257.Nang makitang gulapay na't

halos hindi humihinga,

hawla't ibon ay kinukuha't

ngasiuwi sa Berbanya.

258. Sa palasyo nang dumating

ang magkapatid na taksil

sa ama'y agad nagturing :

"Ang Adarna'y dala namin!"

259. Amang malubha ang lagay

nangiti sa napakinggan;

mga anak ay hinangka't

katawa'y gumaan-gaan.

260. Ngunit nang kanyang mapuna

si Don Jua'y di kasama

nag-usisa sa dalawa

Sagot nito'y ewan nila.

261. Naghimutok na ang hari

katuwaan ay napawi,

ibigin ma'y di mangiti't

tila ibig nang mamatay:

262. Ang kangina'y kagaanan

sa laon nang karamdaman,

ngayo'y isang kabigata't

tila ibig nang mamatay.

263. Bakit ang ibong Adarnang

sinasabing anong ganda,

ngayo'y ayaw nang kumanta,

nanlulugo't pumapangit pa?

264. At sa Haring pananabik

na ang ibon ay umawit,

hayok na sa di pag-idlip

pinapatay pa ng inip.

265. "Ito baga ang Adarna?"

naitanong sa dalawa,

"kung ito nga'y ano baga't

pagkapangit pala niya!"

266. "Sinasabi ng mediko

na ito raw ibong ito

ay may pitong balahibong

pawanglikha ng engkanto."