiwala

Ang anumang iyong nasa.”

460.``Kung ibig mo ay huwag nang

Balikan ang ating ama,

Pabayaan ang berbanya’t  

Ditto na tayo tumira.”

461.``Sumama na kay Don Juan

Tayong tatlo ay mag pinsan,

Tumuklas ng kapalaran

Sa iba nang kaharian.”