Ætla ég réttan óðarfund

Viðlag: Ágæt auðar tróðan

allar listir kann.

Gullhringinn góðan

geymir sú ann.

1. Ætla' eg réttan óðarfund

upp að vekja' í samri stund,

séð hefi' eg ei þann seimalund,

sem sætan þessi ann.

Gullhringinn góðan

geymir sú ann.

2. Samið klæðið af silki er,

sérlegana vel það fer;

skilda húfu' á höfði ber,

sú hárið flétta kann.

Gullhringinn góðan

geymir sú ann.

3. Af laufaprjónunum ótal er

utan um höfuðið nælt á þér,

kopar líka kræktur er,

sú kross og festi ann.

Gullhringinn góðan

geymir sú ann.

4. Sauminn allan sætan kann,

á sunnudaginn lærði' hún hann,

tefla skák og máta mann,

mentað hefir sú þann.

Gullhringinn góðan

geymir sú ann.

5. Sveina hefir sú ferna fimm,

fylgja þeir henni út og inn;

burðugur er sá blóminn þinn,

bærast hvergi kann.

Gullhringinn góðan

geymir sú ann.

6. Eingelskir með ærna þrá,

af henni mega þeir varla sjá,

flytja þeir hana fram á sjá,

fiska djúpan rann.

Gullhringinn góðan

geymir sú ann.

7. Silfurlindann sætan á,

síður er hann, sem líta má,

átján spennur eg á honum sá,

en eina vantar hann.

Gullhringinn góðan

geymir sú ann.