934.Sa paligid nDDa sambuwan

Walang hinto sandali man,

Kasukat ng baong taglay

Ng tatlong daang duran.

935.Dalang  baon ay ubos na

Nakarating naman sila sa banyo ni Donya Mariang

Tubig at kaaya aya.

936.Doon nang  sila ay lumapag

Takipsilim na ang oras.

Ang agila’y buong liyag

Kay Don Jua’y nagpahayag.

937.``O,Prinsipeng minamahal

Ditto na kita iiwan

Mangubli sa halamana’t

Nang hindi ka mamalayan.’’

938.``Asahang sa ikaapat

Ng madaling-araw na oras,

Dito’y darating na tiyak

Ang prinsipeng iyong hanap.’’

939.``Sila’y tatlong magkakapatid

Sakdal naman ng dirikit.

Ang una’t nakahihigit

Si Donya Mariang mabait.’’

940.``Paririto’t maliligo

Ugali ng katutubo.

Upang hindi ka mabigo

Mag ingat sap ag tatago.’’

941.``Di mo baga napupuna

Sa paliguan nga nila

May silid na kani-kanya’t

Hindi sila nagsasama.’’

942.``Silang tatlo’y nakagayak

Kalapating binusilak,

Diyan sa puno ng peras

Ay darapong buong gilas.’’

943.``Sa iyo ako’y paalam

Ang loob mo’y tibayan,

Ang bilin ko sanay tandaan

Nang matiyak ang tagumapay.’’

944.Napag-isa ang prinsipe,

Nagulo ang dilidli,

Gayon pa ma’y pinagbuti

Ang ginawang pangungubli.

945.Loob niyang naguluhan

Pinilit na mapahusay,

Binuo sa gunamgunam

Sa magdamag ay maghintay

946.Ikaapat ay tinugtog

Hindi siya natutulog,

Mga matay nanunubok

Sa bahagyang may kaluskos.

947.Sa gitna ng pananabik

Nang sumisikdong dibdib,

Natanaw na yaong langit

Na laon ng panaginip.

948.Sa laki ng kagalakan

Di na siya napalagay,

Ang dawag na nakahalang

Hinahawi ng pananaw.

949.Napatunayang ang lahat

Na sa agilang pahayag,

Sa kay Donya Mariang dilag

Sino ang di mabibihag?