Sólheimasandur

Fyrirsögn:

Sólheimasandur 

Lagboði:

Þú bláfjalla geimur. Ss. I, 143.

Höfundur:

Grímur Thomsen (f. 1820.d. 1896)

Kvæðagrein:

Kvæði undir sama bragarhætti:

Heimild/kvæðið á prenti:

1. Svo ríddu þá með mér á Sólheimasand.

Sjávar þar aldrei þagnar kliður,

en Jökulsá spinnur úr jakatoga band,

:,:og jökullinn í hafið gægist niður. :,:

2. Hann horfir á starf hinnar hraðstreymu ár

og hettuna missir af skalla,

en Jökulsá hana sinn lyppar í lár

:,: og loðið tætir reifi hvítra mjalla. :,:

3. En þó er sú strönd heldur þegjandalig,

þar heyrast ei kvikar raddir neinar,

því náttúran talar þar ein við sjálfa sig,

:,: En sveinar fæstir skilja hvað hún meinar. :,: