Jón Bjarnason

(Til baka í íslensku skáldin og þjóðlögin)

Jón Bjarnason (f. um 1560. d. 1633) var afkastamikið skáld í sinni tíð og prestur, fyrst á Helgastöðum í Reykjadal en síðan að Presthólum í Öxarfirði. Hann á margar rímur og kenniljóð/spekiljóð sem varðveittar eru í Vísnabók Guðbrands Þorlákssonar frá 1612. Hann er talinn vera annar meginhöfundur Vísnabókarinnar á eftir síra Einari Sigurðssyni í Heydölum (f. 1539. d. 1626). Jón var mjög hrifinn af heilræðum og þýddi hann til að mynda lærdómsbókina Distica Catonis (Hugvinnsmál), sneri þeim yfir í rímur og gaf út á Hólum í kringum árið 1620.

Kvæði eftir Jón Bjarnason:

1. Heilræðavísur út af fjórum mannkostum - Upphaf: „Fjórar frægar stýra/ frómleik, veg og sóma." Í Vísnabók Guðbrands frá 1612.